ខេត្តកំពង់ឆ្នាំង ៖ មានអ្នកភូមិខិលខូចមួយក្រុមតូចនៅភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំងដឹកនាំដោយមេខ្លោងមកពីគណបក្សប្រឆាំងឈ្មោះញឹម ញ៉េន ហៅរាជ សីមា ព្រឹកថ្ងៃទី៣ កញ្ញា ២០១២ បានយកនង្គ័ល៦ ទៅភ្ជួរដីរបស់ក្រុមហ៊ុន KDC ដែលស្ថិតនៅក្នុងឃុំតាជេស ។
ខេត្តកំពង់ឆ្នាំង ៖ មានអ្នកភូមិខិលខូចមួយក្រុមតូចនៅភូមិឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំងដឹកនាំដោយមេខ្លោងមកពីគណបក្សប្រឆាំងឈ្មោះញឹម ញ៉េន ហៅរាជ សីមា ព្រឹកថ្ងៃទី៣ កញ្ញា ២០១២ បានយកនង្គ័ល៦ ទៅភ្ជួរដីរបស់ក្រុមហ៊ុន KDC ដែលស្ថិតនៅក្នុងឃុំតាជេស ។
ពេលកំពុងធ្វើសកម្មភាពភ្ជួរ ត្រូវបានរដ្ឋអំណាចឃុំ ដោយមាននគរបាលប៉ុស្តិ៍ចូលរួមផង បានទៅឃាត់ឃាំង និងដេញ ព្រោះជាដីក្រុមហ៊ុន ដែលមានកម្មសិទ្ធិស្របច្បាប់ មិនអាចធ្វើផ្តេសផ្តាសបានទេ ។ ទម្រាំរារាំងក្រុមកំហូចនេះបាន ត្រូវពួកគេភ្ជួរដីបានប្រមាណជាងមួយហិកតារួចទៅហើយ។ នៅពេលដែលរដ្ឋអំណាចរារាំងនោះ ត្រូវឈ្មោះញឹម ញ៉េន និងដាក់ឈ្មោះថ្មី ហៅឈ្មោះរាជ សីមា ដែលជាមេខ្លោង និងជាសកម្មជនរបស់គណបក្សប្រឆាំងដាច់ក្បាល ដាច់កន្ទុយមួយ បាននិយាយថា បើចង់ឱ្យខ្លួនឈប់ភ្ជួរលើដីនេះ ទាល់តែឱ្យថៅកែដីផ្តល់ប្រាក់ឱ្យខ្លួនខ្លះមក ទើបខ្លួនឈប់រំខាន ។
គួរកត់សម្គាល់ថា ឈ្មោះញឹម ញ៉េន ហៅរាជ សីមា ជាមេខ្លោងប្រើនយោបាយ «ឈ្នះបានដី ចាញ់បានលុយ» ញុះញង់ឱ្យបក្សពួករបស់ខ្លួនរំលោភលើកម្មសិទ្ធិរបស់ក្រុមហ៊ុន KDC រាប់ឆ្នាំមកហើយ ដែលតាមការសន្និដ្ឋានរបស់អ្នកច្បាប់ទំនងជាត្រូវជាប់គុកមិនខាន ៕
ចែករំលែកព័តមាននេះ