ការរញ្ជួយដីខ្លាំងមួយមានកម្លាំងដល់ទៅ៧,៦រីស្ទ័រ កើតមានកាលពីថ្ងៃទី៣១ សីហា កន្លងមកនេះ នាវេលាម៉ោង២០ និង៤៧នាទីនៅឆ្នេរសមុទ្រនៃខេត្តសាម៉ា ភាគកណ្តាលហ្វីលីពីន ញ៉ាំងឱ្យមានការខូចខាតច្រើន ។យោងតាមទីភ្នាក់ងារភូមិសាស្ត្រអាមេរិក USGS ថា ចំណុចកណ្តាលនៃការរញ្ជួយដីនេះ ស្ថិតនៅកន្លែងមួយចម្ងាយ១៤៦គ.ម ភាគខាងកើត ខេត្តសាម៉ា ក្នុងជម្រៅ៣៤,៩
ការរញ្ជួយដីខ្លាំងមួយមានកម្លាំងដល់ទៅ៧,៦រីស្ទ័រ កើតមានកាលពីថ្ងៃទី៣១ សីហា កន្លងមកនេះ នាវេលាម៉ោង២០ និង៤៧នាទីនៅឆ្នេរសមុទ្រនៃខេត្តសាម៉ា ភាគកណ្តាលហ្វីលីពីន ញ៉ាំងឱ្យមានការខូចខាតច្រើន ។យោងតាមទីភ្នាក់ងារភូមិសាស្ត្រអាមេរិក USGS ថា ចំណុចកណ្តាលនៃការរញ្ជួយដីនេះ ស្ថិតនៅកន្លែងមួយចម្ងាយ១៤៦គ.ម ភាគខាងកើត ខេត្តសាម៉ា ក្នុងជម្រៅ៣៤,៩គ.ម ។ មជ្ឈមណ្ឌលប្រកាសអាសន្នស៊ូណាមី នៅប៉ាស៊ីហ្វិក បានចេញការប្រកាសអាសន្នស៊ូណាមី សម្រាប់ប្រទេសហ្វីលីពីន ឥណ្ឌូណេស៊ី ជប៉ុន និងកោះតៃវ៉ាន់ ភ្លាមៗក្រោយការរញ្ជួយដីនោះ ។
ប្រធានាធិបតីហ្វីលីពីនលោកបេនីញ៉ូ អាគីណូ កាលពីយប់ថ្ងៃទី៣១ សីហា បានចេញបញ្ជាដល់គ្រប់ភ្នាក់ងារដែលទាក់ទិនឱ្យធានាសន្តិសុខរបស់ប្រជាជនក្នុងតំបន់ទាំងឡាយ ដែលរងការប៉ះពាល់ដោយការរញ្ជួយដីនោះ។ អ្នកនាំពាក្យវិមានប្រធានាធិបតីលោកអេដ វីន ឡាស៊ី អ័រដា ថ្លែងថា ប្រធានាធិបតីបានស្នើដល់រដ្ឋមន្ត្រីការពារប្រទេស ប្រមុខក្រុមប្រឹក្សា គ្រប់គ្រង និងកាត់បន្ថយគ្រោះមហន្តរាយធម្មជាតិឱ្យតាមដានមើលស៊ូណាមី ដោយរួមសហការជាមួយវិទ្យាស្ថានសិក្សាពីភ្នំភ្លើង និងការរញ្ជួយដីរបស់ហ្វីលីពីន។
លោកអាគីណូ បានស្មើដល់រដ្ឋមន្ត្រីការពារប្រទេសឱ្យដោះស្រាយ ការជម្លៀសមនុស្សចេញពីបណ្តាតំបន់រងការប៉ះពាល់ដោយរៀបរយ ។ ការរញ្ជួយដីខ្លាំងនោះ មានការប្រកាសអាសន្នស៊ូណាមីកម្រិតទី៣ ក្នុងខេត្តចំនួន១០របស់ហ្វីលីពីននៅជាប់មហាសមុទ្រប៉ាស៊ីហ្វិក ៕
ចែករំលែកព័តមាននេះ