ខេត្តកណ្តាល ៖ ព្រឹកថ្ងៃទី២១ ខែមិថុនា ឆ្នាំ២០១២ លោកកែប ជុតិមា អភិបាលរាជ ធានីភ្នំពេញ បាននាំយកអំណោយមួយចំនួនទៅចែកជូនប្រជាពលរដ្ឋនៅសហគមន៍ភ្នំបាត ស្ថិតក្នុងឃុំផ្សារដែក ស្រុកពញាឮ ចំនួន១៣៥គ្រួសារ ដែលបានស្ម័គ្រចិត្តប្តូរទីលំនៅពីតំបន់បុរីកីឡា កាលពីពេលថ្មីៗកន្លងមកនេះ ។
ខេត្តកណ្តាល ៖ ព្រឹកថ្ងៃទី២១ ខែមិថុនា ឆ្នាំ២០១២ លោកកែប ជុតិមា អភិបាលរាជ ធានីភ្នំពេញ បាននាំយកអំណោយមួយចំនួនទៅចែកជូនប្រជាពលរដ្ឋនៅសហគមន៍ភ្នំបាត ស្ថិតក្នុងឃុំផ្សារដែក ស្រុកពញាឮ ចំនួន១៣៥គ្រួសារ ដែលបានស្ម័គ្រចិត្តប្តូរទីលំនៅពីតំបន់បុរីកីឡា កាលពីពេលថ្មីៗកន្លងមកនេះ ។
លោកកែប ជុតិមា បានថ្លែងថា យើងគ្មានជម្រើសណាដែលល្អជាងនេះទេ អ្វីដែលយើងខិតខំធ្វើគឺដើម្បីប្រជាពលរដ្ឋ ទោះបីជាបងប្អូននៅទីណាក៏ដោយ ។ លោកបានលើកជាសំណួរថា អស់រយៈពេលជាង៦ខែដែលបងប្អូនបានផ្លាស់ប្តូរទីលំនៅមករស់នៅក្នុងសហគមន៍ភ្នំបាតនេះ តើមានពួកជេររាជរដ្ឋាភិបាល ពួកជេរអាជ្ញាធររាជធានីភ្នំពេញ មកជួយអ្វីខ្លះដល់បងប្អូន ក្រៅពីញុះញង់ឆ្កឹះឆ្កៀល និងជេរប្រមាថនោះ ។ ប៉ុន្តែកត្តាសំខាន់ គឺស្ថិតនៅលើប្រជាពលរដ្ឋជាអ្នកវាយតម្លៃ ហើយក៏មិនត្រូវជឿតាមការបបួលរបស់ជនខិលខួច១ចំនួនទៅធ្វើការទាមទារតវ៉ាដោយខុសច្បាប់ និងប្រកាន់ទ្រឹស្តី ឈ្នះបានដី ចាញ់បានលុយនោះគឺគ្រាន់តែជាការស្រមៃប៉ុណ្ណោះ ។
លោកកែប ជុតិមា បានថ្លែងទៀតថា សាលារាជធានីភ្នំពេញ កំពុងស្វះស្វែងរកដៃគូមកអភិវឌ្ឍន៍នៅសហគមន៍ភ្នំបាត ឱ្យដូចសហគមន៍ទួលសំបូរដែរ ដូច្នេះចំណុចដែលនៅខ្វះខាតសូមបងប្អូនយោគយល់និងអត់ធ្មត់ បន្តិចសិន ។ ទោះបីជាយ៉ាងណា បងប្អូនប្រជាពលរដ្ឋនៅសហគមន៍ភ្នំបាត បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់ដល់ជីវភាពរស់នៅរបស់បងប្អូនពីសំណាក់លោកអភិបាលរាជធានីភ្នំពេញ ដែលមិនភ្លេចបងប្អូនទោះនៅទីណាក៏ដោយ ។
នាឱកាសនោះ លោកកែប ជុតិមា បានប្រកាសផ្តល់ផ្លូវក្រាលក្រួសក្រហម១ខ្សែចូលដល់លំនៅឋានរបស់បងប្អូន ផ្តល់រ៉ឺម៉កម៉ូតូកង់៣ ចំនួន២គ្រឿងសម្រាប់ប្រើប្រាស់ក្នុងសហគមន៍ បន្ថែមពីលើអណ្តូងទឹកស្អាតចំនួន២ដែលបានផ្តល់ជូនបងប្អូនរួចហើយ កាលពីពេលថ្មីៗនេះ ។ ចំពោះអំណោយដែលត្រូវផ្តល់ជូូននាឱកាសនោះ ក្នុង១គ្រួសារៗទទួលបានអង្ករ២៥គីឡូក្រាម តង់១ ធុងទឹក១ ទឹកត្រី៦ដប ទឹកស៊ីអ៊ីវ៦ដប កូនឈើ២ដើម និងប្រាក់៣ម៉ឺនរៀល និងផ្តល់ដល់សាលាឃុំផ្សារដែកចំនួន១លានរៀល ។
ដោយឡែកនៅព្រឹកថ្ងៃដដែលនោះដែរ លោកកែប ជុតិមា ក៏បានអញ្ជើញទៅពិនិត្យមើលដំណើរការស្ថាបនាផ្លូវភ្នំប្រសិទ្ធិឆ្លងកាត់សង្កាត់ព្រែកព្នៅ សង្កាត់ពញាពន់ ខណ្ឌសែនសុខ ប្រវែងជាង១២គីឡូម៉ែត្រ ។ នេះជាផ្លូវក្រាលកៅស៊ូប្រភេទDBST មានប្រវែងវែង ដែលសាលារាជធានីភ្នំពេញទើបបើកការដ្ឋានស្ថាបនានាពេលថ្មីៗកន្លងទៅ និងគ្រោងឱ្យរួចរាល់ក្នុងរយៈពេល១៨ខែ ជាគម្រោងធំដែលគ្រោងចំណាយថវិកាជិត៦លានដុល្លារអាមេរិក៕
ចែករំលែកព័តមាននេះ