រាជធានីភ្នំពេញ ៖ យុវជនម្នាក់់បានបែកក្បាលដេរអស់ជាច្រើនថ្នេរ និងបីនាក់ទៀតរងរបួសស្រាល ខណៈពេលជិះម៉ូតូចេញពីក្លិបរួចឈប់បត់ជើងតូចនៅក្រោមស្ពានអាកាស៧ មករា ក៏មានជនដៃដល់លបកា.ប់ពីក្រោយ ។ ហេតុការណ៍នេះកើតឡើងនៅវេលាទៀបភ្លឺថ្ងៃទី ៦កញ្ញា នៅ ក្រោមស្ពាន៧មករា ម្តុំកន្លែងលក់ងាវតាមបណ្តោយផ្លូវលេខ៥៩៨ ក្នុងសង្កាត់ទឹកថ្លា ខណ្ឌសែន
រាជធានីភ្នំពេញ ៖ យុវជនម្នាក់់បានបែកក្បាលដេរអស់ជាច្រើនថ្នេរ និងបីនាក់ទៀតរងរបួសស្រាល ខណៈពេលជិះម៉ូតូចេញពីក្លិបរួចឈប់បត់ជើងតូចនៅក្រោមស្ពានអាកាស៧ មករា ក៏មានជនដៃដល់លបកាប់ពីក្រោយ ។ ហេតុការណ៍នេះកើតឡើងនៅវេលាទៀបភ្លឺថ្ងៃទី ៦កញ្ញា នៅ ក្រោមស្ពាន៧មករា ម្តុំកន្លែងលក់ងាវតាមបណ្តោយផ្លូវលេខ៥៩៨ ក្នុងសង្កាត់ទឹកថ្លា ខណ្ឌសែនសុខ។
យុវជនដែលបែកក្បាលឈ្មោះ សាន ឌី អាយុ២២ឆ្នាំ ជាជាងជួសជុលម៉ាស៊ីនត្រជាក់ ស្នាក់នៅម្តុំផ្សារដេប៉ូ ខណ្ឌទួលគោក ។ បើតាមមិត្តភក្តិយុវជនរូបនេះរៀបរាប់ថា មុនពេលកើតហេតុពួកគេជិះម៉ូតូ២គ្រឿង មានគ្នា៤នាក់ ចេញពីក្លិបរាត្រីមួួយនៅម្តុំផ្សារដីហុយ តាមផ្លូវលេខ៥៩៨ ពីកើតទៅលិច ។ លុះមកដល់ក្រោមស្ពាន ដោយឈឺបត់ជើងតូចខ្លាំងពេកទ្រាំមិនបានក៏ឈប់ម៉ូតូអែបនៅចិញ្ចើមផ្លូវរួចចុះទៅបត់ជើង ស្រាប់តែមានជនដៃដល់មួយក្រុមមានគ្នា៤នាក់ជិះម៉ូតូ២គ្រឿងមកដល់ប្រដាប់ដោយកាំបិត ពូថៅ បានកាប់មួយពូថៅចំក្បាលជនរងគ្រោះ ចំណែកពួកគេ៣នាក់ទៀតបានប្រវាយប្រតប់និងរងរបួសស្រាល ។
បន្ទាប់ពីធ្វើសកម្មភាពរួចហើយ ជនដៃដល់បាននាំគ្នាគេចខ្លួនបាត់អស់ ចំណែកជនរងគ្រោះ ត្រូវបានមិត្តភក្តិដឹកយកទៅព្យាបាលនៅមន្ទីរ ពេទ្យព្រះកុសុមៈ ។ ចំពោះហេតុការណ៍កាប់គ្នា នេះ ខាងជនរងគ្រោះបានប្រាប់ថា មិនដឹងមកពីមូលហេតុទេ ហើយជនដៃដល់ក៏ពួកគេមិនដែលស្គាល់ដែរ ៕
ចែករំលែកព័តមាននេះ