អ្នកទទួលខុសត្រូវយោធាអីុរ៉ង់១រូបដកស្រង់សម្តីដោយទីភ្នាក់ងារសារព័ត៌មានពាក់កណ្តាលផ្លូវការ ISNA ថ្លែងថា អីុរ៉ង់គ្រោងរៀបចំសមយុទ្ធការពារអាកាសធំមួយនាពាក់កណ្តាលខែតុលាខាងមុខនេះ ។មេបញ្ជាការមូលដ្ឋានអាកាសចរណ៍KHATAM AL-ANBIA លោកហ្វាហ្សាដ អេស្មាអីុលី ថ្លែងកាលពីថ្ងៃទី៣ កញ្ញា ក្នុងសន្និសីទសារព័ត៌មានមួយថា រាល់កងឯកភាពយោធា
អ្នកទទួលខុសត្រូវយោធាអីុរ៉ង់១រូបដកស្រង់សម្តីដោយទីភ្នាក់ងារសារព័ត៌មានពាក់កណ្តាលផ្លូវការ ISNA ថ្លែងថា អីុរ៉ង់គ្រោងរៀបចំសមយុទ្ធការពារអាកាសធំមួយនាពាក់កណ្តាលខែតុលាខាងមុខនេះ ។មេបញ្ជាការមូលដ្ឋានអាកាសចរណ៍KHATAM AL-ANBIA លោកហ្វាហ្សាដ អេស្មាអីុលី ថ្លែងកាលពីថ្ងៃទី៣ កញ្ញា ក្នុងសន្និសីទសារព័ត៌មានមួយថា រាល់កងឯកភាពយោធារបស់អីុរ៉ង់នឹងចូលរួមក្នុងសមយុទ្ធទ្រង់ទ្រាយធំនេះ ដែលនឹងប្រព្រឹត្តទៅក្នុងទូទាំងប្រទេស ។
មេបញ្ជាការរូបនេះបន្តថា ក្រោយការបដិសេធរបស់រុស្ស៊ីមិនផ្តល់ឱ្យក្រុងតេហេរ៉ង់នូវប្រព័ន្ធការពារអាកាសS-300 ពួកអ្នកជំនាញការអីុរ៉ង់បានធ្វើការលើផលិតកម្មប្រព័ន្ធការពារប្រឆាំងមីស៊ីល ដែលនឹងមានលក្ខណៈជឿនលឿនច្រើនជាងប្រព័ន្ធS-300ទៅទៀត ។ ប្រព័ន្ធមីស៊ីលមានឈ្មោះថា BAVAR-373 នឹងត្រូវជំនួសប្រព័ន្ធS-300 ។
អីុរ៉ង់និងរុស្ស៊ីបានចុះហត្ថលេខាកាលពីឆ្នាំ២០០៧ លើកុងត្រាមួយស្តីពីការទិញ ប្រព័ន្ធការពារអាកាសរុស្ស៊ីS-300 ។ កាលពីខែកញ្ញាឆ្នាំ២០១០ លោកឌីមីឌ្រីម៉េដវេដេវ ដែលកាលនោះជាប្រធានាធិបតីបានចុះហត្ថលេខាលើក្រិត្យមួយដែលហាមឃាត់ការផ្តល់ប្រព័ន្ធការពារនោះឱ្យដល់ក្រុងតេហេរ៉ង់ ក្នុងក្របខណ្ឌនៃដំណោះស្រាយមួយរបស់អ.ស.ប ដែលហាមឃាត់ការផ្តល់អាវុធនិងឧបករណ៍យោធាឱ្យអីុរ៉ង់ ៕
ចែករំលែកព័តមាននេះ