រាជធានីភ្នំពេញ ៖ កាលពីប៉ុន្មានសប្តាហ៍មុន Nokia បានប្រកាសអំពីទំនាក់ទំនងផ្នែកពាណិជ្ជកម្មមួយជាមួយនឹង Hello សំដៅផ្តល់នូវបទពិសោធន៍ល្អជូនដល់អតិថិជន ។ ចំណងដៃនៃទំនាក់ទំនងខាងលើគឺចាប់ផ្តើមពីដើមខែសីហា រហូតដល់ដំណាច់ខែតុលាខាងមុខនេះ អតិថិជននឹងទទួលបាននូវអត្ថប្រយោជន៍សំខាន់ៗ៣គឺ ៖ ១- ទទួលបានស៊ីមកាតលេខពិសេសមួយពី Hello
រាជធានីភ្នំពេញ ៖ កាលពីប៉ុន្មានសប្តាហ៍មុន Nokia បានប្រកាសអំពីទំនាក់ទំនងផ្នែកពាណិជ្ជកម្មមួយជាមួយនឹង Hello សំដៅផ្តល់នូវបទពិសោធន៍ល្អជូនដល់អតិថិជន ។ ចំណងដៃនៃទំនាក់ទំនងខាងលើគឺចាប់ផ្តើមពីដើមខែសីហា រហូតដល់ដំណាច់ខែតុលាខាងមុខនេះ អតិថិជននឹងទទួលបាននូវអត្ថប្រយោជន៍សំខាន់ៗ៣គឺ ៖ ១- ទទួលបានស៊ីមកាតលេខពិសេសមួយពី Hello ដោយឥតគិតថ្លៃនៅរាល់ពេលជាវស្មាតហ្វូន Nokia Asha 311 មួយគ្រឿង ២- អាចសាកល្បងប្រើប្រាស់ស្មាតហ្វូន Nokia Asha 311 នៅមជ្ឈមណ្ឌលហេឡូ (hello point) គ្រប់ខេត្ត-ក្រុងទូទាំងប្រទេស និង៣- អាចជាវ Nokia Asha 311 នៅ hello point ផ្ទាល់តែម្តង ។
លោក Jerry Manus អគ្គនាយកនៃក្រុមហ៊ុន Nokia ប្រចាំនៅកម្ពុជា-ឡាវ បានលើកបញ្ជាក់ថា កិច្ចសហការជាមួយ Hello ដំណើរការល្អ ដោយហេតុថា បរិំមាណលក់នៃ Nokia Asha 311 កើនឡើងជាលំដាប់ពីមួយសប្តាហ៍ទៅមួយសប្តាហ៍ ។
ស្របពេលជាមួយគ្នានេះ លោក វ៉ាន់ ដារា នាយកផ្នែកលក់ និងសេវាកម្មនៃក្រុមហ៊ុន Hello ក៏បានមានប្រសាសន៍លើកឡើងថា អ្នកដែលមកបើកស៊ីមកាតក្រោយពីបានជាវ Nokia Asha 311 មកទល់នឹងថ្ងៃនេះមានចំនួនច្រើនគួរឱ្យកត់សម្គាល់ ។ លោកជឿជាក់ថា អតិថិជនប្រាកដជារីករាយនឹងលេខទូរស័ព្ទពិសេសរួមជាមួយគម្រោង«ហេឡូអស្ចារ្យ» និងការផ្តល់ជូនផ្សេងទៀតពី Hello ។
Nokia Asha 311 គឺជាស្មាតហ្វូនដែលត្រូវបានប្រកាសចេញលក់នៅទីផ្សារកម្ពុជាដំណាលគ្នានឹង Nokia Asha 305 ស៊ីម២កាលពីចុងខែកក្កដា ។ Nokia Asha 311 មានដំណើរការលឿនហើយរលូនល្អ មាន Processor 1GHz អេក្រង់៣អីុញ ធន់នឹងភាពឆ្កូត, Wifi, Nokia Browser ដែលអាចអានអក្សរខ្មែរបាន និងជួយសន្សំថវិកាដែលចំណាយទៅលើការប្រើប្រាស់ទិន្នន័យ ៕
ចែករំលែកព័តមាននេះ