ខេត្តកំពង់ធំ ៖ បុរសម្នាក់បានស្លា.ប់ភ្លាមៗ និងម្នាក់ទៀតរបួសធ្ងន់ ក្នុងឧប្បត្តិហេតុគ្រោះថ្នាក់ចរាចរណ៍ កាលពីវេលាម៉ោង៩និង១០នាទីព្រឹកថ្ងៃទី២ កញ្ញា នៅចំណុចផ្លូវជាតិលេខ៦ ក្នុងភូមិរមាំងងាប់ ឃុំត្រពាំងឫស្សី ស្រុកកំពង់ស្វាយ រវាងរថយន្តបុកគ្នាជាមួយរ៉ឺម៉កម៉ូតូដឹកលូ ។
ខេត្តកំពង់ធំ ៖ បុរសម្នាក់បានស្លាប់ភ្លាមៗ និងម្នាក់ទៀតរបួសធ្ងន់ ក្នុងឧប្បត្តិហេតុគ្រោះថ្នាក់ចរាចរណ៍ កាលពីវេលាម៉ោង៩និង១០នាទីព្រឹកថ្ងៃទី២ កញ្ញា នៅចំណុចផ្លូវជាតិលេខ៦ ក្នុងភូមិរមាំងងាប់ ឃុំត្រពាំងឫស្សី ស្រុកកំពង់ស្វាយ រវាងរថយន្តបុកគ្នាជាមួយរ៉ឺម៉កម៉ូតូដឹកលូ ។
លោកវរសេនីយ៍ត្រីព្រំ ចាន់ថុល អនុប្រធានការិយាល័យចរាចរណ៍បានឱ្យដឹងថា នៅវេលាម៉ោងខាងលើមានគ្រោះថ្នាក់ចរាចរណ៍មួយបានកើតឡើងនៅលើផ្លូវជាតិលេខ៦ ចំណុចចន្លោះគីឡូម៉ែត្រលេខ១៧៦-១៧៧ ក្នុងភូមិរមាំងងាប់ ឃុំត្រពាំងឫស្សី កើតឡើងរវាងរថយន្តម៉ាកតូយ៉ូតាហ៊ីលុច្ស ពណ៌ស្លែ បើកបរដោយបុរសឈ្មោះ តាន់ ព្រឿនគីរីវុឌ្ឍ អាយុ៥២ឆ្នាំ មានទីលំនៅ ភូមិស្ទឹងថ្មី សង្កាត់ស្វាយដង្គំ ក្រុងសៀមរាប ខេត្តសៀមរាប បានបុកគ្នាជាមួយរ៉ឺម៉កម៉ូតូដឹកលូបើកបរដោយបុរសឈ្មោះ ស៊ឹង សៀប អាយុ៣៨ឆ្នាំ មានទីលំនៅភូមិ-ឃុំកើតហេតុ និងអ្នករួមដំណើរម្នាក់ទៀត ។
នគរបាលចរាចរបានឱ្យដឹងថា ផ្អែកតាមការឆ្លើយបំភ្លឺរបស់សាក្សីបានបញ្ជាក់ថា មុនពេលកើតហេតុគេឃើញរថយន្តខាងលើបានធ្វើដំណើរយ៉ាងលឿនពីជើងទៅត្បូង លុះមកដល់កន្លែងកើតហេតុក៏មានរ៉ឺម៉កម៉ូតូដឹកលូ២កង់ធ្វើដំណើរបញ្រ្ចាសទិសគ្នា បានធ្លាក់ជង្ហុកហើយរេចង្កូតចូលទៅស្តាំដៃរថយន្តក៏បានបុកគ្នាជាមួយរថយន្ត បណ្តាលឱ្យដួលម៉ូតូហើយលូនៅលើរ៉ឺម៉កម៉ូតូរមៀលទៅសង្កត់លើអ្នកបើករឺុម៉កស្លាប់ភ្លាមៗ
ចំណែកអ្នករួមដំណើរម្នាក់ទៀតរបួសធ្ងន់ត្រូវបញ្ជូនទៅមន្ទីរពេទ្យ ។ក្រោយហេតុការណ៍កើតឡើងសពត្រូវបានក្រុមគ្រួសារទទួលយកទៅធ្វើបុណ្យ ចំណែករថយន្ត និងរ៉ឺម៉កម៉ូតូត្រូវបានសមត្ថកិច្ចនាំយកទៅរក្សាទុកដើម្បីដោះស្រាយជាក្រោយ ៕
ចែករំលែកព័តមាននេះ