រាជធានីភ្នំពេញ ៖ ឡិចស៊ីសRX300 ពណ៌ខ្មៅមួយគ្រឿង ទំនងជាស្រវឹងធ្លាក់ភ្នែកបើកបរដោយស្ត្រីម្នាក់បានបោលបុកក្បាលរបាំងដែកចែកផ្លូវលើកំណាត់មហាវិថីសហព័ន្ធរុស្ស៊ីមុខក្រសួងការពារជាតិស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១២និង៤៥នាទីរំលងអធ្រាត្រឈានចូលថ្ងៃទី៣ កញ្ញា ។ នៅក្នុងហេតុការណ៍នេះបណ្តាលឱ្យខូចខាតរបាំងដែក ឯរថយន្តបែកកង់ខាង
រាជធានីភ្នំពេញ ៖ ឡិចស៊ីសRX300 ពណ៌ខ្មៅមួយគ្រឿង ទំនងជាស្រវឹងធ្លាក់ភ្នែកបើកបរដោយស្ត្រីម្នាក់បានបោលបុកក្បាលរបាំងដែកចែកផ្លូវលើកំណាត់មហាវិថីសហព័ន្ធរុស្ស៊ីមុខក្រសួងការពារជាតិស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង១២និង៤៥នាទីរំលងអធ្រាត្រឈានចូលថ្ងៃទី៣ កញ្ញា ។ នៅក្នុងហេតុការណ៍នេះបណ្តាលឱ្យខូចខាតរបាំងដែក ឯរថយន្តបែកកង់ខាងឆ្វេងនិងខ្ទេចមុខ ។
សាក្សីឃើញហេតុការណ៍បានរៀបរាប់ឱ្យសមត្ថកិច្ចដឹងថា នៅមុនពេលកើតហេតុមានរថយន្តមួយគ្រឿងម៉ាកឡិចស៊ីសRX300ពណ៌ខ្មៅ បើកតាមបណ្តោយមហាវិថីសហព័ន្ធរុស្ស៊ីពីកើតទៅលិចក្នុងល្បឿនបង្គួរ ស្របពេលភ្លៀងធ្លាក់យ៉ាងខ្លាំង លុះមកដល់មុខក្រសួងការពារជាតិស្ថិតក្នុងសង្កាត់ស្រះចក ខណ្ឌដូនពេញ ទំនងជាអ្នកបើកហូបគ្រឿងស្រវឹងលើសចំណុះរហូតធ្លាក់ភ្នែកបានបុកក្បាលរបាំងដែកចែកផ្លូវទាំងកំរោលបណ្តាលឱ្យបាក់ដួលមកលើផ្លូវ ។ ស្របពេលនោះមានរថយន្តតាក់ស៊ីម៉ែត្រមួយគ្រឿងបើកបញ្ច្រាសទិសគ្នាមកដល់ក៏ត្រូវក្បាលរបាំងដែកធ្លាក់ចំក្បាលរថយន្តផងដែរ ។ រថយន្តឡិចស៊ីសក៏បានបែកកង់ខាងឆ្វេង និងខូចខាតផ្នែកខាងមុខពេលនោះគេឃើញមានមនុស្សប្រុសស្រី៤នាក់បើកទ្វាររថយន្តចេញមកហើយព្យាយាមដោះដូរកង់បម្រុងបើកគេចតែត្រូវនគរបាលប៉ុស្តិ៍ស្រះចកមកដល់ក្របួចជាប់ ។
ស្ត្រីម្នាក់ដែលបានរួមដំណើរជាមួយរថយន្តបង្កខាងលើនិយាយថា អ្នកបើករថយន្តឡិចស៊ីសជាស្ត្រី មុនពេលជួបគ្រោះថ្នាក់ចរាចរណ៍នេះពួកគេទើបតែមកពីលេងផ្ទះបងប្អូននៅម្តុំវត្តសារាវ័នស្ថិតក្នុងសង្កាត់ជ័យជំនះ ខណ្ឌដូនពេញក្រោយមកក៏នាំគ្នាធ្វើដំណើរត្រឡប់ទៅផ្ទះវិញ លុះមកដល់ចំណុចខាងលើស្រាប់តែរថយន្តបែកកង់ខាងឆ្វេងស្របពេលមេឃកំពុងធ្លាក់ភ្លៀងផងនោះក៏បណ្តាលឱ្យរអិលរេចង្កូតទៅបុកក្បាលរបាំងចែកផ្លូវបាក់រាបតែម្តង ។
មន្ត្រីនគរបាលមូលដ្ឋានដែលចុះទៅដល់ចំណុចកើតហេតុបានឱ្យដឹងថា នៅក្នុងហេតុការណ៍ខាងលើភាគីម្ចាស់រថយន្តឡិចស៊ីសបានចេញសំណងចំនួន៥០ដុល្លារទៅឱ្យរថយន្តតាក់ស៊ីម៉ែត្រដែលត្រូវក្បាលរបាំងដែកចែកផ្លូវធ្លាក់ចំក្បាលរថយន្តខូចខាតបន្តិចបន្តួច ។ រថយន្តបង្កត្រូវបានស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោកដើម្បីដោះស្រាយសងការខូចខាតរបាំងដែក ៕
ចែករំលែកព័តមាននេះ