រាជធានីភ្នំពេញ ៖ រថយន្តដឹកខ្សាច់មួយគ្រឿងបុកគ្នាជាមួយម៉ូតូម៉ាកឌ្រីមសេ១២៥ ស៊េរី២០០៧ ពណ៌ព្រីងទុំមួយគ្រឿងនៅចំណុចផ្លូវកែងបណ្តាលឱ្យស្រ្តីដែលជិះម៉ូតូ២នាក់ របួសធ្ងន់ម្នាក់ និងស្រាលម្នាក់ កាលពីវេលាម៉ោង១០និង៥០នាទីព្រឹកថ្ងៃទី១៧ សីហា ២០១២
រាជធានីភ្នំពេញ ៖ រថយន្តដឹកខ្សាច់មួយគ្រឿងបុកគ្នាជាមួយម៉ូតូម៉ាកឌ្រីមសេ១២៥ ស៊េរី២០០៧ ពណ៌ព្រីងទុំមួយគ្រឿងនៅចំណុចផ្លូវកែងបណ្តាលឱ្យស្រ្តីដែលជិះម៉ូតូ២នាក់ របួសធ្ងន់ម្នាក់ និងស្រាលម្នាក់ កាលពីវេលាម៉ោង១០និង៥០នាទីព្រឹកថ្ងៃទី១៧ សីហា ២០១២ នៅតាមផ្លូវលេខ២៦១ កែងផ្លូវលេខ១៩២ សង្កាត់ទឹកល្អក់ទី៣ ខណ្ឌទួលគោក ។
ជនរងគ្រោះ ១-ឈ្មោះគង់ សុភ័ក្រ ភេទស្រី អាយុ៣១ឆ្នាំ ជាអ្នកបើករងរបួសស្រាលរលាត់ដៃជើង ២-ឈ្មោះយ៉ាង ស៊ុន ភេទស្រី អាយុ៤១ឆ្នាំ ជាអ្នករួមដំណើររងរបួសធ្ងន់បោកត្រូវស្មាខាងឆ្វេង។ អ្នកទាំងពីរមានលំនៅភូមិដំបងកាញ់ សង្កាត់ព្រែកឯក ខណ្ឌមានជ័យ។
ចំណែករថយន្តដឹកខ្សាច់ម៉ាកហ៊ីណូ ពណ៌ខៀវ បើកដោយឈ្មោះជី ប៊ុនហេង ភេទប្រុស អាយុ១៨ឆ្នាំ មានទីលំនៅផ្ទះលេខ៦១ ផ្លូវលេខ២៣០ សង្កាត់ទឹកល្អក់ទី៣ ខណ្ឌទួលគោក ។
តាមសាក្សីឱ្យដឹងថា រថយន្តដឹកខ្សាច់បានធ្វើដំណើរតាមផ្លូវលេខ២៦១ ក្នុងទិសដៅពីជើងទៅត្បូង។ លុះមកដល់កន្លែងកើតហេតុជាផ្លូវបំបែក ស្រាប់តែវាក់ជាមួយម៉ូតូម៉ាកឌ្រីមសេ១២៥ ស៊េរី២០០៧ ពណ៌ព្រីងទុំ មួយគ្រឿងជិះគ្នា២នាក់ ដែលធ្វើដំណើរតាមផ្លូវលេខ១៩២ ក្នុងទិសដៅពីលិចទៅកើត ជាហេតុធ្វើឱ្យរថយន្តជាន់ហ្រ្វាំងអូសប្រមាណជិត១០ម៉ែត្រគេច ក៏ជ្រុលទៅបុកម៉ូតូផ្នែកខាងក្រោយ បណ្តាលឱ្យដួល និងរងរបួសតែម្តង៕
ចែករំលែកព័តមាននេះ