រាជធានីភ្នំពេញ ៖ រថយន្តកាមរីឆ្លាមបើកទៅបុកគូទឡិចស៊ីស RX300 មួយគ្រឿងដែលកំពុងឆ្លងផ្លូវជិតផុតបណ្តាលឱ្យឡិចស៊ិសរេចង្កូតទៅបុកបង្គោលដងគោមបំភ្លឺផ្លូវរងរបួសស្ត្រីម្នាក់ ចំណែករថយន្តឆ្លាមខ្ទាតទៅចិញ្ចើមផ្លូវខាងស្តាំ ដែលហេតុការណ៍នេះកើតឡើងនៅចំណុចស្តុបដេអិុន តាមបណ្តោយមហាវិថីកម្ពុជាក្រោមកែងផ្លូវនិរុណ៍ ក្នុងសង្កាត់មិត្តភាព ខណ្ឌ៧មករា កាលពីវេលាម៉ោង២និង៥នាទី
រាជធានីភ្នំពេញ ៖ រថយន្តកាមរីឆ្លាមបើកទៅបុកគូទឡិចស៊ីស RX300 មួយគ្រឿងដែលកំពុងឆ្លងផ្លូវជិតផុតបណ្តាលឱ្យឡិចស៊ិសរេចង្កូតទៅបុកបង្គោលដងគោមបំភ្លឺផ្លូវរងរបួសស្ត្រីម្នាក់ ចំណែករថយន្តឆ្លាមខ្ទាតទៅចិញ្ចើមផ្លូវខាងស្តាំ ដែលហេតុការណ៍នេះកើតឡើងនៅចំណុចស្តុបដេអិុន តាមបណ្តោយមហាវិថីកម្ពុជាក្រោមកែងផ្លូវនិរុណ៍ ក្នុងសង្កាត់មិត្តភាព ខណ្ឌ៧មករា កាលពីវេលាម៉ោង២និង៥នាទីរំលងអធ្រាត្រឈានចូលថ្ងៃទី៦ កញ្ញា ២០១២។
ប្រភពព័ត៌មានឱ្យដឹងថា រថយន្តកាមរីឆ្លាម ពណ៌ស្ករ ជិះម្នាក់ឯងតាមផ្លូវនិរុណ៍ ធ្វើដំណើរពីត្បូងទៅជើង ចំណែករថយន្តឡិចស៊ីស RX300 ពណ៌ស្ករ ជិះគ្នា៣នាក់ ប្រុសម្នាក់ ស្រី២នាក់ បើកតាមមហាវិថីកម្ពុជាក្រោម ពីលិចទៅកើត ខណៈមកដល់ស្តុបដេអិុន បានបើកឆ្លងផ្លូវជិតផុតហើយ ស្រាប់តែរថយន្តកាមរីឆ្លាមបើកទៅបុកគូទពីក្រោយ បណ្តាលឱ្យរថយន្តឡិចស៊ីស RX300 រេចង្កូតទៅបុកបង្គោលដងគោមបំភ្លឺផ្លូវធ្វើឱ្យរថយន្តផ្ទុះពោងសុវត្ថិភាពទាំង២ និងស្ត្រីម្នាក់នៅក្នុងរថយន្តរងរបួសបាក់ឆ្អឹងដងកាំបិត។ រីឯរថយន្តកាមរីឆ្លាមខ្ទាតទៅចិញ្ចើមផ្លូវខាងស្តាំផ្ទុះពោងសុវត្ថិភាពទាំង២ដែរ ប៉ុន្តែអ្នកបើកបរបានរត់គេចខ្លួនមួយសន្ទុះ ទើបត្រឡប់មកវិញដោះស្រាយគ្នា តែមិនអាចធ្វើការសម្របសម្រួលគ្នាបាន ដោយសារធ្វើឱ្យខូចខាតទ្រព្យសម្បត្តិរដ្ឋត្រូវសមត្ថកិច្ចយករថយន្តទាំង២គ្រឿងទៅដោះស្រាយនៅសាលារាជធានីភ្នំពេញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ