រាជធានីភ្នំពេញ ៖ រថយន្តមិនស្គាល់ម៉ាកមួយគ្រឿងបើកថយក្រោយជ្រុលទៅបុកទម្លុះចូលផ្ទះមួយកន្លែងបើកអាជីវកម្មថតចម្លង បណ្តាលឱ្យខូចខាតម៉ូតូ៣គ្រឿង ម៉ាស៊ីនហ្វូតូកូពី ២គ្រឿង តែសំណាងល្អម្ចាស់ផ្ទះមិនមានរងរបួសនោះទេ កាលពីវេលាម៉ោង១២និង៤៥នាទីរំលងអធ្រាត្រឈានចូលថ្ងៃទី៤ កញ្ញា នៅចំណុចមុខផ្ទះលេខ១៣D ផ្លូវលេខ២៥៣ ក្នុងសង្កាត់ទឹកល្អក់ទី៣ ខណ្ឌទួលគោក ។
ម្ចាស់ផ្ទះជួលដែលរងការខូចខាតឈ្មោះឆេង ហួរ ភេទប្រុស អាយុ២៩ឆ្នាំ បានឱ្យដឹងថា មុនពេលកើតហេតុគាត់បិទទ្វារដែកត្រឹមត្រូវ ហើយសម្រាកលង់លក់នៅក្នុងបន្ទប់ ស្រាប់តែឮសំឡេងផាំងប្រាវបាក់ទ្វារមួយផ្ទាំងសង្កត់លើម៉ូតូទាំងបីគ្រឿងបណ្តាលឱ្យខូចខាត រួមទាំងម៉ាស៊ីនហ្វូតូ២គ្រឿង ក៏ខូចខាតដែរ ។ ភ្លាមនោះពេលខ្លួនស្ទុះចេញពីក្នុងបន្ទប់ឃើញរថយន្តមិនស្គាល់ម៉ាកបើកចេញទៅបាត់ ។
ម៉ូតូនៅក្នុងផ្ទះ៣គ្រឿងដែលខូចខាត ក្នុងនោះមានម៉ាកវីវ៉ា ពណ៌ខ្មៅ មួយគ្រឿង សេ១២៥ ពណ៌ខ្មៅ២គ្រឿង ព្រមទាំងខូចខាតម៉ាស៊ីនហ្វូតូ២គ្រឿង និងបាក់ទ្វារដែកមួយផ្ទាំងទៀតផង ៕
ចែករំលែកព័តមាននេះ