រាជធានីភ្នំពេញ ៖ ម៉ូតូឌ្រីមសេ១២៥ ពណ៌ខ្មៅ ស៊េរី២០០៣ មួយគ្រឿងបើកដោយបុរសម្នាក់ក្នុងល្បឿនលឿន ហើយព្យាយាមបើកវ៉ារថយន្តមួយគ្រឿងនៅពីមុខក៏ជ្រុលទៅបុកម៉ូតូគុបពណ៌ទឹកប៊ិច មួយគ្រឿងទៀតជិះគ្នា២នាក់ម្នាក់ប្រុសម្នាក់ស្រី ចំពីមុខពេញទំហឹង បណ្តាលឱ្យភាគីទាំងសងខាងរងរបួសធ្ងន់ទាំង៣នាក់ត្រូវរថយន្តសាមុយដឹកយកទៅសង្គ្រោះបន្ទាន់នៅមន្ទីរពេទ្យព្រះកុសុមៈ កាលពីវេលាម៉ោង១២និង៥នាទីថ្ងៃត្រង់ថ្ងៃទី៣១ កក្កដា ២០១២ តាមបណ្តោយផ្លូវបេតុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខខាងកើតវត្តទឹកថ្លា ។
បុរសអ្នកបើកបរម៉ូតូគុបដែរ រងរបួសធ្ងន់ឈ្មោះទៀង សុភ័ក្ត្យ អាយុ២៣ឆ្នាំ ជានិស្សិត ស្នាក់នៅខណ្ឌចំការមន និងស្ត្រីម្នាក់ជិះពីក្រោយរងរបួសធ្ងន់ដូចគ្នានោះឈ្មោះហួត សួគ៌ា អាយុ២៤ឆ្នាំ ជានិស្សិត ស្នាក់នៅផ្ទះលេខ២៩ ផ្លូវលេខ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ ចំណែកបុរសអ្នកបើកបរម៉ូតូឌ្រីមសេ១២៥ ពណ៌ខ្មៅ ស៊េរី២០០៧ ដែលជាអ្នកបង្កហេតុឈ្មោះខេន ហេង អាយុ២០ឆ្នាំ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ