ទូរទស្សន៍អារ៉ាប់ AL MAYADEEN TV រាយការណ៍ថា មនុស្សប្រមាណជា៦នាក់ បានត្រូវស្លា.ប់ ហើយ៣១នាក់ទៀត ត្រូវរបួសក្នុងការផ្ទុះមួយ ដែលកើតមានកាលពីថ្ងៃទី៣ កញ្ញា នៅតំបន់ហ្សារ៉ាម៉ាណា ជាយក្រុងដាម៉ាស់ រដ្ឋធានីស៊ីរី ។ ចំនួនពិតប្រាកដនៃជនរងគ្រោះនៅពុំទាន់ប្រកាសដោយម៉ាស៊ីនឃោសនារដ្ឋនៅឡើយ ក៏ប៉ុន្តែវិទ្យុស្និទ្ធរដ្ឋាភិបាល SHAM FM និយាយថា មនុស្ស
ទូរទស្សន៍អារ៉ាប់ AL MAYADEEN TV រាយការណ៍ថា មនុស្សប្រមាណជា៦នាក់ បានត្រូវស្លាប់ ហើយ៣១នាក់ទៀត ត្រូវរបួសក្នុងការផ្ទុះមួយ ដែលកើតមានកាលពីថ្ងៃទី៣ កញ្ញា នៅតំបន់ហ្សារ៉ាម៉ាណា ជាយក្រុងដាម៉ាស់ រដ្ឋធានីស៊ីរី ។ ចំនួនពិតប្រាកដនៃជនរងគ្រោះនៅពុំទាន់ប្រកាសដោយម៉ាស៊ីនឃោសនារដ្ឋនៅឡើយ ក៏ប៉ុន្តែវិទ្យុស្និទ្ធរដ្ឋាភិបាល SHAM FM និយាយថា មនុស្សយ៉ាងតិច២នាក់ ស្លាប់ ចំណែកក្រុមសកម្មប្រយុទ្ធមួយអះអាងពីមនុស្សស្លាប់៤នាក់ ក្នុងការផ្ទុះនេះ ក្នុងនោះមាននារី ម្នាក់ និងក្មេងស្រីម្នាក់ ។ វិទ្យុនេះ ក៏រៀបរាប់ផងដែរពីការខូចខាតសម្ភារធ្ងន់ធ្ងរ ។
ម៉ាស៊ីនឃោសនារដ្ឋរាយការណ៍នាពេលមុននេះ ថា គ្រឿងផ្ទុំត្រូវបានដាក់នៅក្រោមរថយន្ត ១គ្រឿង បានផ្ទុះក្នុងវិថី AL-WIDEH នៅហ្សារ៉ាម៉ាណា ។ការផ្ទុះកាលពីថ្ងៃទី៣ កញ្ញា នោះ កើតមាន១ថ្ងៃ បន្ទាប់ពីការផ្ទុះគ្រាប់បែក២គ្រាប់ កាលពីថ្ងៃទី២ កញ្ញានៅកន្លែង១ចម្ងាយតែប្រមាណជា២០០ម៉ែត្រប៉ុណ្ណោះ ពីការិយាល័យបណ្តាប្រមុខយោធាស៊ីរីនៅក្រុងដាម៉ាស់បណ្តាលឱ្យទាហាន៤នាក់ត្រូវរបួស ។
ចំណែកការប្រយុទ្ធគ្នា ពិសេសនៅទីក្រុងអាឡែបជាទីក្រុងសេដ្ឋកិច្ចសំខាន់របស់ស៊ីរីនៅតែខ្លាំងក្លា ដោយពួកឧទ្ទាមហាក់ដូចជាតាំងចិត្ត វាយដណ្តើមកាន់កាប់ទីក្រុងនោះឱ្យបាន ។ ប៉ុន្តែឧត្តមសេនីយ៍ទទួលបន្ទុកប្រតិបត្តិការរបស់កងទ័ពស៊ីរីនៅក្រុងអាឡែបវាយតម្លៃកាលពីថ្ងៃទី៣ កញ្ញា ថា កងទ័ពរៀបរយអាចវាយដណ្តើមកាន់កាប់ទីក្រុងនោះរយៈពេល១០ថ្ងៃទៀត ។ ឧត្តមសេនីយ៍រូបនេះបន្តថា ការប្រយុទ្ធគ្នាកើតមានក្នុងទីក្រុងនោះទាំងមូលរវាងទាហាន៣០០០នាក់ និងពួកភេរវករ៧០០០នាក់ ក្នុងនោះ២០០០នាក់ បានត្រូវសម្លាប់តាំងពីចាប់ផ្តើមប្រតិបត្តិការនៅក្រុងអាឡែបមក ៕
ចែករំលែកព័តមាននេះ