ប៉ូលិសមូលដ្ឋាននិយាយថា កម្មកររ៉ែ៧នាក់ដែលជាប់ក្នុងអណ្តូងរ៉ែធ្យូងថ្មមួយ បានត្រូវស្លាប់ដោយសារការផ្ទុះមួយកាលពីថ្ងៃទី២៥ កក្កដាក្នុងទីក្រុង MUZQUIZ តំបន់កូអាហ្វីឡា ភាគខាងជើងម៉ិចស៊ិក ។
ការផ្ទុះកើតមាននាវេលាម៉ោង៨និង៣០នាទីព្រឹកបណ្តាលមកពីការធ្លាយឧស្ម័នក្នុងអណ្តូងរ៉ែមានជម្រៅ៧៣ម៉ែត្រនោះ ។ អាជ្ញាធរអាចទាញយកចេញនូវសាកសពកម្មកររ៉ែទាំង៧នាក់នោះដែលមានអាយុរវាងពី២០ឆ្នាំទៅ៣០ឆ្នាំ ។
គ្រោះថ្នាក់អណ្តូងរ៉ែដ៏អាក្រក់បំផុតមួយនៅម៉ិចស៊ិកកើតមានកាលពីខែកុម្ភៈ ឆ្នាំ២០០៦ ក្នុងអណ្តូងរ៉ែPASTA DE CONCHOS នៅតំបន់កូអាហ្វីឡាដែលបណ្តាលឱ្យកម្មកររ៉ែស្លាប់៦៥នាក់មកពីការផ្ទុះមេតាន ៕
ចែករំលែកព័តមាននេះ