រាជធានីភ្នំពេញ ៖ក្រសួងមហាផ្ទៃកម្ពុជាបានស្នើឲ្យសមត្ថកិច្ចកោះតៃវ៉ាន់សហការចាប់ខ្លួនអ្នកនាំគ្រឿងញៀនប្រមាណ៨០គីឡូក្រាម ចូលទៅ កោះតៃវ៉ាន់ ។ សំណើនេះ បានធ្វើឡើងបន្ទាប់ពីសមត្ថកិច្ចកោះតៃវ៉ាន់ កាលពីពេលថ្មីៗនេះ ចាប់បានគ្រឿងញៀ.នប្រភេទហេរ៉ូអីុនប្រមាណ៨០គីឡូក្រាម ដែលនាំចេញពីកម្ពុជាតាមផ្លូវទឹកនាំចូលទៅកោះតៃវ៉ាន់ហើយត្រូវបាននគរបាលតៃវ៉ាន់សន្និដ្ឋាន
រាជធានីភ្នំពេញ ៖ក្រសួងមហាផ្ទៃកម្ពុជាបានស្នើឲ្យសមត្ថកិច្ចកោះតៃវ៉ាន់សហការចាប់ខ្លួនអ្នកនាំគ្រឿងញៀនប្រមាណ៨០គីឡូក្រាម ចូលទៅ កោះតៃវ៉ាន់ ។ សំណើនេះ បានធ្វើឡើងបន្ទាប់ពីសមត្ថកិច្ចកោះតៃវ៉ាន់ កាលពីពេលថ្មីៗនេះ ចាប់បានគ្រឿងញៀនប្រភេទហេរ៉ូអីុនប្រមាណ៨០គីឡូក្រាម ដែលនាំចេញពីកម្ពុជាតាមផ្លូវទឹកនាំចូលទៅកោះតៃវ៉ាន់ហើយត្រូវបាននគរបាលតៃវ៉ាន់សន្និដ្ឋានថា មានតម្លៃប្រមាណ៨០លានដុល្លាអាមេរិក ។
លោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃកម្ពុជា បានមានប្រសាសន៍កាលពីថ្ងៃទី៣០ សីហា ២០១២ ក្នុងឱកាសទទួលជួបពិភាក្សាការងារជាមួយប្រតិភូអគ្គនាយកដ្ឋានតម្រួតនៃក្រសួងសន្តិសុខសាធារណៈនៃសាធារណរដ្ឋប្រជាធិបតេយ្យប្រជាមានិតឡាវថា កម្ពុជា បង្រ្កាបបានករណីជួញដូរគ្រឿងញៀនជាបន្តបន្ទាប់ ។ កម្ពុជាមិនមែនជាកន្លែងផលិតគ្រឿងញៀននោះទេ ប៉ុន្តែករណីគ្រឿងញៀននេះ កម្ពុជាបានក្លាយជាកន្លែងឆ្លងកាត់ និងជាជនរងគ្រោះ ។
តាមការឆ្លើយសារភាពរបស់ជនល្មើសកន្លងមកថា មានគ្រឿងញៀនមួយចំនួននាំមកពីអាមេរិកឡាទីន ម៉ិចស៊ីកូ អាហ្វ្រិកខាងត្បូង ។ ករណីខ្លះឆ្លងកាត់កម្ពុជានាំចេញទៅប្រទេសថៃ តាមច្រករបៀងនានានៅតាមព្រំដែនកម្ពុជា-ថៃ ករណីនេះត្រូវបានកម្ពុជាបង្រ្កាបបាន ។ ពាក់ព័ន្ធនឹង បញ្ហាគ្រឿងញៀន៨០គីឡូក្រាម ដែលសមត្ថកិច្ចនគរបាលកោះតៃវ៉ាន់ចាប់បាននោះ លោកឧបនាយករដ្ឋមន្ត្រី ស ខេង បានលើកឡើងថាក្រសួងមហាផ្ទៃកម្ពុជាបានស្នើឲ្យកំលាំងនគរបាលនៅកោះតៃវ៉ាន់ជួយសហការតាមស្ទាក់ចាប់ក្រុមជនល្មើសដើម្បីដោះស្រាយទៅតាមនីតិវិធីច្បាប់ ។
ពីព្រោះកម្ពុជានៅមិនទាន់ច្បាស់ថា គ្រឿងញៀនទាំងនោះ វាបាននាំចេញទៅដោយមធ្យោបាយណានោះទេ ប៉ុន្តែបើតាមការសន្និដ្ឋានភាគច្រើននៃគ្រឿងញៀននេះគឺពួកជនល្មើសបានលួចចំលងផ្ទេរគ្នានៅក្នុងព្រំដែនទឹក ដើម្បីនាំចេញយកទៅកោះតៃវ៉ាន់ ៕
ចែករំលែកព័តមាននេះ