ខេត្តឧត្តរមានជ័យ ៖ ស្រ្តីម្នាក់ដែលគេពុំស្គាល់អត្តសញ្ញាណបានត្រូវបុរសជាប្តីវាយរហូត សន្លប់ បន្ទាប់ពីកើតមានជម្លោះបែកផ្សែងជាមួយគ្នាពេលធ្វើដំណើរតាមរថយន្ត១គ្រឿងនិងបង្កអោយភ្ញាក់ផ្អើលដល់អ្នកភូមិនាំគ្នាចោមរោមមើលគ្រប់ៗគ្នា ។ ហេតុការណ៍នេះបានកើតឡើងនៅតាមបណ្តោយផ្លូវជាតិលេខP.R១៧៤ ទល់មុខសាលាស្រុកអន្លង់វែង ក្នុងភូមិអូរចិញ្ចៀន ឃុំអន្លងវែង ស្រុក
ខេត្តឧត្តរមានជ័យ ៖ ស្រ្តីម្នាក់ដែលគេពុំស្គាល់អត្តសញ្ញាណបានត្រូវបុរសជាប្តីវាយរហូត សន្លប់ បន្ទាប់ពីកើតមានជម្លោះបែកផ្សែងជាមួយគ្នាពេលធ្វើដំណើរតាមរថយន្ត១គ្រឿងនិងបង្កអោយភ្ញាក់ផ្អើលដល់អ្នកភូមិនាំគ្នាចោមរោមមើលគ្រប់ៗគ្នា ។ ហេតុការណ៍នេះបានកើតឡើងនៅតាមបណ្តោយផ្លូវជាតិលេខP.R១៧៤ ទល់មុខសាលាស្រុកអន្លង់វែង ក្នុងភូមិអូរចិញ្ចៀន ឃុំអន្លងវែង ស្រុកអន្លង់វែង កាលពីវេលាម៉ោង១១និង៥០នាទី ព្រឹកថ្ងៃទី៥ កញ្ញា កន្លងទៅនេះ ។
សាក្សីនៅកន្លែងកើតហេតុបានរៀបរាប់ឱ្យដឹងថា គេឃើញស្រ្តីរូបនេះដើរតាមបណ្តោយផ្លូវជាតិមកពីទិសខាងកើតដោយមានយួរកាបូបធំដាក់សម្លៀកបំពាក់១ផង លុះពេលធ្វើដំណើរមកដល់មុខសាលាស្រុកអន្លង់វែង គេឃើញមានរថយន្តម៉ាកកាមរីឆ្លាមមួយគ្រឿងពណ៌ស្ករ បើកមកដល់ហើយឈប់នៅទីនោះរួចបុរសម្នាក់ចេញពីរថយន្តដើរទៅចាប់ស្រ្តីរូបនេះអូសចូលរថយន្តតែស្រ្តីរូបនេះបានរើបម្រះនិងជជែកប្រកែកគ្នា ។ បន្ទាប់មក គេឃើញបុរសនោះវាយស្រ្តីរូបនេះ រហូតដល់សន្លប់ ហើយក៏មានរថយន្តម៉ាកកាម រីឆ្លាមមួួយគ្រឿងទៀតមកដល់ក៏លើកស្រ្តីរូបនេះដាក់ចូលក្នុងរថយន្តបើកចេញបាត់ទៅ ។ ដំបូងគេបានសង្ស័យថា មនុស្សទាំង២នាក់នេះជាអ្នកធ្វើដំណើរមកពីឆ្ងាយ មិនដឹងថាជាប្តីប្រពន្ធទេ ។
ទាក់ទិននឹងហេតុការណ៍នេះ កោះសន្តិភាពបានធ្វើទំនាក់ទំនងទៅលោកវរសេនីយ៍ត្រី ស៊ុយ សេងអធិការនគរបាលស្រុកអន្លង់វែង នារសៀលថ្ងៃទី៥ កញ្ញា ហើយលោកបានបំភ្លឺថា ពីរនាក់នេះជាប្តីប្រពន្ធនឹងគ្នា ហើយពេលកើតមានជម្លោះនោះ គឺលោកបានឱ្យកម្លាំងនគរបាលចុះទៅដល់កន្លែងកើតហេតុដើម្បីធ្វើការសួរនាំ ។ ពីរនាក់ប្តីប្រពន្ធនេះគឺជាមនុស្សចំណាកស្រុក មកស្នាក់នៅក្នុងភូមិអភិវឌ្ឍន៍ ឃុំត្រពាំងប្រីយ៍ ស្រុកអន្លង់វែង នៅនឹងផ្ទះបងប្អូន ។
តាមពិតទៅបុរសជាប្តីមិនបានវាយប្រពន្ធឱ្យរបួសធ្ងន់ទេតែដោយសារស្រ្តីនោះមានជំងឺខ្សោយបេះដូងផង ទើបគាំងបេះដូងសន្លប់ ហើយប្តី និងបងប្អូនក៏នាំយកទៅសង្គ្រោះក្រោយពេលកើតហេតុ ។ ទោះជាយ៉ាងណា លោកមិនបានអោយដឹងពីអត្ត សញ្ញាណនិងមូលហេតុនៃជម្លោះប្តីប្រពន្ធនេះទេ ៕
ចែករំលែកព័តមាននេះ