រាជធានីភ្នំពេញ ៖ រថយន្តកូរ៉ូឡាពណ៌សម្រកឪឡឹកមួយគ្រឿងបើកបរដោយបុរសស្រវឹងជោកម្នាក់បានបើករថយន្តរបស់ខ្លួនយ៉ាងលឿនជ្រុលចង្កូតទៅបុករបាំងដែកពុះចែកទ្រូងផ្លូវបាក់មួយផ្ទាំង និងបង្គោលក្បាលព្រួញបាក់មួយដើមទៀតហើយព្យាយាមបើករត់គេចតែត្រូវប៉ូលិសចរាចរដែលឈរជើងប្រចាំការនៅទីនោះស្ទាក់ចាប់បានទាំងរថយន្ត និងអ្នកបើកបរ កាលពីវេលាម៉ោង៣និង១៥នាទីរំលងអធ្រាត្រឈានចូលថ្ងៃទី១ កញ្ញា តាមបណ្តោយមហាវិថីសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ មុខផ្សារទំនើបរតនាផ្លាហ្សា ។
យោងតាមប្រភពព័ត៌មានពីប៉ូលិសចរាចរដែលឃើញហេតុការណ៍នេះបានឱ្យដឹងថា មុនពេលកើតហេតុរថយន្តកូរ៉ូឡាពណ៌សម្បកឪឡឹកបើកបរដោយបុរសម្នាក់ស្រវឹងជោកបានបើករថយន្តយ៉ាងលឿនតាមមហាវិថីសហព័ន្ធរុស្ស៊ី ក្នុងទិសដៅពីលិចទៅកើត ស្រាប់តែមកដល់មុខផ្សារទំនើបរតនាផ្លាហ្សាក៏ជ្រុលចង្កូតទៅបុករបាំងដែកពុះចែកទ្រូងផ្លូវបាក់មួយផ្ទាំង និងទៅបុកក្បាលព្រួញបាក់មួួយដើមទៀត ហើយរថយន្តកូរ៉ូឡានោះក៏ព្យាយាមបើករត់គេចរហូតដល់មុខក្រសួងការងារ និងបណ្តុះបណ្តាលវិជ្ជាជីវៈទើបប៉ូលិសចរាចរដែរឈរជើងប្រចាំការនៅទីនោះឃាត់បានទាំងរថយន្តបង្កហេតុ និងអ្នកបើកបរដែលស្រវឹងជោកម្នាក់នោះ ។ ក្រោយពេលកើតហេតុប៉ូលិសបានចុះទៅវាស់វែង នាំយករថយន្ត និងអ្នកបើកបរទៅសាលារាជធានីភ្នំពេញរង់ចាំការដោះស្រាយ ៕
ចែករំលែកព័តមាននេះ