តាមប្រភពព័ត៌មានពីទីភ្នាក់ងារដេលីម៉េលបានផ្សាយថា អាល្លឺម៉ង់បានបង្ហាញរថយន្តអូតូត្រាម អិុចស្ត្រាហ្គ្រែន(Autotram Extra Grand) ជារថយន្តក្រុងដ៏វែងបំផុត នៅលើពិភពលោក កាលពីដើមសប្តាហ៍កន្លងមក ដោយមានប្រវែង១០១ហ្វុត ឬ៣០ម៉ែត្រ អាចផ្ទុកអ្នកដំណើរបាន២៥៦នាក់រួមទាំងជាមិត្តនឹងបរិស្ថានផងដែរ ។
តាមប្រភពព័ត៌មានពីទីភ្នាក់ងារដេលីម៉េលបានផ្សាយថា អាល្លឺម៉ង់បានបង្ហាញរថយន្តអូតូត្រាម អិុចស្ត្រាហ្គ្រែន(Autotram Extra Grand) ជារថយន្តក្រុងដ៏វែងបំផុត នៅលើពិភពលោក កាលពីដើមសប្តាហ៍កន្លងមក ដោយមានប្រវែង១០១ហ្វុត ឬ៣០ម៉ែត្រ អាចផ្ទុកអ្នកដំណើរបាន២៥៦នាក់រួមទាំងជាមិត្តនឹងបរិស្ថានផងដែរ ។
អូតូត្រាម អិុចស្ត្រាហ្គ្រែន បានអភិវឌ្ឍឡើងដោយអ្នកស្រាវជ្រាវផ្នែកប្រព័ន្ធហេដ្ឋារចនាសម្ព័ន្ធ និងចរាចរណ៍នៃនាយកដ្ឋានហ្វ្រូនហូហ្វើ ។ រថយន្តក្រុងនេះមានប្រវែង៣០ម៉ែត្រ អាចដឹកអ្នកដំណើរសរុប២៥៦នាក់ និងជាដំណឹងល្អមួយសម្រាប់អ្នកដែលស្រឡាញ់បរិស្ថាន ព្រោះរថយន្តមួយគ្រឿងនេះប្រើថាមពលចរន្តអគ្គិសនី។ រថយន្តក្រុងដ៏វែងមួយគ្រឿងនេះបានបើកបង្ហាញដល់សាធារណជននៅទីក្រុងដ្រេសដេន ភាគខាងកើតប្រទេសអាល្លឺម៉ង់ កាលពីដើមសប្តាហ៍កន្លងមក ។
រថយន្តខាងលើនឹងធ្វើការសាកល្បងនៅទីក្រុងនេះក្រោមការគ្រប់គ្រងរបស់នាយកដ្ឋានគមនាគមន៍ និងដឹកជញ្ជូនក្នុងតំបន់នៅពេលឆាប់ៗនេះ ។លើសពីនេះក៏មានរបាយការណ៍ស្តីពីការបញ្ជាទិញរថយន្តក្រុងអូតូត្រាម អិុចស្ត្រាហ្គ្រែនពីទីក្រុងប៉េកាំង និងសៀងហៃផងដែរ ទោះបីជាមានតម្លៃខ្ពស់ដល់ទៅ១០លានដុល្លារក៏ដោយ ។ រថយន្តក្រុងមួយគ្រឿងនេះមានចំណុះផ្ទុកអ្នកដំណើរប្រហាក់ប្រហែលនឹងរថភ្លើងខ្នាតតូចមួយគ្រឿង ប៉ុន្តែអាចធ្វើចលនាបានដូចរថយន្តក្រុង ទូទៅដែរនិងដើរដោយគ្រឿងយន្តហាយប្រ៊ីដអាចបញ្ចូលភ្លើងទៅក្នុងអាគុយបានដោយស្វ័យប្រវត្តិក្នុងអំឡុងពេលកំពុងបើកបរ ។
បច្ចុប្បន្នរថយន្តអូតូត្រាមអិុចស្ត្រាហ្គ្រែនជាប្រភេទរថយន្តក្រុងមានប្រវែងវែងបំផុតនៅលើពិភពលោក ចំណែករថយន្តក្រុងដែលអាចផ្ទុកអ្នកដំណើរបានច្រើនបំផុតនៅលើសកលលោករួមមានរថយន្តញូវ ឡៃន័រ សេ៊រីរបស់ចិន អាចផ្ទុកអ្នកដំណើរបាន៣០០នាក់ ដែលមានប្រវែងប្រហែល៨២ហ្វុត ឬ២៥ម៉ែត្រ៕
ចែករំលែកព័តមាននេះ