រាជធានីភ្នំពេញ ៖ រថយន្តកាមរីបាឡែន ពណ៌ខ្មៅ បើកដោយបុរសជនជាតិថៃបុកម៉ូតូឃ្លីក ពីក្រោយពេញទំហឹង តែសំណាងល្អមិន បណ្តាលឱ្យអ្នកជិះរងរបួសនោះទេ គ្រាន់តែខូចខាតម៉ូតូ ។ គ្រោះថ្នាក់នេះកើតឡើងកាលពីវេលាម៉ោង១១និង២០នាទីយប់ថ្ងៃទី៦ កញ្ញា តាមមហាវិថីព្រះមុនីវង្ស កែងវិថីព្រះសីហនុ ត្រង់ចំណុចស្តុបពេទ្យចិន ក្នុងសង្កាត់ចតុមុខ ខណ្ឌដូនពេញ ។
រាជធានីភ្នំពេញ ៖ រថយន្តកាមរីបាឡែន ពណ៌ខ្មៅ បើកដោយបុរសជនជាតិថៃបុកម៉ូតូឃ្លីក ពីក្រោយពេញទំហឹង តែសំណាងល្អមិន បណ្តាលឱ្យអ្នកជិះរងរបួសនោះទេ គ្រាន់តែខូចខាតម៉ូតូ ។ គ្រោះថ្នាក់នេះកើតឡើងកាលពីវេលាម៉ោង១១និង២០នាទីយប់ថ្ងៃទី៦ កញ្ញា តាមមហាវិថីព្រះមុនីវង្ស កែងវិថីព្រះសីហនុ ត្រង់ចំណុចស្តុបពេទ្យចិន ក្នុងសង្កាត់ចតុមុខ ខណ្ឌដូនពេញ ។
សាក្សីឱ្យដឹងថា រថយន្តបាឡែន ពណ៌ខ្មៅ បើកដោយបុរសជនជាតិថៃ តាមបណ្តោយវិថីព្រះសីហនុ ពីកើតទៅលិចស្របទិសគ្នាជាមួយម៉ូតូឃ្លីក ពណ៌ខៀវលាយស ជិះគ្នា៣នាក់ ប្តីប្រពន្ធ និងកូនប្រុសអាយុ៤ឆ្នាំ ខណៈមកដល់ស្តុបពេទ្យចិន មិនដឹងជាយ៉ាងម៉េចស្រាប់តែរថយន្តបើកទៅបុកម៉ូតូពីក្រោយពេញទំហឹង បណ្តាលឱ្យអ្នកជិះខ្ទាតចេញពីម៉ូតូ តែមិនមានរងរបួសទេ ឯម៉ូតូរងការខូចខាតយ៉ាងដំណំ ។
ក្រោយពេលកើតហេតុបុរសជនជាតិថៃមិនបានចុះពីលើរថយន្តទេ នៅសម្ងំក្នុងរថយន្តដោយសំអាងថា រថយន្តរបស់គេមានក្រុមហ៊ុនធានារ៉ាប់រង ដូច្នេះរង់ចាំក្រុមហ៊ុនមកធ្វើការដោះស្រាយ តែរង់ចាំយូរពេក ម្យ៉ាងបុរសជនជាតិថៃអាចនិយាយភាសាខ្មែរបានខ្លះ និងមានតំណាងមកជួយអន្តរាគមន៍ផងនោះ ក៏សួរទៅខាងជនរងគ្រោះទាមទារសំណងប៉ុន្មាន ។ ខាងជនរងគ្រោះបានទាមទារសំណងថ្លៃជួសជុលម៉ូតូចំនួន៣០០ដុល្លារ តែជនជាតិថៃរូបនោះសុំសងត្រឹម២៥០ដុល្លារ ដោយមិនរង់ចាំក្រុមហ៊ុនមកសងជំនួសទេ ៕
ចែករំលែកព័តមាននេះ