រាជធានីភ្នំពេញ ៖ យុវសិស្សម្នាក់ជិះម៉ូតូម៉ាកឌ្រីមសេ១២៥ ស៊េរី២០០៧ ពណ៌ខ្មៅមួយគ្រឿងក្នុងល្បឿនលឿនទៅបុកគូទរថយន្តកាមរីស៊េរីទំនើបមួយគ្រឿងបណ្តាលឱ្យដួលហើយត្រូវរថយន្តក្រឡុកស៊ីម៉ង់ត៍របស់ក្រុមហ៊ុនមួយធ្វើដំណើរក្នុងទិសដៅបញ្ច្រាសគ្នាមកដល់កិនបែកក្បាលស្លា.ប់យ៉ាងអាណោចអាធ័មនៅលើដងផ្លូវ កាលពីវេលាម៉ោង៧និង៣០នាទីយប់ថ្ងៃទី៣០ សីហា នៅតាមផ្លូវ
រាជធានីភ្នំពេញ ៖ យុវសិស្សម្នាក់ជិះម៉ូតូម៉ាកឌ្រីមសេ១២៥ ស៊េរី២០០៧ ពណ៌ខ្មៅមួយគ្រឿងក្នុងល្បឿនលឿនទៅបុកគូទរថយន្តកាមរីស៊េរីទំនើបមួយគ្រឿងបណ្តាលឱ្យដួលហើយត្រូវរថយន្តក្រឡុកស៊ីម៉ង់ត៍របស់ក្រុមហ៊ុនមួយធ្វើដំណើរក្នុងទិសដៅបញ្ច្រាសគ្នាមកដល់កិនបែកក្បាលស្លាប់យ៉ាងអាណោចអាធ័មនៅលើដងផ្លូវ កាលពីវេលាម៉ោង៧និង៣០នាទីយប់ថ្ងៃទី៣០ សីហា នៅតាមផ្លូវលេខ៥៩៨ កែងផ្លូវលេខ៦០៨ សង្កាត់បឹងកក់ទី២ ខណ្ឌទួលគោក ។ បន្ទាប់ពីកិនមនុស្សស្លាប់រថយន្តបានបើកគេចទៅបាត់ ។
យុវសិស្សដែលរថយន្តកិនស្លាប់ឈ្មោះ ហេង ពិសិដ្ឋ ភេទប្រុស អាយុ១៨ឆ្នាំ ជាសិស្សថ្នាក់ទី១១ វិទ្យាល័យឥន្រ្ទទេវី មានលំនៅម្តុំផ្សារ៧មករា សង្កាត់បឹងកក់ទី២ ខណ្ឌទួលគោកត្រូវរថយន្តក្រឡុកស៊ីម៉ង់ត៍កិនបែកក្បាលស្លាប់នៅលើដងផ្លូវ ។ តាមសាក្សីឱ្យដឹងថា នៅមុនពេលកើតហេតុយុវសិស្សរូបនោះ បានជិះម៉ូតូម៉ាកឌ្រីមសេ១២៥ សេ៊រី២០០៧មួយគ្រឿងធ្វើដំណើរតាមផ្លូវលេខ៥៩៨ ក្នុងទិសដៅពីជើងទៅត្បូងក្នុងល្បឿនលឿន ។
នៅពេលធ្វើដំណើរមកដល់ចំណុចកែងផ្លូវលេខ៦០៨ កន្លែងកើតហេតុក៏បានបុករថយន្តម៉ាកកាមរីស៊េរីទំនើបមួយគ្រឿងពីក្រោយបណ្តាលឱ្យបែកស្តុបរថយន្តហើយអ្នកបើកម៉ូតូដួលទៅខាងឆ្វេងដៃចូលចំណែកផ្លូវម្ខាងទៀត គាប់ជួនពេលនោះមានរថយន្តក្រឡុកស៊ីម៉ង់ត៍មួយគ្រឿងដែលធ្វើដំណើរពីត្បូងទៅជើងបញ្ច្រាសគ្នាកិនចំក្បាលបែកបណ្តាលឱ្យស្លាប់នៅកន្លែងកើតហេតុ ។ យុវជននេះបើកបរមិនមានពាក់មួកសុវត្ថិភាពទេ ។
បន្ទាប់ពីកិនមនុស្សស្លាប់រថយន្តក្រឡុកស៊ីម៉ង់ត៍បើករត់គេចតាមផ្លូវលេខ៦០៨ទៅទិសខាងកើតបាត់ស្រមោល។ ទោះបីជាយ៉ាងណារថយន្តនោះត្រូវបានសាក្សីស្គាល់ស្លាកលេខហើយ។ ប៉ូលិសបានប្រកាសតាមវិទ្យុទាក់ទងដើម្បីឱ្យគ្រប់គោលដៅជួយស្ទាក់តែពុំទាន់ឃាត់បាននៅឡើយទេ ។ សពត្រូវបានបញ្ជូនទៅធ្វើបុណ្យតាមប្រពៃណី ៕
ចែករំលែកព័តមាននេះ