ក្រុងប៉ោយប៉ែត ៖ សាច់មាន់ និងស៊ុតខូចគុណភាពរាប់រយគីឡូក្រាម ដែលឈ្មួញទុច្ចរិតបង្កប់តាមរទេះអូសពីប្រទេសថៃចូលកម្ពុជាតាមច្រកប៉ោយប៉ែត ត្រូវបានក្រុមមន្ត្រីជំនាញកាំកុងត្រូលឈរជើងនៅមាត់ច្រកទ្វារអន្តរជាតិប៉ោយប៉ែតឃាត់ចាប់បាន កាលពីវេលាម៉ោង៩និង៣០នាទីព្រឹកថ្ងៃទី៥ កញ្ញា ។
ក្រុងប៉ោយប៉ែត ៖ សាច់មាន់ និងស៊ុតខូចគុណភាពរាប់រយគីឡូក្រាម ដែលឈ្មួញទុច្ចរិតបង្កប់តាមរទេះអូសពីប្រទេសថៃចូលកម្ពុជាតាមច្រកប៉ោយប៉ែត ត្រូវបានក្រុមមន្ត្រីជំនាញកាំកុងត្រូលឈរជើងនៅមាត់ច្រកទ្វារអន្តរជាតិប៉ោយប៉ែតឃាត់ចាប់បាន កាលពីវេលាម៉ោង៩និង៣០នាទីព្រឹកថ្ងៃទី៥ កញ្ញា ។
តាមប្រភពពីមន្រ្តីជំនាញកាំកុងត្រូលឈរជើងនៅមាត់ច្រកបានឱ្យដឹងថា រទេះចំនួន៤ ដែលដឹកបន្លែផ្លែឈើ រួមទាំងត្រីផងនោះអូសពីប្រទេសថៃចូលមកកម្ពុជាតាមច្រកប៉ោយប៉ែត ត្រូវបានឆែកឆេររកឃើញមានសាច់មាន់ និងស៊ុតខូចគុណភាពលួចដាក់បង្កប់នៅក្នុងរទេះ នោះ ទើបសមត្ថកិច្ចចាប់ឃាត់ទុកដើម្បីយកទៅដុតកម្ទេចចោល ។
ប្រភពបន្តថា សាច់មាន់ និងស៊ុតខូចគុណភាពទាំងអស់នោះ ក្រុមមន្ត្រីជំនាញកាំកុងត្រូលដែលឈរជើងនៅមាត់ច្រកប៉ោយប៉ែតនេះមិនអនុញ្ញាតឱ្យមានការនាំចូលឡើយ ព្រោះធ្វើឱ្យខូចសុខភាពប្រជាពលរដ្ឋដែលបានបរិភោគ ។លោក ស៊ាន ស៊ីណាត អនុប្រធានសាខាកាំកុងត្រូល និងជាប្រធានក្រុមមន្រ្តីជំនាញកាំកុងត្រូលឈរជើងនៅមាត់ច្រកប៉ោយប៉ែតបានឱ្យដឹងថា រទេះដឹកសាច់មាន់ និងស៊ុតខូចគុណភាពចំនួន៤នេះ ពេលមន្ត្រីរបស់លោកកំពុងតែឆែកឆេរនោះស្រាប់តែកម្មករអូសរទេះនោះបាននាំគ្នាគេចខ្លួនបាត់អស់ចោលរទេះដែលពួកគេលួចបង្កប់សាច់មាន់និងស៊ុតមាន់ខូចគុណភាព ។
មន្ត្រីជំនាញបានបញ្ជូនរទេះដែលមានដឹកទំនិញខូចគុណភាពទាំងអស់ទៅទុកនៅស្នាក់ការក្រុងប៉ោយប៉ែត និងបានយកទៅដុតកម្ទេចចោលនៅរសៀលថ្ងៃដដែលនេះតែម្តង ៕
ចែករំលែកព័តមាននេះ