ប៉ូលិសរាយការណ៍កាលពីថ្ងៃទី២ កញ្ញាថា មនុស្សម្នាក់បានត្រូវស្លា.ប់ ហើយមនុស្ស៣៤នាក់ទៀតត្រូវរបួសក្នុងការផ្ទុះគ្រាប់បែកដៃ២គ្រាប់កាលពីយប់ថ្ងៃទី១មកទី២ កញ្ញា នៅភាគខាងត្បូងហ្វ៊ីលីពីន ។អ្នកនាំពាក្យរបស់ប៉ូលិសខេត្តមីនដាណាវខាងត្បូង និយាយថា មនុស្ស៣២នាក់ ត្រូវរបួសពេលជនមិនស្គាល់មុខម្នាក់គប់គ្រាប់បែកដៃ១គ្រាប់នាវេលាម៉ោង ២និង២៥នាទីរំលងអធ្រាត្រក្នុង
ប៉ូលិសរាយការណ៍កាលពីថ្ងៃទី២ កញ្ញាថា មនុស្សម្នាក់បានត្រូវស្លាប់ ហើយមនុស្ស៣៤នាក់ទៀតត្រូវរបួសក្នុងការផ្ទុះគ្រាប់បែកដៃ២គ្រាប់កាលពីយប់ថ្ងៃទី១មកទី២ កញ្ញា នៅភាគខាងត្បូងហ្វ៊ីលីពីន ។អ្នកនាំពាក្យរបស់ប៉ូលិសខេត្តមីនដាណាវខាងត្បូង និយាយថា មនុស្ស៣២នាក់ ត្រូវរបួសពេលជនមិនស្គាល់មុខម្នាក់គប់គ្រាប់បែកដៃ១គ្រាប់នាវេលាម៉ោង ២និង២៥នាទីរំលងអធ្រាត្រក្នុងកន្លែងហាត់ប្រាណមួយនៃភូមិហ្វារីម៉ាក្នុងស្រុកប៉ាគីបាតូ ជិតទីក្រុងដាវ៉ាង ។ ការគប់គ្រាប់បែកនេះកើតមានពេលពួកអ្នកភូមិកំពុងតែទស្សនាការសម្តែងសៀកក្នុងពេលបុណ្យមួយ ។
អ្នកទទួលខុសត្រូវភូមិម្នាក់និយាយថា ជនសង្ស័យមានបំណងគប់គ្រាប់បែកចូលក្នុងប៉ុស្តិ៍យាមមួយរបស់កងទ័ពដែលទើបបង្កើតក្នុងសហគមន៍ ក៏ប៉ុន្តែគ្រាប់បែកពេលគប់ត្រូវចំនឹងរបស់មួយខ្ទាតទៅផ្ទុះនៅកន្លែងហាត់ប្រាណ ។ការផ្ទុះគ្រាប់បែកទី២ កើតមាននាវេលាម៉ោង២៣និង៤៥នាទីម៉ោងក្នុងស្រុកនៅភូមិបុងបុង ជិតក្រុងសាន់តូតូម៉ាន់ ខេត្តដាវ៉ាវ ដែលលាតជិតខាង ។ ការផ្ទុះនេះបណ្តាលមកពីអ្នកភូមិម្នាក់ធ្វើឱ្យជ្រុះគ្រាប់បែកដៃមួយគ្រាប់សម្លាប់អ្នកភូមិអាយុ៣១ឆ្នាំរូបនេះ ។ មនុស្ស២នាក់ទៀតត្រូវរបួសដោយសារការផ្ទុះនេះដែរ ៕
ចែករំលែកព័តមាននេះ