ខេត្តព្រៃវែង ៖ កាលពីថ្ងៃទី២៤ កក្កដា វេលាម៉ោងប្រហែល១២អធ្រាត្រនៅភូមិថ្មី ឃុំព្រាល ស្រុកកញ្ចៀច មានករណីសម្លាប់ស្ត្រីនិងក្មួយប្រុសរបស់ខ្លួនម្នាក់យ៉ាងឃោរឃៅ ។ លោកវរសេនីយ៍ឯកសេង សុភក្តិ ស្នងការរង នគរបាលខេត្ត និងជាប្រធានការិយាល័យកណ្តាល
ខេត្តព្រៃវែង ៖ កាលពីថ្ងៃទី២៤ កក្កដា វេលាម៉ោងប្រហែល១២អធ្រាត្រនៅភូមិថ្មី ឃុំព្រាល ស្រុកកញ្ចៀច មានករណីសម្លាប់ស្ត្រីនិងក្មួយប្រុសរបស់ខ្លួនម្នាក់យ៉ាងឃោរឃៅ ។ លោកវរសេនីយ៍ឯកសេង សុភក្តិ ស្នងការរង នគរបាលខេត្ត និងជាប្រធានការិយាល័យកណ្តាលនគរបាលយុត្តិធម៌មានប្រសាសន៍ថា ករណីនេះជាអំពើប្លន់សម្លាប់ដែលមានជនរងគ្រោះ២នាក់ ម្នាក់ឈ្មោះទ្រូ នឿន ភេទស្រី អាយុ៤៧ឆ្នាំ និងម្នាក់ទៀតឈ្មោះក្រិល ចំរើន ភេទប្រុស អាយុ១២ឆ្នាំ ត្រូវជាក្មួយ ។
លោកស្នងការរងបន្តថា ក្រោយពីបានទទួលព័ត៌មាននេះ លោកឧត្តមសេនីយ៍ត្រីវ៉ាន់ សារឿន ស្នងការនគរបាលខេត្ត បានបញ្ជាផ្ទាល់មករូបលោកដោយមានការសហការជាមួយនាយកដ្ឋាននគរបាលព្រហ្មទណ្ឌ ហើយការិយាល័យជំនាញ និងកម្លាំងអធិការដ្ឋាននគរបាលស្រុកកញ្ចៀច ក៏បានដំណើរការបើកការស៊ើបអង្កេតយ៉ាងក្តៅគគុក ។ ទីបំផុតក៏ឈានដល់ការឃាត់ខ្លួនជនសង្ស័យម្នាក់ឈ្មោះថេង ធីង ភេទប្រុស អាយុ២៩ឆ្នាំ រស់នៅភូមិកំចាយមារ ឃុំគ្រញូង ស្រុកកំចាយមារ និងដកហូតវត្ថុតាងមួកបេរេត៍១ ស្បែកជើងផ្ទាត់១គូ ហើយតាមចម្លើយសារភាពរបស់ជនសង្ស័យថាពិតជាបានសម្លាប់ជនរងគ្រោះ២នាក់ម្តាយមីងនិងក្មួយមែន ក៏បានកសាងសំណុំរឿងបញ្ជូនទៅសាលាដំបូងខេត្ត ។
មន្ត្រីប៉ូលិសបានឱ្យដឹងថា ហេតុការណ៍នេះបានកើតឡើងខណៈជនសង្ស័យប៉ុនប៉ងឡើងទៅរំលោភស្ត្រីជាម្តាយមីងដែលជាស្ត្រីមេម៉ាយ តែដោយការប៉ុនប៉ងនោះមិនបានសម្រេច ជនសង្ស័យក៏យកដែកឆាបចាក់ស្ត្រីរងគ្រោះចំកញ្ចឹង.កជាច្រើនកន្លែង ។ ពេលនោះស្ត្រីជាម្តាយមីងបានស្រែកហៅក្មួយប្រុសដែលនៅជាមួយ ដែលដេកក្រោមផ្ទះ លុះក្មួយប្រុសស្ទុះរត់ឡើងទៅលើផ្ទះ ក៏ត្រូវជនសង្ស័យចាក់នឹងដែកឆាបចំបំពង់ក និងលើផ្ទៃមុខជាច្រើនកន្លែងស្លាប់ទៅ ។
ជុំវិញការវែកមុខឃាតករនេះត្រូវបានមន្ត្រីប៉ូលិសឱ្យដឹងថា ឈ្មោះថេង ធីង នេះគឺជាមុខសញ្ញាព្រោះជននេះធ្លាប់ឡើងចុះផ្ទះស្ត្រីរងគ្រោះហើយពេលបង្កហេតុនោះជននេះក៏ស្រវឹងស្រាដែរ ៕
ចែករំលែកព័តមាននេះ