រាជធានីភ្នំពេញ ៖ និស្សិតស្រីម្នាក់បានបាក់.កស្លា.ប់នៅនឹងកន្លែងយ៉ាងអាណោចអាធ័មក្នុងហេតុការណ៍គ្រោះថ្នាក់ចរាចរណ៍រវាងម៉ូតូប៉ះគ្នាជាមួយរថយន្តម៉ាកហ៊ីយ៉ាន់ដាយ ដឹកស្វាយក្នុងដំណើរស្របទិសគ្នា តាមបណ្តោយផ្លូវ២៧១ សង្កាត់ទំនប់ទឹក ខណ្ឌចំការមន កាលពីវេលាម៉ោង៦និង៤៥នាទីព្រឹកថ្ងៃទី៤ កញ្ញា ២០១២ ។
រាជធានីភ្នំពេញ ៖ និស្សិតស្រីម្នាក់បានបាក់.កស្លាប់នៅនឹងកន្លែងយ៉ាងអាណោចអាធ័មក្នុងហេតុការណ៍គ្រោះថ្នាក់ចរាចរណ៍រវាងម៉ូតូប៉ះគ្នាជាមួយរថយន្តម៉ាកហ៊ីយ៉ាន់ដាយ ដឹកស្វាយក្នុងដំណើរស្របទិសគ្នា តាមបណ្តោយផ្លូវ២៧១ សង្កាត់ទំនប់ទឹក ខណ្ឌចំការមន កាលពីវេលាម៉ោង៦និង៤៥នាទីព្រឹកថ្ងៃទី៤ កញ្ញា ២០១២ ។
នារីរងគ្រោះឈ្មោះខឿន សុវណ្ណនី អាយុ២៤ឆ្នាំ ជានិស្សិតសាកលវិទ្យាល័យបៀលប្រាយឆ្នាំទី៣ មានទីលំនៅសង្កាត់ទឹកថ្លា ខណ្ឌសែនសុខ ។ ប្រភពព័ត៌មានបានឱ្យដឹងថា មុនពេលកើតហេតុគេឃើញនារីរងគ្រោះជិះម៉ូតូគុបមូល C50 ក្នុងទិសដៅពីជើងទៅត្បូង ស្របទិសគ្នាជាមួយរថយន្តម៉ាកហ៊ីយ៉ាន់ដាយ ដឹកស្វាយ លុះមកដល់ចំណុចកើតហេតុមិនដឹងជាយ៉ាងម៉េច ស្រាប់តែទៅប៉ះគ្នាជាមួយរថយន្តហ៊ីយ៉ាន់ដាយ ដួលបោកបាក់.កស្លាប់តែម្តង ។ ភ្លាមៗអ្នកបើកបររថយន្តពុំបានរត់ទៅណានោះទេ នៅជួយលើកនារីរងគ្រោះដាក់ទៅចិញ្ចើមផ្លូវ ។ ទោះបីជាបែបណា រថយន្ត និងអ្នកបើកបរត្រូវសមត្ថកិច្ចឃាត់នាំទៅការិយាល័យចរាចរណ៍ជើងគោករាជធានីភ្នំពេញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ