អ្នកទទួលខុសត្រូវម្នាក់របស់ប៉ូលិសយេម៉ែន ថ្លែងថា ជនស៊ីវិល១៣នាក់ស្លា.ប់កាលពីថ្ងៃទី២កញ្ញា ក្នុងការវាយប្រហារតាមអាកាសមួយធ្វើឡើងដោយយន្តហោះគ្មានមនុស្សបើកអាមេរិក១គ្រឿងនៅភាគកណ្តាលយេម៉ែន ។សេចក្តីថ្លែងការណ៍មួយចេញផ្សាយនាពេលមុននេះគូសបញ្ជាក់ថា ការវាយប្រហារនោះបានសម្លា.ប់សមាជិកទាំងឡាយរបស់ពួកអាល់កៃដា។
អ្នកទទួលខុសត្រូវម្នាក់របស់ប៉ូលិសយេម៉ែន ថ្លែងថា ជនស៊ីវិល១៣នាក់ស្លាប់កាលពីថ្ងៃទី២កញ្ញា ក្នុងការវាយប្រហារតាមអាកាសមួយធ្វើឡើងដោយយន្តហោះគ្មានមនុស្សបើកអាមេរិក១គ្រឿងនៅភាគកណ្តាលយេម៉ែន ។សេចក្តីថ្លែងការណ៍មួយចេញផ្សាយនាពេលមុននេះគូសបញ្ជាក់ថា ការវាយប្រហារនោះបានសម្លាប់សមាជិកទាំងឡាយរបស់ពួកអាល់កៃដា។
ក៏ប៉ុន្តែអ្នកទទួលខុសត្រូវប៉ូលិសយេម៉ែននិយាយថា យន្តហោះគ្មានមនុស្សបើកអាមេរិកនោះវាយប្រហារខុសគោលដៅសង្ស័យហើយវាយប្រហារដោយច្រឡំលើរថយន្ត២គ្រឿងក្នុងទីក្រុងរ៉ាដដា ខេត្តអាល់បៃដា បណ្តាលឱ្យជនស៊ីវិល១៣នាក់ស្លាប់ក្នុងនោះមាននារី២នាក់ ។ អ្នកទទួលខុសត្រូវរូបនេះបន្តថាមេដឹកនាំអាល់កៃដាឈ្មោះរ៉ាអ៊ូហូអាល់ដាហាប ដែលជាគោលដៅនៃការវាយប្រហារគេចផុតពីគ្រោះថ្នាក់ព្រោះរថយន្តរបស់គេស្ថិតនៅឆ្ងាយពីកន្លែងវាយប្រហារនោះ ។
ទីក្រុងរ៉ាដដា ស្ថិតនៅចម្ងាយ១៧០គ.ម ភាគអាគ្នេយ៍រដ្ឋធានីសាណាជាទីលាននៃការប្រយុទ្ធគ្នាយ៉ាងស្វិតស្វាញនានាមុនពេលកងទ័ពយេម៉ែនវាយដណ្តើមយកបានវិញពីពួកអាល់កៃដា ។ សហរដ្ឋអាមេរិកបានជួយធ្វើអន្តរាគមន៍នៅយេម៉ែនក្នុងក្របខណ្ឌនៃការតស៊ូប្រឆាំងភេរវកម្មដោយរួមសហការជាមួយរដ្ឋាភិបាលយេម៉ែនចាប់តាំងពីការឡើងកាន់អំណាចរបស់ប្រធានាធិបតីលោកអាបដ៍រ៉ាបមូម៉ាន់សួរហាឌី កាលពីខែកុម្ភៈមក ៕
ចែករំលែកព័តមាននេះ