ខេត្តស្វាយរៀង ៖ បុរសម្នាក់ត្រូវអ្នកស៊ីផឹកជាមួយគ្នាព្រួតវាយបណ្តាលឱ្យសន្លប់នៅជិតកន្លែងផឹកស៊ីគួរឱ្យសង្វេគ ពីព្រោះតែមិនយល់ចិត្តគ្នា ផឹកស៊ីមិនទាន់ចប់ចុះដើរទៅផ្ទះមុន ធ្វើឱ្យអ្នកផឹកស៊ីជាមួយ៣នាក់ទៀតខឹងក៏ព្រួតវាយទាត់ធាក់់ ។ ករណីនេះបានកើតឡើងកាលពីថ្ងៃទី១ កញ្ញា ២០១២ វេលាមោ៉ង៤ និង៤០នាទីរសៀល នៅភូមិមេលោង សង្កាត់ព្រៃឆ្លាក់ ក្រុងស្វាយរៀង ។
ខេត្តស្វាយរៀង ៖ បុរសម្នាក់ត្រូវអ្នកស៊ីផឹកជាមួយគ្នាព្រួតវាយបណ្តាលឱ្យសន្លប់នៅជិតកន្លែងផឹកស៊ីគួរឱ្យសង្វេគ ពីព្រោះតែមិនយល់ចិត្តគ្នា ផឹកស៊ីមិនទាន់ចប់ចុះដើរទៅផ្ទះមុន ធ្វើឱ្យអ្នកផឹកស៊ីជាមួយ៣នាក់ទៀតខឹងក៏ព្រួតវាយទាត់ធាក់់ ។ ករណីនេះបានកើតឡើងកាលពីថ្ងៃទី១ កញ្ញា ២០១២ វេលាមោ៉ង៤ និង៤០នាទីរសៀល នៅភូមិមេលោង សង្កាត់ព្រៃឆ្លាក់ ក្រុងស្វាយរៀង ។
បើតាមសមត្ថកិច្ចប្រាប់ឱ្យដឹងថា ជនរងគ្រោះឈ្មោះអ៊ុំ សុវណ្ណយា អាយុ២៧ឆ្នាំ មានទីលំនៅក្នុងភូមិ សង្កាត់ខាងលើ ។ មុនពេលកើតហេតុបុរសម្នាក់ឈ្មោះ ធី នៅភូមិជាមួយគ្នាខាងលើ មានកម្មវិធីផឹកស៊ីក៏ហៅអ្នកភូមិ៤នាក់មកចូលរួមផឹកស៊ីសរុប៥នាក់ទាំងម្ចាស់ផ្ទះ ។ ខណៈការផឹកស៊ីកំពុងសប្បាយមិនទាន់ចប់ផងបុរសឈ្មោះអ៊ុំ សុវណ្ណយា បានលាម្ចាស់ផ្ទះទៅផ្ទះមុន ហើយម្ចាស់ផ្ទះក៏មិនឃាត់ដែរ តែភ្ញៀវ៣នាក់ផឹកជាមួយបានឃាត់ ឯែជនរងគ្រោះដោយសារស្រវឹងហើយ មិនហ៊ាននៅផឹកទៀតខ្លាចជ្រុលក៏លាទៅផ្ទះមុន ។
ចំណែកអ្នកទាំង៣នាក់បាននៅផឹកស៊ីជាមួយម្ចាស់ផ្ទះបន្តរហូតដល់ម៉ោង៤ និង៤០នាទីរសៀល ពេលនោះជនរងគ្រោះដើរពីផ្ទះមកក្បែរកន្លែងផឹកស៊ីវិញ ស្រាប់តែឈ្មោះភ័ក្ត្រ ភេទប្រុស អាយុ២៥ឆ្នាំ នៅភូមិមេលោងជាមួយគ្នាក៏និយាយថា ឯងត្រឡប់មករកងាប់អីទៀត ទៅហើយមកឌឺអី ។ និយាយបានតែប៉ុណ្ណឹង ក៏ចុះទៅដាល់មួយដៃចំមាត់បែកឈាមរហាមធ្វើឱ្យជនរងគ្រោះឈឺចាប់យ៉ាងខ្លាំងក៏ប្រវាយប្រតប់គ្នា ។ ប្រភពព័ត៌មានដដែលបន្តទៀតថាពេលនោះបក្សពួករបស់ឈ្មោះភ័ក្ត្រ២នាក់ក៏ចុះពីលើគ្រែផឹកស៊ីមកព្រួតគ្នាវាយជនរងគ្រោះដោយខ្លះទាត់ ខ្លះធាក់ ខ្លះដាល់ ត្រូវផ្ទៃមុខ និងកញ្ចឹងកបណ្តាលឱ្យជនរងគ្រោះដួលទៅលើដី រួចទាត់ធាក់ទៀតរហូតសន្លប់ ។
ពេលនោះអ្នកស្រុកក៏ប្តឹងសមត្ថកិច្ចមកចាប់បានម្នាក់ឈ្មោះភ័ក្ត្រ រីឯ២នាក់ទៀតរត់គេចខ្លួនរួច ឯក្រុមគ្រួសារក៏ដឹកជនរងគ្រោះមកកាន់មន្ទីរពេទ្យបង្អែកខេត្តដើម្បីសង្គ្រោះ ។ ជនឈ្មោះភ័ក្ត្រ សមត្ថកិច្ចប៉ុស្តិ៍ប៉ូលីសរដ្ឋបាលសង្កាត់ព្រៃឆ្លាក់ក្រោយពីឃាត់ខ្លួនបានបញ្ជូនទៅអធិកាដ្ឋានក្រុងស្វាយរៀងចាត់ការបន្ត និងកំពុងតាមចាប់ខ្លួនជន២នាក់ទៀតមកផ្តន្ទាទោសតាមច្បាប់ ។
ជនឈ្មោះភ័ក្ត្រ បានប្រាប់សមត្ថកិច្ចថាមូលហេតុដែលខ្លួនវាយដោយសារខឹងជនរងគ្រោះផឹកស៊ីជុំគ្នាកំពុងសប្បាយមិនទាន់ចប់ផងក៏លាទៅផ្ទះ ធ្វើឱ្យការផឹកស៊ីលែងសូវសប្បាយ ។ ម៉្យាងទៀតបើទៅហើយមិនទៅឱ្យបាត់ទេ បែរជាត្រឡប់មកវិញ ធ្វើឱ្យម្ចាស់ផ្ទះគេអាក់អន់ចិត្ត ទើបប្រដៅមួយដៃទៅ តែចង់តដៃទើបប្រដៅបន្ថែមក៏ជ្រុលដៃ ៕
ចែករំលែកព័តមាននេះ