ប្រធានាធិបតីអេហ្ស៊ីបលោកម៉ូហាម៉េដ ម័រស៊ីថ្លែងកាលពីថ្ងៃទី៥ កញ្ញា ថាបណ្តាប្រទេសអារ៉ាប់ជាអ្នកទទួលខុសត្រូវចំពោះការបង្ហូរឈាមនៅស៊ីរី ហើយលោកបានអំពាវនាវដល់បណ្តាប្រទេសអារ៉ាប់ ឱ្យបញ្ចេញសកម្មភាពដោយឆាប់រហ័ស។លោកម័រស៊ីបន្តថា របបស៊ីរីនៅតែមានភព្វវាសនាបញ្ឈប់អំពើហិ.ង្សា។ យើងត្រូវជួយពលរដ្ឋស៊ីរីឱ្យបញ្ឈប់សង្គ្រាមស៊ីវិល ហើយរារាំងដល់អន្តរាគមន៍
ប្រធានាធិបតីអេហ្ស៊ីបលោកម៉ូហាម៉េដ ម័រស៊ីថ្លែងកាលពីថ្ងៃទី៥ កញ្ញា ថាបណ្តាប្រទេសអារ៉ាប់ជាអ្នកទទួលខុសត្រូវចំពោះការបង្ហូរឈាមនៅស៊ីរី ហើយលោកបានអំពាវនាវដល់បណ្តាប្រទេសអារ៉ាប់ ឱ្យបញ្ចេញសកម្មភាពដោយឆាប់រហ័ស។លោកម័រស៊ីបន្តថា របបស៊ីរីនៅតែមានភព្វវាសនាបញ្ឈប់អំពើហិង្សា។ យើងត្រូវជួយពលរដ្ឋស៊ីរីឱ្យបញ្ឈប់សង្គ្រាមស៊ីវិល ហើយរារាំងដល់អន្តរាគមន៍យោធារបស់បរទេស ។
ប្រធានាធិបតីអេហ្ស៊ីប ថ្លែងបែបនេះក្នុងពេលបើកកិច្ចប្រជុំទៀងទាត់លើកទី១៣៨របស់បណ្តារដ្ឋមន្ត្រីការបរទេសសម្ព័ន្ធអារ៉ាប់ ដែលចាប់ផ្តើមកាលពីថ្ងៃទី៥ កញ្ញា នៅទីស្នាក់ការសម្ព័ន្ធអារ៉ាប់ក្នុងទីក្រុងគែរ រដ្ឋធានីអេហ្ស៊ីប ។លោកម័រស៊ីសន្យាថា បណ្តានិស្សិតស៊ីរីនៅ អេហ្ស៊ីបនឹងត្រូវចាត់ទុកដូចជានិស្សិតអេហ្ស៊ីបដែរ ក៏ដូចជាបណ្តានិស្សិតបរទេស ។ លោកបន្តថា ក្រុមអាជ្ញាកណ្តាលសម្រាប់ដោះស្រាយវិបត្តិស៊ីរីផ្តួចផ្តើមដោយអេហ្ស៊ីប នឹងអាចចាប់ផ្តើមការងាររបស់ខ្លួន ហើយក្រុមនោះនឹងទទួលគ្រប់ភាគី ដែលចង់ចូលរួម។
កិច្ចប្រជុំលើកនេះរបស់បណ្តារដ្ឋមន្ត្រីការបរទេសសម្ព័ន្ធអារ៉ាប់ ក៏ផ្តោតផងដែរលើសភាពការណ៍នៅស៊ូដង់និងនៅសូម៉ាលី ព្រមទាំងស្វែងរកមធ្យោបាយនានាដើម្បីឱ្យសម្រេចបានកិច្ចសហប្រតិបត្តិការរួមអារ៉ាប់មួយ ៕
ចែករំលែកព័តមាននេះ