ពេលជួបជាមួយនាយករដ្ឋមន្ត្រីសិង្ហបុរីលោកលី សៀងឡុង នៅក្រុងប៉េកាំង ប្រធានាធិបតីចិនលោកហ៊ូ ជីនតាវ ថ្លែងកាលពីថ្ងៃទី៤ កញ្ញា ថា ការអភិវឌ្ឍន៍របស់ចិនពុំអាចស្ថិតនៅដាច់ពីការអភិវឌ្ឍន៍របស់អាស៊ីឡើយ ចំណែកការអភិវឌ្ឍន៍របស់អាស៊ីក៏ពុំអាចសម្រេចបានបើគ្មានចិនដែរ ។លោកហ៊ូគូសបញ្ជាក់ថា ចិនបន្តនយោបាយការបរទេសជិតខាងល្អជាមួយបណ្តាប្រទេសជិតខាង ។
ពេលជួបជាមួយនាយករដ្ឋមន្ត្រីសិង្ហបុរីលោកលី សៀងឡុង នៅក្រុងប៉េកាំង ប្រធានាធិបតីចិនលោកហ៊ូ ជីនតាវ ថ្លែងកាលពីថ្ងៃទី៤ កញ្ញា ថា ការអភិវឌ្ឍន៍របស់ចិនពុំអាចស្ថិតនៅដាច់ពីការអភិវឌ្ឍន៍របស់អាស៊ីឡើយ ចំណែកការអភិវឌ្ឍន៍របស់អាស៊ីក៏ពុំអាចសម្រេចបានបើគ្មានចិនដែរ ។លោកហ៊ូគូសបញ្ជាក់ថា ចិនបន្តនយោបាយការបរទេសជិតខាងល្អជាមួយបណ្តាប្រទេសជិតខាង ។
លោកអះអាងថា ចិនលើកទឹកចិត្តផងដែរដល់ការពង្រីកដោយស៊ីជម្រៅនូវកិច្ចសហប្រតិបត្តិការតំបន់ ។ ចិននឹងគាំទ្រដល់សមាហរណកម្មរបស់អាស៊ាន ព្រមទាំងតួនាទីសំខាន់របស់អាស៊ានក្នុងកិច្ចសហប្រតិបត្តិការរបស់អាស៊ីខាងកើត ។ ចិនត្រៀមធ្វើការជាមួយបណ្តាប្រទេសជាសមាជិកអាស៊ានដែលក្នុងនោះមានសិង្ហបុរី ផងដែរ ដើម្បីបង្កើតបរិយាកាសតំបន់មួយដែលមានសន្តិភាព ស្ថេរភាព ស្មើភាព មានទំនុកចិត្តគ្នានិងមានផលប្រយោជន៍ទៅវិញទៅមក ព្រមទាំងកិច្ចសហប្រតិបត្តិការ ។
ចំណែកលោកលី សៀងឡុង វិញគូសបញ្ជាក់ថា បណ្តាប្រទេសអាស៊ីអាចថែរក្សាស្ថេរភាពតំបន់និងកំណើនសេដ្ឋកិច្ចដោយសារកិច្ច សហប្រតិបត្តិការរបស់ពួកគេ ។ សិង្ហបុរីវាយតម្លៃខ្ពស់ការចូលរួមរបស់ចិនក្នុងកិច្ចសហប្រតិបត្តិការតំបន់ ហើយអបអរសាទរ និងគាំទ្រការខិតខំប្រឹងប្រែងនានារបស់អាស៊ាន ដើម្បីពង្រឹងភាពជាដៃគូកិច្ចសហប្រតិបត្តិការជាមួយចិន ។
សិង្ហបុរីនឹងរួមសហការជាមួយចិន ជំរុញសមាហរណកម្មតំបន់ដើម្បីផលប្រយោជន៍របស់ប្រជា ជនតំបន់នោះ ។ មេដឹកនាំទាំង២ក៏ពិភាក្សាគ្នាផងដែរពីការពង្រីកទំនាក់ទំនងទ្វេភាគី ។ លោកហ៊ូអំពាវនាវដល់ប្រទេសទាំង២ឱ្យពង្រឹងកិច្ចសហប្រតិបត្តិការយោងទៅតាមយុទ្ធសាស្ត្រនៃការអភិវឌ្ឍន៍ផ្ទាល់របស់ប្រទេសទាំង២ ៕
ចែករំលែកព័តមាននេះ