ក្រសួងការបរទេសអាមេរិកកាលពីថ្ងៃទី៦ កញ្ញា បានលុបចោលគណបក្សកុំមុយនីស្តនេបា៉ល់ម៉ៅនិយម CPN-M ពីបញ្ជីឈ្មោះអន្តរជាតិនៃចលនាភេរវកម្ម ដោយប្រកាសថាក្រុមនោះលែងជាការគំរាមកំហែងមួយដល់នយោបាយក្រៅប្រទេសរបស់សហរដ្ឋអាមេរិក ឬដល់ជនជាតិអាមេរិកទៀតហើយ ។
ក្រសួងការបរទេសអាមេរិកកាលពីថ្ងៃទី៦ កញ្ញា បានលុបចោលគណបក្សកុំមុយនីស្តនេបា៉ល់ម៉ៅនិយម CPN-M ពីបញ្ជីឈ្មោះអន្តរជាតិនៃចលនាភេរវកម្ម ដោយប្រកាសថាក្រុមនោះលែងជាការគំរាមកំហែងមួយដល់នយោបាយក្រៅប្រទេសរបស់សហរដ្ឋអាមេរិក ឬដល់ជនជាតិអាមេរិកទៀតហើយ ។
ការសម្រេចចិត្តនេះរបស់ក្រសួងការបរទេសអាមេរិកអាចបើកទ្វារឡើងវិញឱ្យគណបក្សនេបា៉ល់នោះអាចដកយកទ្រព្យសម្បត្តិរបស់ខ្លួនដែលផ្អឹបទុកយោងទៅតាមច្បាប់របស់សហរដ្ឋអាមេរិក ព្រមទាំងអនុញ្ញាតឱ្យមានការផ្លាស់ប្តូរពាណិជ្ជកម្មដោយពលរដ្ឋនិងបណ្តាសហគ្រាសអាមេរិក ។
ក្រសួងការបរទេសអាមេរិកនិយាយថា ក្រោយការពិនិត្យដោយល្អិតល្អន់ក្រសួងកំណត់ថា គណបក្សCPN-M លែងធ្វើសកម្មភាពភេរវកម្មដែលគំរាមកំហែងដល់សន្តិសុខរបស់ជនជាតិអាមេរិក ឬនយោបាយក្រៅប្រទេសរបស់សហរដ្ឋអាមេរិកទៀតហើយ ។ លើសពីនោះទៀតរយៈពេលប៉ុន្មានឆ្នាំចុងក្រោយនេះ គណបក្សម៉ៅនិយមត្រូវបានជ្រើសតាំងជាប្រមុខរដ្ឋាភិបាលចម្រុះនេបា៉ល់ ហើយចាត់វិធានការនានាដើម្បីកម្ទេចចោលបណ្តារចនាសម្ព័ន្ធរបស់ខ្លួនដែលដឹកនាំធ្វើប្រតិបត្តិការភេរវកម្មនានា ហើយគណបក្សនេះបង្ហាញពីការសន្យាគួរឱ្យជឿជាក់បន្តដំណើរការសន្តិភាពនិងការបង្រួបបង្រួមនៅនេបា៉ល់ ។ គណបក្សCPN-M បានប្តូរឈ្មោះរបស់ខ្លួនជាគណបក្សកុំមុុយនីស្តឯកភាពនេប៉ាល់កាលពីខែមករា ឆ្នាំ២០០៩ ពេលរួមបញ្ជូលគ្នាជាផ្លូវការជាមួយគណបក្សកុំមុយនីស្តនេប៉ាល់ ។
ពួកម៉ៅនិយមបានក្រោកធ្វើចលនាបះបោរពីខែកុម្ភៈ ឆ្នាំ១៩៩៦ មកក្នុងទិសដៅបង្កើតសាធារណរដ្ឋមួយក្នុងប្រទេសរាជានិយមនោះ ហើយពួកមៅ៉និយមបានបង្កើតកាលពីឆ្នាំ២០០៥នូវសម្ព័ន្ធភាពមួយជាមួយគណបក្សនយោបាយដទៃៗទៀត ដើម្បីប្រឆាំងនឹងព្រះមហាក្សត្រ ហ្ស៊ីយ៉ាណេដ្រា បង្ខំព្រះអង្គឱ្យបោះបង់ចោលអំណាចកាលពីឆ្នាំ២០០៦ បើកទៅរកការបង្កើតសាធារណរដ្ឋមួយនាខែមេសានៃឆ្នាំនោះ ៕
ចែករំលែកព័តមាននេះ