ខេត្តព្រៃវែង ៖ ការភ្ញាក់ផ្អើលមួយបានកើតឡើងទាំងព្រឹក ខណៈប្រជាពលរដ្ឋរស់នៅក្នុងភូមិ៦ តំបន់អ្នកលឿង ប្រទះឃើញសពលោកអ៊ូ រតនា មេបញ្ជាការរងកងរាជអាវុធហេត្ថស្រុកពាមរក៍ នៅក្នុងប្រឡាយទឹកក្រោយផ្ទះប្រជាជនវៀតណាម ស្ថិតក្នុងភូមិ៦ ឃុំព្រែកខ្សាយ «ខ» ដែលមានព្រំប្រទល់ជាប់ភូមិអ្នកលឿង ឃុំអ្នកលឿង ស្រុកពាមរក៍ ។
ខេត្តព្រៃវែង ៖ ការភ្ញាក់ផ្អើលមួយបានកើតឡើងទាំងព្រឹក ខណៈប្រជាពលរដ្ឋរស់នៅក្នុងភូមិ៦ តំបន់អ្នកលឿង ប្រទះឃើញសពលោកអ៊ូ រតនា មេបញ្ជាការរងកងរាជអាវុធហេត្ថស្រុកពាមរក៍ នៅក្នុងប្រឡាយទឹកក្រោយផ្ទះប្រជាជនវៀតណាម ស្ថិតក្នុងភូមិ៦ ឃុំព្រែកខ្សាយ «ខ» ដែលមានព្រំប្រទល់ជាប់ភូមិអ្នកលឿង ឃុំអ្នកលឿង ស្រុកពាមរក៍ ។
ហេតុការណ៍ភ្ញាក់ផ្អើលនេះ បានកើតឡើងនៅវេលាម៉ោង៥ព្រឹកថ្ងៃទី៤ កញ្ញា ព្រោះសពជាមន្ត្រីកងរាជអាវុធហត្ថមួយរូប ។ ប្រភពព័ត៌មាននៅកន្លែងកើតហេតុ មានការសន្និដ្ឋានខុសៗគ្នាជុំវិញការស្លាប់នេះ ដែលប្រភពខ្លះថា ស្លាប់ដោយសារជិះម៉ូតូរអិលដួលធ្លាក់ចូលក្នុងប្រឡាយទឹកហើយត្រូវចរន្តអគ្គិសនីឆក់ ។ ឯអ្នកខ្លះទៀតនិយាយថា មុនពេលស្លាប់លោកបានចុះល្បាតតាមផ្លូវលំនេះជួបជាមួយក្រុមអ្នកលក់គ្រឿងញៀន ក៏ត្រូវជនល្មើសច្រានទម្លាក់ទៅក្នុងប្រឡាយ ហើយរុញច្រានម៉ូតូឱ្យដួលសង្កត់ពីលើ។ ប៉ុន្តែតាមការពិនិត្យគឺជនរងគ្រោះដួលធ្លាក់ទៅក្នុងប្រឡាយប៉ះចំមុខតំណខ្សែភ្លើង ដែលធ្លាក់ចូលក្នុងប្រឡាយនោះដែរ ក៏បណ្តាលឱ្យឆក់ ហើយជនរងគ្រោះមិនអាចស្រែកឱ្យគេជួយ ឬទូរស័ព្ទឱ្យកងកម្លាំងមកជួយបាន ។
នៅលើសព គេពិនិត្យឃើញដៃខាងឆ្វេងមានកាន់ទូរស័ព្ទជាប់ក្នុងដៃ ឯត្រង់កំភួនដៃឆ្វេងមានស្នាមជាំខ្មៅដោយសារត្រូវចរន្តភ្លើងឆក់ ។ ចំណែកដៃស្តាំពុំមានកាន់អ្វីទេ ហើយនៅលើដងខ្លួនក៏ពុំមានស្លាកស្នាមអ្វីដែរ។ ទាំងខ្សែ.ក ទាំងចិញ្ចៀននៅនឹងខ្លួនសពអត់មានបាត់បង់ទេ ឯសោម៉ូតូ គឺនៅជាប់នឹងម៉ូតូនៅឡើយ ។ នៅកន្លែងកើតហេតុលើផ្លូវលំគេឃើញមានថ្នាំពណ៌លឿងចំនួន៥គ្រាប់ តែពុំដឹងថាជាថ្នាំអ្វីទេ ។ សមត្ថកិច្ចចម្រុះបានចុះទៅត្រួតពិនិត្យនៅកន្លែងកើតេហតុ និងនាំយកសព និងម៉ូតូប្រគល់ទៅឱ្យក្រុមគ្រួសារធ្វើបុណ្យតាមប្រពៃណី ។ ឯថ្នាំពណ៌លឿងដែលរើសបាននោះ សមត្ថកិច្ចពុំទាន់អះអាងថាជាថ្នាំប្រភេទអ្វីនៅឡើយទេ ។
ទាក់ទិននឹងការកើតមានហេតុការណ៍នេះ ដែលភាគច្រើនចាត់ទុកថាលោកមេបញ្ជាការរងកងរាជអាវុធហត្ថស្រុកអាចស្លាប់ដោយសារតែដួលលើខ្សែភ្លើង ហើយត្រូវចរន្តអគ្គិសនីឆក់ ស្លាប់ក្នុងប្រឡាយនេះ ។ ទាំងប្រជាពលរដ្ឋ ទាំងអាជ្ញាធរមូលដ្ឋាន បានមានប្រតិកម្មយ៉ាងខ្លាំងទៅនឹងក្រុមហ៊ុនប៊ុន លីវអភិវឌ្ឍន៍ ដែលដាំបង្គោលកូនឈើប៉ុនកំភួនជើងតាមផ្លូវលំមាត់ប្រឡាយមិនធានាការទ្រទម្ងន់ខ្សែភ្លើងច្រើន ពេលត្រូវថ្ងៃត្រូវភ្លៀងខ្យល់ បង្គោលនោះពុកដួលធ្លាក់ខ្សែភ្លើងដាបប្របតាមមាត់ប្រឡាយ ។ កន្លែងខ្លះធ្លាក់ដល់ដីជាហេតុធ្វើឱ្យប្រជាពលរដ្ឋ ក៏ដូចជាកងកម្លាំងចម្រុះដែលចុះល្បាតតាមផ្លូវលំនោះប្រឈមទៅនឹងហានិភ័យខ្ពស់ណាស់ ។
ប្រជាពលរដ្ឋបានបញ្ជាក់ថា នៅកន្លែងនោះចរន្តអគ្គិសនីឆក់ស្លាប់៣នាក់ហើយគិតទាំងលើកនេះផង ដែលក្នុងនោះខ្មែរ២នាក់ និងវៀតណាមម្នាក់ ។ ប្រជាពលរដ្ឋបានអំពាវនាវដល់លោកថៅកែភ្លើងអ្នកលឿងមេត្តាអញ្ជើញចុះមកត្រួតពិនិត្យផងដើម្បីបង្ការកុំឱ្យកើតមានគ្រោះអកុសលបែបនេះតទៅទៀត៕
ចែករំលែកព័តមាននេះ