រាជធានីភ្នំពេញ ៖រយៈពេល៥ឆ្នាំនៃអាណត្តិទី២(ឆ្នាំ២០០៧-២០១២) ក្រុមប្រឹក្សាសង្កាត់ទឹកល្អក់ទី១ ក្រោមការដឹកនាំរបស់ក្រុមប្រឹក្សាសង្កាត់មកពីគណបក្សប្រជាជនកម្ពុជាបានខិតខំជំរុញការអភិវឌ្ឍយ៉ាងខ្លាំងលើវិស័យហេដ្ឋារចនាសម្ព័ន្ធនិងលើកកំពស់សេវាសាធារណៈជូនប្រជាពលរដ្ឋធ្វើឱ្យមូលដ្ឋានសង្កាត់បានប្រែមុខមាត់ថ្មីហើយបានធ្វើអោយប្រជាពលរដ្ឋគាំទ្រនិងបោះឆ្នោត
រាជធានីភ្នំពេញ ៖រយៈពេល៥ឆ្នាំនៃអាណត្តិទី២(ឆ្នាំ២០០៧-២០១២) ក្រុមប្រឹក្សាសង្កាត់ទឹកល្អក់ទី១ ក្រោមការដឹកនាំរបស់ក្រុមប្រឹក្សាសង្កាត់មកពីគណបក្សប្រជាជនកម្ពុជាបានខិតខំជំរុញការអភិវឌ្ឍយ៉ាងខ្លាំងលើវិស័យហេដ្ឋារចនាសម្ព័ន្ធនិងលើកកំពស់សេវាសាធារណៈជូនប្រជាពលរដ្ឋធ្វើឱ្យមូលដ្ឋានសង្កាត់បានប្រែមុខមាត់ថ្មីហើយបានធ្វើអោយប្រជាពលរដ្ឋគាំទ្រនិងបោះឆ្នោតជូនគណបក្សប្រជាជនកម្ពុជាដើម្បីបន្តដឹកនាំសង្កាត់នៅអាណត្តិទី៣ទៀត តាមផែនការដែលសាលារាជធានីភ្នំពេញបានដាក់ចុះ។
លោកប៉ិច សុខឃឿន ចៅសង្កាត់ទឹកល្អក់ទី១បានឱ្យដឹងថា នៅក្នុងអាណត្តិទី២កន្លងមក ក្រុមប្រឹក្សាសង្កាត់បានខិតខំអនុវត្តកម្មវិធីអភិវឌ្ឍនូវសមិទ្ធផលជាច្រើនដែលធ្វើឱ្យមូលដ្ឋានសង្កាត់មានការប្រែប្រួលរីកចម្រើនជាលំដាប់។ ជោគជ័យនេះបណ្តាលមកពីមាគ៌ានយោបាយដ៏ត្រឹមត្រូវរបស់ប្រមុខរាជរដ្ឋាភិបាលដឹកនាំដ៏ឈ្លាសវៃរបស់សម្តេចតេជោ និងជាប្រចាំរបស់ក្រុមការងារចុះជួយមូលដ្ឋាន ព្រមទាំងអនុវត្តជាប់ជាប្រចាំ តាមផែនការអភិឌ្ឍរបស់សាលារាជធានីភ្នំពេញដែលមានលោកកែប ជុតិមា ជាអភិបាល។
លោកចៅសង្កាត់ថ្លែងថា ផែនការអភិវឌ្ឍនៅក្នុងអណត្តិទី២ មិនទាន់បានបញ្ចប់នៅឡើយទេ សាលាសង្កាត់បានបន្តគម្រោងអភិវឌ្ឍដែលនៅសេសសល់បន្តមកអាណត្តិទី៣ទៀត ។តាមរបាយការណ៍បូកសរុបលទ្ធផលការអនុវត្តន៍របស់ក្រុមប្រឹក្សាសង្កាត់ទឹកល្អក់ទី១ ក្នុងការអភិវឌ្ឍអាណត្តិទី២ (២០០៧-២០១២) បានឱ្យដឹងថា ក្រោយពីការបោះឆ្នោតជ្រើសរើសក្រុមប្រឹក្សាសង្កាត់អាណត្តិទី២ រហូតមកដល់ពេលនេះ សង្កាត់ទឹកល្អក់ទី១ បានកសាងហេដ្ឋារចនាសម្ព័ន្ធដូចជា ស្ថាបនាផ្លូវ ក្រាលកៅស៊ូ DBST បានចំនួន២៩.៩៦៥ម៉ែត្រក្រឡា,ស្ថាបនាផ្លូវក្រាលបេតុងបានចំនួន៦.៨៨០ម៉ែត្រក្រឡា, បានជួសជុលផ្លូវក្រាលកៅស៊ូនិងផ្លូវក្រាលបេតុងបានចំនួន៣៥.០៩៥ម៉ែត្រក្រឡា, បានដាក់លូប្រវែង៧០០ម៉ែត្រ, ជួសជុលអណ្តូងលូបានចំនួន២២អណ្តូង បានស្តារប្រព័ន្ធលូបានប្រវែង៥.២០០ម៉ែត្រ ។ បានដាក់ភ្លើងបំភ្លឺផ្លូវសាធារណៈបានចំនួន៩ផ្លូវ ស្មើនឹង៩៦ដើម និងបានតបណ្តាញអគ្គិសនីចូលសហគមន៍ភូមិ១៥ និងភូមិ១៦ ដោយដាក់សសរភ្លើងបាន៣៩ដើម និងបានផ្លាស់ប្តូរការប្រើប្រាស់ចរន្តអគ្គិសនីពីឯកជនទៅរដ្ឋជូនប្រជាពលរដ្ឋតាមផ្ទះបានចំនួន៥៧៧គ្រួសារ ។ បានតបណ្តាញទឹកស្អាតចូលសហគមន៍ភូមិ១៥, ១៦ ប្រើប្រាស់បាន៥៧៧គ្រួសារនិងបានជួសជុលសាលាសង្កាត់ដោយប្រក់ដំបូលអគារលាបថ្នាំនិងធ្វើរបងជុំវិញបរិវេណសាលាសង្កាត់ ។
លោកចៅសង្កាត់ថ្លែងថា សមិទ្ធផលខាងលើនេះដោយប្រើប្រាស់ថវិកាវិភាជន៍របស់រដ្ឋាភិបាលចំនួន៣០៥.០០០.០០០រៀល,ថវិការបស់សាលារាជធានីភ្នំពេញចំនួន២០២.១២៣ ០០០រៀល, ថវិកាសប្បុរសជន និងប្រជាជន ៨៤.០០០ដុល្លារ និងថវិកា៥០បូក៥០ (ប្រជាជននិងរដ្ឋ)ចំនួន២៧៣.៥៩០.២០០រៀល ។ក្រៅពីសមិទ្ធផលជាច្រើនខាងលើនេះ សង្កាត់បានដាក់ចេញទិសដៅធ្វើយ៉ាងណាជំរុញអភិវឌ្ឍសង្កាត់ និងជំរុញអនុវត្តគោលនយោបាយភូមិ សង្កាត់មានសុវត្ថិភាពឱ្យសម្រេចបានដោយជោកជ័យសម្រាប់អាណត្តិទី៣បន្តទៀត៕
ចែករំលែកព័តមាននេះ