រាជធានីភ្នំពេញ ៖ បុរសម្នាក់ជាសិស្សសាលាភាសាកូរ៉េនៃអង្គការអភិវឌ្ឍន៍សេដ្ឋកិច្ច និងលទ្ធិប្រជាធិបតេយ្យត្រូវបានគេប្រទះឃើញដេកស្លា.ប់នៅជាន់ទី២ ក្នុងសាលាខាងលើដែលតាមសមត្ថកិច្ចសន្និដ្ឋានជំហានដំបូង គឺស្លា.ប់ដោយសារជំងឺគាំងបេះដូង ប៉ុន្តែទោះបីជាបែបណាសមត្ថកិច្ចបានចុះទៅធ្វើការពិនិត្យកោសល្យវិច័យយ៉ាងយកចិត្តទុកដាក់ផងដែរ ។ ហេតុការណ៍ភ្ញាក់ផ្អើលនេះបានកើតឡើងកាលពី
រាជធានីភ្នំពេញ ៖ បុរសម្នាក់ជាសិស្សសាលាភាសាកូរ៉េនៃអង្គការអភិវឌ្ឍន៍សេដ្ឋកិច្ច និងលទ្ធិប្រជាធិបតេយ្យត្រូវបានគេប្រទះឃើញដេកស្លាប់នៅជាន់ទី២ ក្នុងសាលាខាងលើដែលតាមសមត្ថកិច្ចសន្និដ្ឋានជំហានដំបូង គឺស្លាប់ដោយសារជំងឺគាំងបេះដូង ប៉ុន្តែទោះបីជាបែបណាសមត្ថកិច្ចបានចុះទៅធ្វើការពិនិត្យកោសល្យវិច័យយ៉ាងយកចិត្តទុកដាក់ផងដែរ ។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៧ព្រឹកថ្ងៃទី២ កញ្ញា ២០១២ នៅជាន់ទី២ ក្នុងសាលាភាសាកូរ៉េនៃអង្គការអភិវឌ្ឍន៍សេដ្ឋកិច្ច និងលទ្ធិប្រជាធិបតេយ្យដែលមានទីតាំងស្ថិតក្នុងភូមិកន្ទោកខាងជើងសង្កាត់កន្ទោក ខណ្ឌពោធិ៍សែនជ័យ ។
បុរសដែលដេកស្លាប់ឈ្មោះសំ វ៉ាអា អាយុ៣៣ឆ្នាំ ជាកម្មកររោងចក្រធ្វើការពេលយប់ និងរៀនភាសាកូរ៉េពេលថ្ងៃមានស្រុកកំណើតភូមិកោះចិន ឃុំកំពង់រាប ស្រុកកោះសូទិន ខេត្តកំពង់ចាម សព្វថ្ងៃស្នាក់នៅក្នុងសាលានោះ ។ តាមប្រភពព័ត៌មានបានឱ្យដឹងថា នៅយប់ថ្ងៃទី១ កញ្ញា បុរសរងគ្រោះបានឡើងទៅដេកនៅលើជាន់ទី២ នៃសាលានោះតែម្នាក់ឯង ហើយសព្វថ្ងៃនេះគាត់បានធ្វើការរោងចក្រនៅពេលយប់ និងបានឆ្លៀតពេលរៀនភាសាកូរ៉េនៅពេលថ្ងៃដោយគាត់មានបំណងចង់ទៅធ្វើការនៅឯប្រទេសកូរ៉េ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ