ខេត្តស្ទឹងត្រែង ៖ ធនធានត្រីនៅក្នុងទន្លេនៃខេត្តស្ទឹងត្រែង បានកើនឡើងគួរឱ្យកត់សម្គាល់សម្រាប់ឆ្នាំ២០១២ នេះ ដោយសារអាកាសធាតុមានការប្រែប្រួលខុសពីឆ្នាំកន្លងទៅ ។ ប៉ុន្តែទោះបីជាបែបណាប្រជាពលរដ្ឋរស់នៅតាមដងទន្លេក៏ដូចជាសហគមន៍នៅតែខ្វល់ខ្វាយចំពោះការកើនឡើងនូវវ៉ូងត្រីគ្រប់ប្រភេទនោះ ។
ខេត្តស្ទឹងត្រែង ៖ ធនធានត្រីនៅក្នុងទន្លេនៃខេត្តស្ទឹងត្រែង បានកើនឡើងគួរឱ្យកត់សម្គាល់សម្រាប់ឆ្នាំ២០១២ នេះ ដោយសារអាកាសធាតុមានការប្រែប្រួលខុសពីឆ្នាំកន្លងទៅ ។ ប៉ុន្តែទោះបីជាបែបណាប្រជាពលរដ្ឋរស់នៅតាមដងទន្លេក៏ដូចជាសហគមន៍នៅតែខ្វល់ខ្វាយចំពោះការកើនឡើងនូវវ៉ូងត្រីគ្រប់ប្រភេទនោះ ។
ប្រធានសហគមន៍នេសាទភូមិកោះខនឌិនលោកម៉ៅ សារ៉េត បានបញ្ជាក់ថា នៅក្នុងឆ្នាំនេះត្រីគ្រប់ប្រភេទមានការកើនឡើងខ្លាំង បើធៀប ទៅកាល ពី៥ទៅ៦ឆ្នាំមុន ។ លោកបានបញ្ជាក់ថា កត្តាដែលធ្វើឱ្យកំណើនត្រីគ្រប់ប្រភេទកើនឡើងដោយសាររយៈពេល២ឆ្នាំមកនេះ មានភ្លៀងធ្លាក់ច្រើនបង្កឱ្យព្រៃលិចទឹកនៅក្នុងតំបន់រ៉ាំសារចាប់ពីចំណុចកន្ទុយកោះត្រែង ភូមិថ្មី សង្កាត់សាមគ្គី រហូតដល់ចំណុចព្រះសុខន ឃុំអូរស្វាយ ស្រុកថាឡាបរិវ៉ាត់ អំណោយផលក្នុងការបង្កាត់ពូជពងកូន ។ ម្យ៉ាងវិញទៀតតំបន់រ៉ាំសារជាកន្លែងជម្រកកក់ក្តៅរបស់ត្រី ព្រោះក្នុងតំបន់នោះសម្បូរដោយថ្មអន្លុងជ្រៅៗសម្រាប់មេពូជត្រីធំរស់នៅ ។ ទន្ទឹមនឹងនោះលោកម៉ៅ សារ៉េត ក៏បានត្អូញត្អែរ និងព្រួយបារម្ភថា ពូជត្រីប្រភេទប៉ាសេអីុជាត្រីមានតម្លៃសម្រាប់តែខេត្តស្ទឹងត្រែងអាចនឹងថយចុះដោយសារទំនប់វារីអគ្គិសនីនៅសេសាន ។
លោកអឹុម ឆុន ជារឿយៗពេលឡើងពីដកស្ទូងគាត់បានកាន់សំណាញ់ ឬមងក្រឡាទៅដាក់ក្នុងទន្លេ និងអូរតាមបណ្តោយច្រាំងក្រោយផ្ទះរបស់គាត់ ក្រោមទឹកមុខក្រៀមក្រំដោយសារតែមង និងសំណាញ់របស់គាត់ជាប់បានត្រីស្ទើរតែស្លមួយសម្លមិនគ្រាន់ផងសម្រាប់គ្រួសាររបស់គាត់ ។ ដៃម្ខាងកាន់សំណាញ់រើសសម្រាស់ចេញហើយនិយាយថា ឆ្នាំនេះអាកាសធាតុមានការប្រែប្រួលជាបន្តបន្ទាប់រាល់ឆ្នាំដោយសារមេឃធ្លាក់ភ្លៀងច្រើន ។ ចំណែកត្រីក្នុងទន្លេក៏សម្បូរជាងប៉ុន្មានឆ្នាំមុនផងដែរ តែសម្រាប់ប្រជាជនរស់នៅតាមដងទន្លេរកត្រីស្លស្ទើរតែមិនបាន ដោយសារត្រីទាំងនោះមិនអាចទប់ទល់នឹងការដាក់ឧបករណ៍ឆក់រាល់ថ្ងៃ ហើយគាត់មិនសង្ឃឹមថា ត្រីទាំងនោះអាចសម្បូរឡើយ បើគ្មានការទប់ស្កាត់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ