យោងតាមមន្ត្រីម្នាក់ថា មនុស្សយ៉ាងតិច២០នាក់ ស្លា.ប់ហើយ៥០នាក់ទៀត ត្រូវរបួសកាលពីរសៀលថ្ងៃទី៤ កញ្ញា ពេលជនអត្តឃា.តម្នាក់ធ្វើឱ្យផ្ទុះនៅកណ្តាលចំណោមមនុស្សដែលចូលរួមក្នុងពិធីបុណ្យសពមួយ នៅខេត្តណានហ្គាហារ ភាគខាងកើតអាហ្វហ្គានីស្ថាន ។
យោងតាមមន្ត្រីម្នាក់ថា មនុស្សយ៉ាងតិច២០នាក់ ស្លាប់ហើយ៥០នាក់ទៀត ត្រូវរបួសកាលពីរសៀលថ្ងៃទី៤ កញ្ញា ពេលជនអត្តឃាតម្នាក់ធ្វើឱ្យផ្ទុះនៅកណ្តាលចំណោមមនុស្សដែលចូលរួមក្នុងពិធីបុណ្យសពមួយ នៅខេត្តណានហ្គាហារ ភាគខាងកើតអាហ្វហ្គានីស្ថាន ។
លោកអាម៉ាដ យ៉ា អាប់ឌុល ហ្សៃ អ្នកនាំពាក្យរបស់អាជ្ញាធរខេត្តនេះនិយាយថា ការផ្ទុះកើតមាននាវេលាម៉ោង១៥ម៉ោងក្នុងស្រុកនៅស្រុកឌៀរ បាបា ។ អ្នកនាំពាក្យរូបនេះ បញ្ជាក់ថា កូនប្រុសរបស់ប្រមុខរដ្ឋបាលស្រុកនោះ ក៏ត្រូវស្លាប់ដែរ ក្នុងការវាយប្រហារនេះ ហើយប្រមុខស្រុក និងប្អូនប្រុសត្រូវរបួស ។ បណ្តាអ្នករបួសត្រូវបានប៉ូលិសបញ្ជូនទៅកាន់មន្ទីរពេទ្យខេត្ត ។ មន្ត្រីរដ្ឋបាលជាច្រើនរូបចូលរួមក្នុងពិធីបុណ្យសពនេះ ហើយចំនួនអ្នកស្លាប់នឹងមានច្រើនជាងនោះទៀត ព្រោះអ្នករបួសជាច្រើនស្ថិតក្នុងសភាពធ្ងន់ធ្ងរ ។
ពួកតាលីបង់បានព្រមានដល់បណ្តាជនស៊ីវិលកុំឱ្យនៅក្បែរកន្លែងប្រមូលផ្តុំមនុស្សជាផ្លូវការទាំងឡាយ នៅឱ្យឆ្ងាយពីក្បួនរថយន្ត និងមជ្ឈមណ្ឌលយោធានានា ដែលពួកគេចាត់ទុកថា ជាគោលដៅសំខាន់នៃការវាយប្រហាររបស់ពួកគេហើយក៏ព្រមានផងដែរ ចំពោះប្រជាជនដែលគាំទ្ររដ្ឋាភិបាល និងកងទ័ពបរទេស ។យោងតាមរបាយការណ៍មួយរបស់អ.ស.ប ចេញផ្សាយកាលពីថ្ងៃទី៨ សីហា កន្លងមកនេះថា សរុបជនស៊ីវិលអាហ្វហ្គានីស្ថាន១១៤៨នាក់ បានត្រូវស្លាប់ និង១៩៥៤នាក់ត្រូវរបួសក្នុងជម្លោះរយៈពេល៦ខែដំបូងនៃឆ្នាំ២០១២ ដែលមានការចុះថយ១៥%បើប្រៀបធៀបទៅនឹងដំណាក់កាលដូចគ្នានេះនៃឆ្នាំ២០១១ ៕
ចែករំលែកព័តមាននេះ