រាជធានីភ្នំពេញ ៖ ម៉ូតូម៉ាកឌ្រីមសេ១២៥ មួយគ្រឿង បានបើកវ៉ារថយន្តមួយគ្រឿងក្នុងទិសដៅស្របគ្នាទៅបុករថយន្តម៉ាកហ្វត ពណ៌ស មួយគ្រឿងទៀតចំពីមុខបណ្តាលឱ្យរថយន្តបែកធុងទឹក និងអ្នកបើកបរម៉ូតូរងរបួសរលាត់ដៃជើងត្រូវបញ្ជូនទៅព្យាបាលនៅមន្ទីរពេទ្យ។
រាជធានីភ្នំពេញ ៖ ម៉ូតូម៉ាកឌ្រីមសេ១២៥ មួយគ្រឿង បានបើកវ៉ារថយន្តមួយគ្រឿងក្នុងទិសដៅស្របគ្នាទៅបុករថយន្តម៉ាកហ្វត ពណ៌ស មួយគ្រឿងទៀតចំពីមុខបណ្តាលឱ្យរថយន្តបែកធុងទឹក និងអ្នកបើកបរម៉ូតូរងរបួសរលាត់ដៃជើងត្រូវបញ្ជូនទៅព្យាបាលនៅមន្ទីរពេទ្យ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២រសៀលថ្ងៃទី៣ កញ្ញា ២០១២ នៅតាមបណ្តោយផ្លូវលេខ២៧១ មុខវិទ្យាល័យជា ស៊ីម សាមគ្គី ក្នុងសង្កាត់បឹងសាឡាង ខណ្ឌទួលគោក ហើយភាគីខាងម៉ូតូបានជួយសងថ្លៃខូចខាត២៥០ដុល្លារដល់ភាគីខាងរថយន្តដើម្បីបញ្ចប់រឿង ។
តាមសាក្សីឱ្យដឹងថា មុនពេលកើតហេតុគេឃើញម៉ូតូម៉ាកឌ្រីមសេ១២៥ ស៊េរី២០១០ មួយគ្រឿង បើកដោយជនជាតិវៀតណាម ឈ្មោះតេវ ភេទប្រុស អាយុ៣១ឆ្នាំ មានទីលំនៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ បានធ្វើដំណើរតាមបណ្តោយផ្លូវលេខ២៧១ ពីគល់ស្ពានស្ទឹងមានជ័យ ទៅខាងលិចវិទ្យាល័យជា ស៊ីមសាមគ្គី ។ ភ្លាមៗអ្នកបើកបរម៉ូតូបានធ្វើដំណើរទៅកាន់មន្ទីរពេទ្យ ហើយបានប្រាប់បងប្អូនឱ្យមកជួយដោះស្រាយសងទៅខាងរថយន្តចំនួន២៥០ដុល្លាររួចក៏បំបែកផ្លូវគ្នាយកម៉ូតូ និងរថយន្តទៅជួសជុលខ្លួនឯង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ