រន្ទះបា.ញ់ងាប់ជ្រូក53ក្បាលក្នុងកសិដ្ឋាននៅចិន
ជ្រូកចំនួន៥៣ក្បាលបានងាប់រដូករណែលពេញកសិដ្ឋាន ដោយសាររន្ទះបា.ញ់ កាលពីវេលាម៉ោង ១១ព្រឹក ថ្ងៃទី៥ កក្កដា ឆ្នាំ ២០១២នៅ តំបន់ជាយក្រុង Shenzhen ខេត្តGuangdon ប្រទេសចិន ។ នេះបើយោងតាមប្រភពគេហទំព័រឆាយណាប៊ឺស ចេញផ្សាយថ្ងៃទី១១ កក្កដា កន្លងមក ។
អ្នកស្រី Shen ជាម្ចាស់កសិដ្ឋានបានប្រាប់អ្នកយកព័ត៌មានទាំងញ័រមាត់ថា គាត់ឃើញពន្លឺផ្លេកបន្ទោរភ្លឺចិញ្ចាចប្រវែងជាង២០ម៉ែត្រ និងស្របពេលនោះរន្ទះបា.ញ់ចំដំបូលកសិដ្ឋានឮសូរផាំង ខណៈពេលគាត់កំពុងឱ្យចំណីដល់កូនជ្រូកតូចៗ៣ក្បាលទៀតដែលនៅឃ្លាតពីកន្លែងនោះប្រហែល៣ម៉ែត្រប៉ុណ្ណោះ ។ ពេលអ្នកស្រីទៅពិនិត្យមើល ស្រាប់តែឃើញជ្រូកងាប់រដូករណែលដោយសារត្រូវចរន្តអគ្គិសនីរន្ទះ ព្រោះខ្មោចជ្រូកទាំងអស់សុទ្ធតែមានស្នាមរោលខ្មៅ ។
ចែករំលែកព័តមាននេះ