រយៈពេល៣២ឆ្នាំមកនេះ បន្ទាប់ពីជ័យជំនះ៧មករា ប្រជាជនកម្ពុជាបានប្រឹងប្រែង ក្រោកឈរឡើងវិញ និងធ្វើដំណើរទៅមុខ លើមាគ៌ាមួយដ៏ត្រឹមត្រូវ ហើយបានបង្កើតឡើងប្រវត្ដិសាស្ដ្រប្រកបដោយមោទនភាព ក្នុងបុព្វហេតុស្ដារ កសាង និងការ ពារមាតុភូមិ។ ជាមួយគ្នានេះ យើងទាំងអស់គ្នានៅតែចងចាំជានិច្ចនូវដំណាក់កាលដ៏ខ្មៅងងឹតបំផុត ពុំធ្លាប់មានក្នុងប្រវត្ដិសាស្ដ្ររបស់កម្ពុជា គឺរបបកម្ពុជាប្រជាធិបតេយ្យរបស់ពួក ប៉ុល ពត ដែលបានអនុវត្ដ
ដោយ សាឯម-ផល្គុន
រយៈពេល៣២ឆ្នាំមកនេះ បន្ទាប់ពីជ័យជំនះ៧មករា ប្រជាជនកម្ពុជាបានប្រឹងប្រែង ក្រោកឈរឡើងវិញ និងធ្វើដំណើរទៅមុខ លើមាគ៌ាមួយដ៏ត្រឹមត្រូវ ហើយបានបង្កើតឡើងប្រវត្ដិសាស្ដ្រប្រកបដោយមោទនភាព ក្នុងបុព្វហេតុស្ដារ កសាង និងការ ពារមាតុភូមិ។ ជាមួយគ្នានេះ យើងទាំងអស់គ្នានៅតែចងចាំជានិច្ចនូវដំណាក់កាលដ៏ខ្មៅងងឹតបំផុត ពុំធ្លាប់មានក្នុងប្រវត្ដិសាស្ដ្ររបស់កម្ពុជា គឺរបបកម្ពុជាប្រជាធិបតេយ្យរបស់ពួក ប៉ុល ពត ដែលបានអនុវត្ដនយោបាយប្រល័យពូជសាសន៍មកលើប្រជាជាតិខ្លួន ឯង ។ ក្នុងរយៈកាល៣ឆ្នាំ ៨ខែ និង២០ថ្ងៃ បន្ទាប់ពីបានឡើងកាន់អំណាចនៅថ្ងៃទី១៧ ខែមេសា ឆ្នាំ១៩៧៥ ពួកមេដឹកនាំនៃរបបកម្ពុជាប្រជា ធិបតេយ្យបានប្រព្រឹត្ដឧក្រិដ្ឋកម្មដ៏មហាឃោរឃៅលើគ្រប់វិស័យ រុញច្រានទឹកដីមាតុភូមិ និងប្រជាជាតិយើងដែលត្រូវបំផ្លាញយ៉ាងធ្ងន់ធ្ងរដោយ សង្គ្រាមរយៈពេល៥ឆ្នាំរួចទៅហើយនោះឱ្យឈានដល់មាត់រណ្ដៅនៃការរលាយសូន្យទាំងស្រុងពីពិភពលោក។
នៅក្នុងកាលៈទេសៈដ៏គ្រោះថ្នាក់ធ្ងន់ធ្ងរបំផុតនេះ មានតែកម្មាភិបាល យុទ្ធជន និងយុទ្ធនារីដ៏ស្មោះត្រង់របស់គណបក្ស ប្រជាជនកម្ពុជាប៉ុណ្ណោះដែលបានក្រោកឈរតស៊ូ ហើយបានប្រមូលផ្ដុំគ្នាជាកំលាំងដ៏ខ្លាំងក្លា ដើម្បីប្រយុទ្ធប្រឆាំងនឹងរបប ប៉ុល ពត ។ ការបដិសន្ធិនៃរណសិរ្សសាមគ្គីសង្គ្រោះជាតិកម្ពុជានៅស្រុកស្នួល ខេត្ដក្រចេះ នាថ្ងៃទី២ ធ្នូ ១៩៧៨ គឺជារបត់ ថ្មីនៃចលនាតស៊ូប្រឆាំង ប៉ុល ពត ដែលមានអត្ថន័យកំណត់សំរាប់បដិវត្ដន៍សង្គ្រោះជាតិ ។ រណសិរ្សបានចេញសេចក្ដីប្រកាសជា ប្រវត្ដិសាស្ដ្រស្ដីពីគោលនយោបាយ“១១ខ” បំផុសបានការចូលរួមដ៏ពុះពារពីប្រជាជនកម្ពុជានៅគ្រប់ទិសទី និងទទួលបានការគាំទ្រពីប្រជាជននៃ បណ្ដាប្រទេសដែលស្រឡាញ់សន្ដិភាព និងយុត្ដិធម៌នៅលើពិភពលោក ។
ថ្ងៃ៧ មករា ឆ្នាំ១៩៧៩ វីរកងទ័ពរណសិរ្សសាមគ្គីសង្គ្រោះជាតិកម្ពុជា ដែលបានទទួលកិច្ចសហការជួយឧបត្ថម្ភពីកងទ័ព ស្ម័គ្រចិត្ដវៀតណាម បានវាយផ្ដួលរំលំរបបកម្ពុជាប្រជាធិបតេយ្យរំដោះទីក្រុងភ្នំពេញ ដណ្ដើមបានសិទ្ធិសេរីភាពបរិបូណ៌មក ជូនប្រជាជនវិញ ។ ជ័យជំនះ៧ មករា បានបញ្ចប់ដំណាក់កាលដ៏ខ្មៅងងឹតបំផុតនៃកម្ពុជា ហើយបើកឡើងនូវសករាជថ្មី គឺឯករាជ្យ សន្ដិភាព សេរីភាព អព្យាក្រឹត ប្រជាធិបតេយ្យ និងវឌ្ឍនភាពសង្គម ។ ប្រជាជនកម្ពុជាបានចងចាំជានិច្ចថា “៧មករា គឺជាថ្ងៃកំណើតទី២របស់ខ្លួន បើគ្មានជ័យជំនះ៧ មករា គឺគ្មានជីវិត គ្មានអ្វីៗដូចថ្ងៃនេះឡើយ”។ រំឮកដល់មហាជ័យជំនះនេះ ប្រជាជនយើងគ្រប់រូប គ្រប់វ័យ កាន់តែចងចាំមិនអាចបំភ្លេចបាននូវគុណូបការៈដ៏ឧត្ដុង្គឧត្ដមរបស់កម្មាភិបាល យុទ្ធជន យុទ្ធនារីនៃកងទ័ពរណសិរ្ស សាមគ្គីសង្គ្រោះជាតិកម្ពុជាដែលបានប្រយុទ្ធយ៉ាងក្លាហានអង់អាច ហ៊ានបូជាសាច់ស្រស់ឈាមស្រស់ និងអាយុជីវិតរបស់ខ្លួន ដើម្បីបុព្វហេតុសង្គ្រោះ ជាតិការពារមាតុភូមិ និងការពារការរស់ឡើងវិញរបស់ប្រជាជាតិ។ ព្រមជាមួយនេះ ប្រជាជនកម្ពុជាបានចារឹកជាប់ជារៀងរហូតក្នុងដួង ចិត្ដរបស់ខ្លួននូវឧបការគុណដ៏ថ្លៃថ្លារបស់កងទ័ពស្ម័គ្រចិត្ដ និងប្រជាជនវៀតណាម ក្រោមការដឹកនាំរបស់បក្សកុម្មុយនីស្ដ វៀតណាម ដែលបានឆ្លើយតបយ៉ាងទាន់ពេលវេលា និងមានប្រសិទ្ធភាពចំពោះការអំពាវនាវរបស់ប្រជាជនកម្ពុជា ដើម្បី វាយរំលំរបបប្រល័យពូជសាសន៍ និងការពារការរស់ឡើងវិញរបស់ជាតិ ។
ក្រោយជ័យជំនះ៧ មករា គណបក្សប្រជាជនកម្ពុជាបានកាន់អំណាច ដឹកនាំប្រទេសជាតិក្នុងស្ថានភាពដែលប្រទេសមានសន្ដិភាពផង និងសង្គ្រាមផង ។ ក្រុមប្រឹក្សាប្រជាជនបដិវត្ដន៍កម្ពុជានៃសាធារណរដ្ឋប្រជាមានិតកម្ពុជាដែលត្រូវបានបង្កើតឡើងនៅ ថ្ងៃទី៨ ខែមករា ១៩៧៩ ដែលជាតំណាងស្របច្បាប់តែមួយគត់របស់ប្រទេស និងប្រជាជនកម្ពុជាបានចាប់ផ្ដើមស្ដារ ប្រទេសឡើងវិញពីចំណុចសូន្យ ហើយត្រូវគេហ៊ុមព័ទ្ធខាងសេដ្ឋកិច្ចយ៉ាងអយុត្ដិធម៌ថែមទៀត ។ ព្រមជាមួយនោះ ពួកបាក់ទ័ព ប៉ុល ពត ដែលត្រូវបានបន្ដដង្ហើមរស់បានបង្កសង្គ្រាមប្រឆាំងការរស់ឡើងវិញរបស់ប្រជាជនក្នុងឧបាយកលយុទ្ធសាស្ដ្រទន្ទ្រាន និងផ្ដួលរំលំសាធារណ រដ្ឋប្រជាមានិតកម្ពុជា ។ អាស្រ័យហេតុនេះ ប្រជាជនកម្ពុជាត្រូវរែកពុននូវភារកិច្ចធំៗពីរក្នុងពេលតែមួយ គឺដៃម្ខាងបង្កបង្កើនផលស្ដារ ប្រទេសជាតិផង ហើយដៃម្ខាងទៀតត្រូវកាន់អាវុធការពារប្រទេស និងទប់ស្កាត់ការប៉ុនប៉ងវិលត្រឡប់មកវិញនៃរបប ប្រល័យពូជសាសន៍ផង ។ ជាការពិត ពួកអ្នកប្រឆាំងនឹងការរស់ឡើងវិញរបស់ប្រជាជនប៉ុនប៉ងច្របាច់កសាធារណរដ្ឋប្រជា មានិតកម្ពុជាឱ្យស្លាប់ភ្លាមៗតាមគ្រប់វិធានការ ទាំងនយោបាយ សតិអារម្មណ៍ យោធា សន្ដិសុខ សេដ្ឋកិច្ច និងការទូត។ ប៉ុន្ដែគ្រប់សកម្មភាពរបស់ពួកគេត្រូវបរាជ័យជាបន្ដបន្ទាប់ ក្រោមកំលាំងមហាសាមគ្គីជាតិ និងការជួយឧបត្ថម្ភគាំទ្ររបស់មិត្ដភក្ដិជិតឆ្ងាយទាំង ឡាយ ។ គណបក្សប្រជាជនកម្ពុជា រណសិរ្ស និងរដ្ឋាភិបាលនៃសាធារណរដ្ឋប្រជាមានិតកម្ពុជា បានការពារអាយុជិវិតប្រជាជនធ្វើឱ្យកំលាំងពិត គ្រប់ផ្នែកមានការចំរើនធំធាត់ឆាប់រហ័ស ជីវភាពរស់នៅក៏មានស្ថិរភាពជាបណ្ដើរៗដែលបានបង្កលក្ខណៈដល់ដំណើរការស្ដារ និងកសាងប្រទេស ឡើងវិញជាជំហានៗ ។
ជោគជ័យនៃការប្រឹងប្រែងរបស់យើងធ្វើឱ្យយើងបានឆ្លងផុតពីដំណាក់កាលដ៏លំបាកលំបិនបំផុត ហើយឈានមកកាន់ ដំណាក់កាលពង្រឹងពង្រីកខ្លួនតែក្នុងរយៈពេល១០ឆ្នាំ ប៉ុណ្ណោះ ។ គឺភាពរឹងមាំនៃកំលាំងពិតគ្រប់ផ្នែករបស់សាធារណរដ្ឋ ប្រជាមានិតកម្ពុជា ដែលបន្ទាប់មកបានប្ដូរឈ្មោះជារដ្ឋកម្ពុជានេះហើយ ដែលបានធ្វើជាកំលាំងស្នូលនៃដំណើរការស្វែងរក និងអនុវត្ដនូវដំណោះស្រាយនយោបាយនៃបញ្ហាកម្ពុជា។ ចាប់ពីឆ្នាំ១៩៩៣មកដល់បច្ចុប្បន្ន លើមូលដ្ឋានសមិទ្ធផលដែលរដ្ឋកម្ពុជាសំរេច បានរយៈពេល១៤ឆ្នាំ ប្រជាជនកម្ពុជាបានសំរេចសមិទ្ធផលធំៗ ថ្មីៗទៀតលើគ្រប់វិស័យដែលបានឆ្លុះបញ្ចាំងយ៉ាងច្បាស់ថា កម្ពុជាកំពុងតែបន្ដឈាន ទៅមុខតាមទិសដៅមួយដ៏ត្រឹមត្រូវ ។ សង្គ្រាមត្រូវបានបញ្ចប់ ទឹកដី និងប្រជាជនទាំងមូលបានឯកភាព បង្កើតបានសន្ដិភាពពេញ លេញជាលើកដំបូងចាប់ពីចុងឆ្នាំ១៩៩៨មកតាមរយៈនយោបាយឈ្នះ=ឈ្នះ ។ រាល់ដំណើរការនៃកិច្ចអភិវឌ្ឍន៍សង្គមជាតិបាននិង កំពុងប្រព្រឹត្ដទៅយ៉ាងល្អ ដោយឈរលើមូលដ្ឋានរដ្ឋធម្មនុញ ។ នីតិរដ្ឋ សិទ្ធិសេរីភាព និងតំលៃមនុស្សកាន់តែត្រូវបានលើកកំពស់ លទ្ធិប្រជាធិបតេយ្យសេរីពហុបក្សកំពុងចាក់ឫសកាន់តែជ្រៅនៅក្នុងបរិបទរបស់កម្ពុជា ។ បណ្ដាការដ្ឋានកំណែទំរង់រដ្ឋដ៏ស៊ីជំរៅ កំពុងត្រូវបានអនុវត្ដប្រកបដោយផ្លែផ្កា ។ កិត្ដិយស កិត្យានុភាពជាតិលើឆាកអន្ដរជាតិក៏កាន់តែត្រូវបានលើកកំពស់ឡើង ហើយកម្ពុជាបានធ្វើ សមាហរណកម្មពេញលេញទៅក្នុងសហគមន៍អន្ដរជាតិទាំងក្នុងក្របខណ្ឌតំបន់ អនុតំបន់ និងពិភពលោក ។ ក្នុងមោទនភាពដ៏ខ្ពង់ខ្ពស់ របស់ជាតិ គណបក្សប្រជាជនកម្ពុជាសូមចូលរួមសប្បាយរីករាយជាមួយរាជរដ្ឋាភិបាល និងប្រជាជនកម្ពុជានៅទូទាំង ប្រទេស ដែលប្រាសាទព្រះវិហារត្រូវបានដាក់បញ្ចូលក្នុងបញ្ជីបេតិកភណ្ឌពិភពលោកនៅឆ្នាំ២០០៨ ហើយកម្ពុជាត្រូវបាន បោះឆ្នោតជាសមាជិកនៃគណៈកម្មាធិការបេតិកភណ្ឌពិភពលោកនៅឆ្នាំ២០០៩កន្លងមកនេះ ដែលបង្ហាញឱ្យឃើញច្បាស់ ថា កម្ពុជាកំពុងងើបឈរឡើងក្នុងឋានៈជាប្រជាជាតិមួយដែលស្មើភាព ស្មើសិទ្ធិ ជាមួយប្រជាជាតិផ្សេងទៀត និងកំពុង ធ្វើសហប្រតិបត្ដិការល្អក្នុងក្របខណ្ឌតំបន់ និងពិភពលោក ។
ចំពោះដំណើរការអភិវឌ្ឍន៍សង្គម សេដ្ឋកិច្ច រាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោហ៊ុន សែន បានជំរុញអនុវត្ដប្រកបដោយជោគជ័យនូវយុទ្ធសាស្ដ្រត្រីកោណ យុទ្ធសាស្ដ្រចតុកោណដំណាក់កាលទី១ និងកំពុងអនុវត្ដយុទ្ធសាស្ដ្រចតុកោណ ដំណាក់កាលទី២។ លើមូលដ្ឋាននេះ ពីឆ្នាំ១៩៩៨ដល់២០០៨ សេដ្ឋកិច្ចជាតិសំរេចបានកំណើនកំរិតខ្ពស់ជាបន្ដបន្ទាប់ ។ ស្ថិរភាពម៉ាក្រូសេដ្ឋកិច្ចត្រូវ បានធានាទុនបំរុងជាតិជារូបិយប័ណ្ណបានកើនជាប្រចាំ ការកសាងហេដ្ឋារចនាសម្ព័ន្ធរូបវ័ន្ដត្រូវបានជំរុញយ៉ាងខ្លាំងក្លាឥតឈប់ឈរ អត្រានៃភាពក្រីក្រ បានថយចុះមកត្រឹម៣០% ដោយសំរេចបានការកាត់បន្ថយជាង១%ក្នុងមួយឆ្នាំ ហើយសុខុមាលភាពរបស់ប្រជាជនក៏ត្រូវបានលើកកំពស់ជា លំដាប់។ ប្រការនេះបានបង្ហាញឱ្យឃើញសន្ទុះរីកចំរើនប្រកបដោយថាមពលនៃសេដ្ឋកិច្ចកម្ពុជា សំដៅឈានដល់ដំណាក់កាល អភិវឌ្ឍន៍មួយថ្មីទៀតដោយផ្សារភ្ជាប់នឹងការបង្កើនប្រសិទ្ធភាពនៃគោលនយោបាយបែងចែកដោយសមធម៌។
រាល់ជ័យជំនះក្នុងរយៈពេលជាង៣០ឆ្នាំមកនេះ គឺជាសមិទ្ធផលរួមរបស់ប្រជាជាតិយើងទាំងមូលដែលបានសាមគ្គីគ្នា បង្កើតឡើងដោយបានកំចាត់ចេញទាំងទស្សនៈ និងទង្វើនៃការបែកបាក់ផ្ទៃក្នុងជាតិ ដែលបានចងរួតរឹតប្រជាជាតិយើង រាប់ទសវត្សមកហើយ ។ ប្រការនេះបានបញ្ជាក់ច្បាស់ថា នៅពេលដែលប្រជាជនយើងមានមាគ៌ាដឹកនាំត្រឹមត្រូវ មានសាមគ្គី ភាពរឹងមាំ និងការជឿជាក់លើខ្លួនឯងនោះ យើងពិតជានឹងសំរេចបាននូវគោលបំណងរបស់យើង ។ ក្នុងឱកាសនេះដែរ ក្នុង នាមប្រជាជនកម្ពុជា ក៏សូមសំដែងការគោរពថ្លែងអំណរគុណដ៏ជ្រាលជ្រៅចំពោះសហគមន៍អន្ដរជាតិដែលបានផ្ដល់ជំនួយឧបត្ថម្ភ និងកិច្ចសហប្រតិបត្ដិការដ៏ស្មោះសរចំពោះប្រជាជនកម្ពុជាក្នុងបុព្វហេតុសង្គ្រោះជាតិពីរបបប្រល័យពូជសាសន៍ ការស្វែងរកសន្ដិភាព បង្រួបបង្រួមជាតិ និងការកសាងកម្ពុជាឡើងវិញ៕
ចែករំលែកព័តមាននេះ