ខេត្តក្រចេះ ៖ ក្មេងប្រុសអាយុជាង១ឆ្នាំម្នាក់ក្នុងចំណោមមនុស្ស៦នាក់ បានលិចបាត់ក្នុងទឹករកមិនឃើញ ខណៈពេលដែលក្មេងរងគ្រោះត្រូវម្តាយបីពេលកំពុងជិះម៉ូតូឆ្លងព្រែកកាត់ស្ពានឫស្សី មិនប្រយ័ត្នរអិលធ្លាក់ពីលើស្ពានចូលក្នុងទឹក បណ្តាលឱ្យមនុស្សក្មេងចាស់ ស្រីប្រុស ទាំង៦នាក់ ត្រូវធ្លាក់ទឹក។
ខេត្តក្រចេះ ៖ ក្មេងប្រុសអាយុជាង១ឆ្នាំម្នាក់ក្នុងចំណោមមនុស្ស៦នាក់ បានលិចបាត់ក្នុងទឹករកមិនឃើញ ខណៈពេលដែលក្មេងរងគ្រោះត្រូវម្តាយបីពេលកំពុងជិះម៉ូតូឆ្លងព្រែកកាត់ស្ពានឫស្សី មិនប្រយ័ត្នរអិលធ្លាក់ពីលើស្ពានចូលក្នុងទឹក បណ្តាលឱ្យមនុស្សក្មេងចាស់ ស្រីប្រុស ទាំង៦នាក់ ត្រូវធ្លាក់ទឹក។
មន្ត្រីនគរបាលស្រុកព្រែកប្រសព្វបាននិយាយថា ហេតុការណ៍ដែលនឹកស្មានមិនដល់នេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី៦ កញ្ញា ២០១២ នៅលើស្ពានឆ្លងព្រែកមួយធ្វើពីកន្សោបដើមឫស្សី ដោយមានក្រាលរនាបឫស្សីពីលើប្រវែងជាង១០ម៉ែត្រ និងទទឹងជាង១ម៉ែត្រ ស្ថិតក្នុងភូមិព្រែករការ ឃុំសោប ស្រុកព្រែកប្រសព្វ ។
ស្ត្រីឈ្មោះប៊ួយ វិត អាយុ២៦ឆ្នាំ បាននិយាយថា កូនប្រុសរបស់គាត់ដែលលិចបាត់ក្នុងទឹកព្រែកនេះ ឈ្មោះឌី វី អាយុជាង១ឆ្នាំ ។ ចំណែកបុរសឈ្មោះយី ណាក់ អាយុ៣០ឆ្នាំ ជាអ្នកឌុប និងត្រូវជាបងជីដូនមួយរបស់ស្ត្រីជាម្តាយក្មេងប្រុសរងគ្រោះបានរៀបរាប់ថា កាលពីថ្ងៃកើតហេតុគាត់បានជិះម៉ូតូម៉ាកវ៉េវអាល់ហ្វា ពណ៌ស្លែ ចេញពីឃុំជ្រោយបន្ទាយ ស្រុកព្រែកប្រសព្វ ដើម្បីត្រឡប់ទៅផ្ទះវិញ នៅស្រុកតំបែរ ខេត្តកំពង់ចាម ដោយម៉ូតូមួយគ្រឿងនេះជិះគ្នា៦នាក់ ទាំងក្មេងទាំងចាស់ ក្នុងនោះស្ត្រី២នាក់ជាប្អូនស្រីជីដូនមួយរបស់គាត់ និងក្មេងប្រុសស្រី៣នាក់ទៀតជាក្មួយរបស់គាត់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ