រាជធានីភ្នំពេញ ៖ កម្មកររោងចក្រកាត់ដេរ Cambo Hand Same ម្នាក់បានត្រដរខ្យល់ស្លា.ប់បាត់បង់ជីវិតពេលបញ្ជូនទៅកាន់មន្ទីរពេទ្យព្រះកុសុមៈ កាលពីវេលាម៉ោង៨និង២០នាទីព្រឹកថ្ងៃទី៥ កញ្ញា ២០១២ ។ ទាក់ទិននឹងការស្លា.ប់នេះគេពុំដឹងពីមូលហេតុអ្វីឡើយតែគេសង្ស័យថា កម្មកររូបនោះពុល ឬមានប្រតិកម្មអ្វីមួយ ។
រាជធានីភ្នំពេញ ៖ កម្មកររោងចក្រកាត់ដេរ Cambo Hand Same ម្នាក់បានត្រដរខ្យល់ស្លាប់បាត់បង់ជីវិតពេលបញ្ជូនទៅកាន់មន្ទីរពេទ្យព្រះកុសុមៈ កាលពីវេលាម៉ោង៨និង២០នាទីព្រឹកថ្ងៃទី៥ កញ្ញា ២០១២ ។ ទាក់ទិននឹងការស្លាប់នេះគេពុំដឹងពីមូលហេតុអ្វីឡើយតែគេសង្ស័យថា កម្មកររូបនោះពុល ឬមានប្រតិកម្មអ្វីមួយ ។
កម្មករដែលបានស្លាប់នោះឈ្មោះសន សុភា ភេទប្រុស អាយុ២៦ឆ្នាំ ជាកម្មកររោងចក្រកាត់ដេរ Cambo Hand Same ដែលមានទីតាំងក្នុងបុរី មួយ សង្កាត់កន្ទោក ខណ្ឌពោធិ៍សែនជ័យ ។
តាមព័ត៌មានឱ្យដឹងថា នៅព្រឹកថ្ងៃកើតហេតុកម្មកររូបនោះបានជិះម៉ូតូចូលទៅធ្វើការដល់ក្នុងរោងចក្រដូចសព្វមួយដងតែមិនដឹងមូលហេតុអ្វីទេ ស្រាប់តែត្រដរខ្យល់បែកពពុះមាត់ដួលដេកស្តូកស្តឹង ហើយត្រូវបានបញ្ជូនទៅកាន់មន្ទីរពេទ្យរោងចក្រ ។ ដោយសារស្ថានភាពធ្ងន់ធ្ងរត្រូវបានរោងចក្រដឹកបញ្ជូនមកកាន់មន្ទីរពេទ្យព្រះកុសុមៈ តែត្រូវគ្រូពេទ្យបញ្ជាក់ថា បានស្លាប់បាត់បង់ជីវិតតាំងពីធ្វើដំណើរតាមផ្លូវ ។
តាមគ្រូពេទ្យបានឱ្យដឹងថា កម្មកររូបនោះអាចប្រតិកម្ម ឬ ពុលអ្វីមួយបានជាស្លាប់បែបនេះ ។ ទោះបីជាបែបណាគេពុំដឹងថា កម្មកររូបនោះពុលអ្វីឡើយ គឺមានតែមន្ត្រីជំនាញចុះមកពិនិត្យទេ ទើបដឹងពីមូលហេតុ ៕
ចែករំលែកព័តមាននេះ