Joaquim Rodriguezបានធ្វើឱ្យមិត្តរួមក្រុមក៏ដូចជាអ្នកគាំទ្រក្នុងស្រុករបស់ខ្លួនទទួលបានក្តីរីករាយយ៉ាងខ្លាំងបន្ទាប់ពីរូបគេយកឈ្នះដំណាក់ទី១៤និងនាំមុខលើថិរវេលាសរុបប្រណាំងកង់នៅលើទឹកដីកំណើតកម្មវិធី Tour of Spainឆ្នាំ២០១២។ ការប្រណាំងនៃដំណាក់ដែលមានចម្ងាយផ្លូវ ១៤៩,២គីឡូម៉ែត្រនេះត្រូវបានបញ្ចប់នៅទីក្រុង Puerto de Ancares ប្រទេសអេស្ប៉ាញកាលពី
Joaquim Rodriguezបានធ្វើឱ្យមិត្តរួមក្រុមក៏ដូចជាអ្នកគាំទ្រក្នុងស្រុករបស់ខ្លួនទទួលបានក្តីរីករាយយ៉ាងខ្លាំងបន្ទាប់ពីរូបគេយកឈ្នះដំណាក់ទី១៤និងនាំមុខលើថិរវេលាសរុបប្រណាំងកង់នៅលើទឹកដីកំណើតកម្មវិធី Tour of Spainឆ្នាំ២០១២។ ការប្រណាំងនៃដំណាក់ដែលមានចម្ងាយផ្លូវ ១៤៩,២គីឡូម៉ែត្រនេះត្រូវបានបញ្ចប់នៅទីក្រុង Puerto de Ancares ប្រទេសអេស្ប៉ាញកាលពីថ្ងៃសៅរ៍ទី១ខែកញ្ញាកន្លងមកនេះ ។
Rodriguez ដែលជិះកង់ឱ្យក្រុម Katusha Teamបានយកឈ្នះដំណាក់មានចម្ងាយផ្លូវ១៤៩,២គីឡូម៉ែត្រចេញដំណើរពីទីក្រុង Palas deRei ឆ្ពោះទៅកាន់ទីក្រុង Puerto de Ancares ដោយបានប្រើអស់ថិរវេលាតិចជាងគេបំផុតគឺ៤ម៉ោង១០នាទីនិង២៨វិនាទីយកឈ្នះកីឡាករមិត្តរួមជាតិអាល់បឺតូ កុងតាឌ័រជិះកង់ឱ្យក្រុម Saxo Bankដែលបានប្រើអស់ថិរវេលាច្រើនជាង ៥វិនាទី និង Alejandro Valverdeជិះកង់ឱ្យក្រុម Movistar Team ដែលបានប្រើថិរវេលាច្រើនជាង ១៣វិនាទី ។
បើទោះណាបន្តនាំមុខនៅលើតារាងថិរវេលាសរុបនិងដណ្តើមបានជ័យជម្នះក្នុងដំណាក់ជាលើកទី៣ហើយក្តី តែRodriguez នៅចាត់ទុកខ្លួនឯងថាកំពុងដេញតាមពីក្រោយកុងតាឌ័រ ។ គេបានថ្លែងថា៖«ខ្ញុំមិនមែនជាអ្នកដែលគេរំពឹងថា នឹងក្លាយជាម្ចាស់ពានក្របខណ្ឌនេះទេ ។ ជ័យជម្នះក្នុងដំណាក់គ្រប់លើកកន្លងមកបានមកដោយចៃដន្យប៉ុណ្ណោះ ។ នៅមានដំណាក់ជាច្រើនដែលត្រូវឆ្លងកាត់មុននឹងទៅដល់ទីក្រុងម៉ាឌ្រីដ ។ ឯពានជើងឯកក៏ស្ថិតនៅឆ្ងាយផងដែរ ហើយខ្ញុំមិនគិតថា អាចដណ្តើមបានវានៅឡើយទេ»។
សម្រាប់ Joaquim Rodriguezជ័យជម្នះក្នុងដំណាក់ទី១៤នេះមានន័យជាងពេលមុនៗដ្បិតវាបានជួយឱ្យរូបគេនៅតែសន្សំពេលវេលាបានយ៉ាងល្អបំផុតបន្តគ្រងអាវកាក់ពណ៌ក្រហមក្នុងនាមជាអ្នកនាំមុខគេដដែល ។ឆ្លងកាត់ការប្រណាំងចំនួន១៤ដំណាក់មកនេះ Joaquim Rodriguezបានប្រើអស់ថិរវេលាតិចជាងគេបំផុតគឺ៥៣ម៉ោង៦នាទីនិង៣៣វិនាទីនាំមុខកីឡាករមិត្តរួមជាតិខ្លួនអាល់បឺតូ កុងតាឌ័រដែលប្រើថិរវេលាច្រើនជាង២២វិនាទី។
ចំណែកកីឡាករអង់គ្លេស Christopher Froomeបានធ្លាក់មកលំដាប់ទី៣វិញបន្ទាប់ពីបានប្រើថិរវេលាច្រើនជាងកីឡាករ Rodriguez ១នាទីនិង៤១នាទី ។សូមបញ្ជាក់ថា ការប្រណាំងកម្មវិធី Tour of Spainឆ្នាំនេះចែកចេញជា២១ដំណាក់និងមានចម្ងាយផ្លូវសរុប៣.៣៦០គីឡូម៉ែត្រ។ ដោយឡែកដំណាក់ទី១៥ដែលជាដំណាក់បន្តមានចម្ងាយផ្លូវ១៨៦,៥គីឡូម៉ែត្រដោយការប្រណាំងចាប់ចេញដំណើរពីទីក្រុង La Robla ឆ្ពោះទៅកាន់ទីក្រុង Lagos de Covadongaប្រទេសអេស្ប៉ាញ ៕
ចែករំលែកព័តមាននេះ