រាជធានីភ្នំពេញ ៖ រថយន្តកាមរីបាឡែន ពណ៌ស មួយគ្រឿងបានបើកទៅបុកបង្គោលភ្លើងវៀចទ្រេតធ្វើឱ្យដាច់ចរន្តអគ្គិសនីតាមផ្ទះប្រជាពលរដ្ឋ រួចបើករត់គេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី៣ កញ្ញា ២០១២ ត្រង់ចំណុចខាងក្រោយវិទ្យាល័យបាក់ទូក តាមផ្លូវលេខ១៦៩កែងផ្លូវលេខ១៦៤ ក្នុងសង្កាត់វាលវង់ ខណ្ឌ៧មករា ។
រាជធានីភ្នំពេញ ៖ រថយន្តកាមរីបាឡែន ពណ៌ស មួយគ្រឿងបានបើកទៅបុកបង្គោលភ្លើងវៀចទ្រេតធ្វើឱ្យដាច់ចរន្តអគ្គិសនីតាមផ្ទះប្រជាពលរដ្ឋ រួចបើករត់គេចខ្លួនបាត់ស្រមោល ។ ហេតុការណ៍នេះកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី៣ កញ្ញា ២០១២ ត្រង់ចំណុចខាងក្រោយវិទ្យាល័យបាក់ទូក តាមផ្លូវលេខ១៦៩កែងផ្លូវលេខ១៦៤ ក្នុងសង្កាត់វាលវង់ ខណ្ឌ៧មករា ។
បើតាមសម្តីរបស់សន្តិសុខយាមនៅជិតកន្លែងកើតហេតុឱ្យដឹងថា រថយន្តបង្កខាងលើនេះបម្រុងនឹងបើកបុករូបគេដែលកំពុងអង្គុយយាមម្នាក់ឯងទៀត តែសំណាងល្អបួងចង្កូតទៅបុកបង្គោលភ្លើង បណ្តាលឱ្យវៀចទ្រេតរួចរថយន្តបើករត់គេចបាត់ស្រមោល ។ ប្រភពដដែលបន្តទៀតថា រថយន្តកាមរីបាឡែន ពណ៌ស បើកតាមផ្លូវលេខ១៦៩ ពីត្បូងទៅជើង ខណៈមកដល់ចំណុចផ្លូវកែងក្រោយរបងវិទ្យាល័យបាក់ទូក ក៏បត់ស្តាំឆ្ពោះទៅផ្លូវលេខ១៦៤ ក្នុងល្បឿនលឿនបួងចង្កូតមិនទាន់ជ្រុលទៅបុកង្គោលភ្លើងធ្វើឱ្យដាច់ចរន្តអគ្គិសនីតាមផ្ទះប្រជាពលរដ្ឋនៅតាមដងផ្លូវលេខ១៦៤ រួចបើករត់ឆ្ពោះទៅទិសខាងកើតដោយសុវត្ថិភាព ។
ទោះបីជាយ៉ាងណាសន្តិសុខរូបនោះបានកត់ស្លាកលេខរថយន្តបង្កនោះឱ្យសមត្ថកិច្ចដើម្បីស្រាវជ្រាវចាប់យកមកទាមទារសំណងការខូចខាតបង្គោលភ្លើងនោះ៕
ចែករំលែកព័តមាននេះ