ខេត្តតាកែវ ៖ បុរសម្នាក់បានរងរបួសធ្ងន់ត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យបង្អែកខេត្តភ្លាមៗ បន្ទាប់ពីជួបគ្រោះថ្នាក់ចរាចរណ៍ដែលបង្កឡើងដោយរថយន្ត១គ្រឿងបានបើកស្របទិសគ្នា រួចក៏ជ្រុលចង្កូតទៅបុកម៉ូតូ១គ្រឿងជិះម្នាក់ឯង រួចរថយន្តបង្កបានជ្រុលទៅបុកដើមអាកាស្យា១ដើមលាន់ដូចរន្ទះបាក់ដួលរាបដល់ដីធ្វើឱ្យរថយន្តក្រឡាប់បាស់ជើងឡើងលើ តែសំណាងល្អអ្នកជិះនៅក្នុងរថយន្តទាំងប៉ុន្មានមិនមានរងរបួសអ្វីទេ ។
ហេតុការណ៍នេះបានកើតឡើងនៅតាមបណ្តោយផ្លូវជាតិលេខ២ ចន្លោះបង្គោលគីឡូម៉ែត្រលេខ៧២-៧៣ ស្ថិតក្នុងភូមិអូរស្វាយចេក សង្កាត់រកាក្នុង ក្រុងដូនកែវ កាលពីថ្ងៃទី១ កញ្ញា ២០១២ វេលាម៉ោង៥និង៤០នាទីល្ងាច ។
លោកអនុសេនីយ៍ឯក ឥន មណ្ឌល អធិការរងនគរបាលក្រុងដូនកែវ បានឱ្យដឹងថា ជនរងគ្រោះជិះម៉ូតូដែលរថយន្តបើកបុកនោះ មានឈ្មោះទេព នី ភេទប្រុស អាយុ២៥ឆ្នាំ រស់នៅភូមិខាងលើរងរបួសបែកក្បាលខាងស្តាំ និងរយះជើងត្រូវបានបងប្អូនសាច់ញាតិដឹកយកទៅសង្គ្រោះបន្ទាន់នៅមន្ទីរពេទ្យបង្អែកខេត្ត។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ