រាជធានីភ្នំពេញ ៖ មានករណីគ្រោះថ្នាក់ចរាចរណ៍២លើកកើតឡើង២ថ្ងៃបន្តបន្ទាប់គ្នានៅកន្លែងតែមួយត្រង់ចំណុចគល់ស្ពានព្រះមុនីវង្សថ្មី ត្រើយខាងកើត ដែលបង្កឡើងដោយរថយន្តដឹកទំនិញពីរគ្រឿងបើកចុះពីលើស្ពានដាច់ហ្វ្រាំងក៏រអិលបុករះខូចខាតរថយន្តម៉ូតូអស់ជាច្រើនគ្រឿង ។
រាជធានីភ្នំពេញ ៖ មានករណីគ្រោះថ្នាក់ចរាចរណ៍២លើកកើតឡើង២ថ្ងៃបន្តបន្ទាប់គ្នានៅកន្លែងតែមួយត្រង់ចំណុចគល់ស្ពានព្រះមុនីវង្សថ្មី ត្រើយខាងកើត ដែលបង្កឡើងដោយរថយន្តដឹកទំនិញពីរគ្រឿងបើកចុះពីលើស្ពានដាច់ហ្វ្រាំងក៏រអិលបុករះខូចខាតរថយន្តម៉ូតូអស់ជាច្រើនគ្រឿង ។
ករណីទី១បានកើតឡើងកាលពីព្រឹកថ្ងៃទី២ កញ្ញា ដោយរថយន្តក្រឡុកស៊ីម៉ង់ត៍បើកចុះពីលើស្ពានព្រះមុនីវង្សថ្មីដាច់ហ្វ្រាំងបុករះខូចខាតរថយន្ត៣គ្រឿង ម៉ូតូ៣គ្រឿង និងរ៉ឺម៉កម៉ូតូដឹកថ្ម២គ្រឿង និងបណ្តាលឱ្យមនុស្សម្នាក់រងរបួសធ្ងន់ ។ ដោយឡែកនៅព្រឹកថ្ងៃទី៣ កញ្ញា ក៏មានរថយន្តដឹកស៊ុមកញ្ចក់មួយគ្រឿងម៉ាកហ៊ីយ៉ាន់ដាយ ពណ៌ខៀវ បើកបរដោយឈ្មោះសុន សាក់ អាយុ២៣ឆ្នាំ មានទីលំនៅស្រុកកំចាយ ខេត្តព្រៃវែង បានបើករថយន្តដឹកសម្ភារស៊ុមកញ្ចក់ពីខេត្តកំពង់ឆ្នាំង បំណងយកទៅលក់ឱ្យម៉ូយនៅស្រុកកៀនស្វាយ ខេត្តកណ្តាល ។
ប៉ុន្តែខណៈពេលធ្វើដំណើរមកដល់ស្ពានព្រះមុនី វង្សថ្មី ឆ្លងផុតដល់ត្រើយខាងកើត ស្រាប់តែរថយន្តបែកទុយោជាន់ហ្វ្រាំងអត់ស៊ីបុករះខូចខាតរថយន្តអស់៣គ្រឿងតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ