រាជធានីភ្នំពេញ ៖ និស្សិតសាកលវិទ្យាល័យការពារជាតិម្នាក់ត្រូវចោរដែលគេសង្ស័យថា ជាកម្មករលាងរថយន្តបានធ្វើសកម្មភាពលួចយកកាមេរ៉ាថតរូបមួយគ្រឿងពីក្នុងរថយន្តទៅបាត់ ខណៈពេលជិះរថយន្តទៅលាងនៅយានដ្ឋានហេងហេង រង្វង់មូលទួលគោក សង្កាត់បឹងកក់ទី២ ខណ្ឌទួលគោក។
រាជធានីភ្នំពេញ ៖ និស្សិតសាកលវិទ្យាល័យការពារជាតិម្នាក់ត្រូវចោរដែលគេសង្ស័យថា ជាកម្មករលាងរថយន្តបានធ្វើសកម្មភាពលួចយកកាមេរ៉ាថតរូបមួយគ្រឿងពីក្នុងរថយន្តទៅបាត់ ខណៈពេលជិះរថយន្តទៅលាងនៅយានដ្ឋានហេងហេង រង្វង់មូលទួលគោក សង្កាត់បឹងកក់ទី២ ខណ្ឌទួលគោក។
ការបាត់ម៉ាស៊ីនថតនេះបង្កឱ្យមានការភ្ញាក់ផ្អើលកាលពីវេលាម៉ោង១២ថ្ងៃត្រង់ថ្ងៃទី២ កញ្ញា ២០១២ ហើយម្ចាស់បានប្តឹងប៉ូលិសចុះទៅសួរនាំកម្មករនៅយានដ្ឋាន តែពុំមានកម្មករណាម្នាក់ហ៊ានឆ្លើយឡើយ ។ មន្ត្រីយោធាដែលត្រូវចោរលួចម៉ាស៊ីនថតនោះឈ្មោះថន ម៉េងស៊ា ឋានន្តរស័ក្តិវរសេនីយ៍ត្រី ជានិស្សិតសាកលវិទ្យាល័យការពារជាតិ បានឱ្យដឹងថា នៅមុនពេលកើតហេតុគាត់បានជិះរថយន្តម៉ាកឡិចស៊ីស ពណ៌ស្ករ មួយគ្រឿង ធ្វើដំណើរទៅលាងរថយន្តនៅយានដ្ឋានហេង ហេង ស្ថិតនៅរង្វង់មូលទួលគោក ក្នុងសង្កាត់បឹងកក់ទី២ ខណ្ឌទួលគោក ដោយទុកម៉ាស៊ីនថតនៅក្នុងកាបូបទុកក្នុងរថយន្ត ។ បន្ទាប់ពីលាងរថយន្តហើយក៏បានធ្វើដំណើរទៅផ្តិតរូប ស្រាប់តែបាត់ម៉ាស៊ីនថត រួចត្រឡប់មកយានដ្ឋានវិញសួរនាំ និងប្តឹងប៉ូលិសតែម្តង ។
លោកវរសេនីយ៍ត្រីឱ្យដឹងទៀតថា បាត់ម៉ាស៊ីនថតគាត់ពុំស្តាយនោះទេ តែសំខាន់គឺឯកសារនៅក្នុងនោះ ។ នៅវេលានោះប៉ូលិសបានសួរនាំដល់ក្រុមកម្មករតែរកពុំឃើញម៉ាស៊ីនថតឡើយ ៕
ចែករំលែកព័តមាននេះ