យោងតាមលទ្ធផលដំបូងមួយផ្នែកចេញផ្សាយកាលពីថ្ងៃទី១ កញ្ញា ដោយគណៈកម្មាធិការបោះឆ្នោតជាតិថា គណបក្ស MPLA របស់លោកប្រធានាធិបតីតូសេអេឌូ អាដូ ដូសសាន់តូស ជាប្រមុខរដ្ឋអង់ហ្គោឡាចាប់តាំងពី៣០ឆ្នាំមកហើយ ពិតណាស់ទទួលបានសំឡេងនាំមុខដាច់ឆ្ងាយក្នុងការបោះឆ្នោតសភានៅអង់ហ្គោឡា កាលពីថ្ងៃទី៣១ សីហា ។
យោងតាមលទ្ធផលដំបូងមួយផ្នែកចេញផ្សាយកាលពីថ្ងៃទី១ កញ្ញា ដោយគណៈកម្មាធិការបោះឆ្នោតជាតិថា គណបក្ស MPLA របស់លោកប្រធានាធិបតីតូសេអេឌូ អាដូ ដូសសាន់តូស ជាប្រមុខរដ្ឋអង់ហ្គោឡាចាប់តាំងពី៣០ឆ្នាំមកហើយ ពិតណាស់ទទួលបានសំឡេងនាំមុខដាច់ឆ្ងាយក្នុងការបោះឆ្នោតសភានៅអង់ហ្គោឡា កាលពីថ្ងៃទី៣១ សីហា ។
គណបក្ស MPLA តាមលទ្ធផលមួយផ្នែកនេះ ទាក់ទិនដល់ការរាប់សន្លឹកឆ្នោតហើយរួចរាល់៦៨% ដណ្តើមសំឡេងបានដល់ទៅ៧៤% ទល់នឹងជិត១៨% សម្រាប់គណបក្ស UNITA គូប្រជែងជាប្រវត្តិសាស្ត្រ និង៤,៦% សម្រាប់គណបក្សប្រឆាំងថ្មី CASA ។ នៅរដ្ឋធានីលូអង់ដា ដែលសន្លឹកឆ្នោត១ភាគ៣ ទើបរាប់ហើយ គណបក្សអ៊ុយនីតា ទទួលបានសំឡេង២៧% និង១២% សម្រាប់គណបក្ស CASA ហើយគណបក្ស MPLA នៅតែមានសំឡេងនាំមុខដល់៥៧% ដែរ ។ ក៏ប៉ុន្តែគណៈកម្មាធិការបោះឆ្នោតជាតិនៅតែពុំទាន់អាចផ្តល់អត្រាអ្នកចូលរួមបោះឆ្នោត ។ នេះជាការបោះឆ្នោតលើកទី២ហើយ តាំងពីចប់សង្គ្រាមស៊ីវិលនៅអង់ហ្គោឡា ពីឆ្នាំ២០០២មក ។
យោងតាមរដ្ឋធម្មនុញ្ញកែប្រែថ្មី កាលពីឆ្នាំ២០១០ ប្រមុខគណបក្សឈ្នះឆ្នោតសភាត្រូវក្លាយជាប្រធានាធិបតីនៃសាធារណរដ្ឋ ហើយលោកប្រធានាធិបតីដូស សាន់តូស នឹងនៅតែកាន់អំណាចបន្តទៀត ដោយគ្មានបញ្ហាក្នុងប្រទេសផលិតប្រេងកាតធំជាងគេទី២នៅអាហ្វ្រិកនោះ ៕
ចែករំលែកព័តមាននេះ