ខេត្តកណ្តាល ៖ យោងតាមរបាយការណ៍របស់ប្រធានគណៈកម្មាធិការបក្សប្រជាជនកម្ពុជាឃុំបែកចាន ស្រុកអង្គស្នួល បានឲ្យដឹងពីលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលកន្លងមកថា ទូទាំងឃុំបែកចានមាន២១ភូមិ ប្រជាពលរដ្ឋចុះឈ្មោះបោះឆ្នោតរួចចំនួន ៨.៥៦៣នាក់ចូលរួមបោះឆ្នោតជាក់ស្តែងចំនួនជាង៦.៣០០នាក់ស្មើនឹង ៦៥,៣០% បើប្រៀបធៀបនឹងអាណត្តិមុន
ខេត្តកណ្តាល ៖ យោងតាមរបាយការណ៍របស់ប្រធានគណៈកម្មាធិការបក្សប្រជាជនកម្ពុជាឃុំបែកចាន ស្រុកអង្គស្នួល បានឲ្យដឹងពីលទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលកន្លងមកថា ទូទាំងឃុំបែកចានមាន២១ភូមិ ប្រជាពលរដ្ឋចុះឈ្មោះបោះឆ្នោតរួចចំនួន ៨.៥៦៣នាក់ចូលរួមបោះឆ្នោតជាក់ស្តែងចំនួនជាង៦.៣០០នាក់ស្មើនឹង ៦៥,៣០% បើប្រៀបធៀបនឹងអាណត្តិមុន គឺមានការកើនឡើង ។ ជាលទ្ធផល គណបក្សប្រជាជនកម្ពុជាទទួលបានជោគជ័យក្នុងការបោះ ឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៣នេះ ។
របាយការណ៍នេះ ត្រូវបានលើកឡើងក្នុងជំនួបសំណេះសំណាលនិងប្រជុំបូកសរុបការងាររបស់គណៈកម្មាធិការបក្ស ប្រជាជនឃុំបែកចាន នាព្រឹកថ្ងៃទី១៦ មិថុនា ក្រោមវត្តមានចូលរួមពីលោក រស់ វណ្ណា អនុប្រធានគណៈអចិន្ត្រៃយ៍គណៈពង្រឹងមូលដ្ឋានស្រុកអង្គស្នួល និងជាប្រធានក្រុមការងារថ្នាក់កណ្តាលចុះជួយឃុំក្រាំងម្កាក់ និងឃុំបែកចាន និងលោក ឆាយ ត្រលន់ អនុប្រធានក្រុមការងារ រួមជាមួយមន្ត្រីក្រុមការងារជាច្រើនរូបទៀត ។
ក្នុងប្រសាសន៍សំណេះសំណាល លោករស់ វណ្ណា បានវាយតម្លៃខ្ពស់ និងថ្លែងកោតសរសើរមន្ត្រីប្រធាន-អនុប្រធានក្រុម និងសមា ជិក- សមាជិកាបក្សទាំងអស់ ដែលកន្លងមកតែងយកចិត្តទុកដាក់បំពេញការងាររបស់ខ្លួនក្នុងបុព្វហេតុបម្រើប្រជាពលរដ្ឋ រហូតទទួលបាននូវជំនឿទុកចិត្តពីប្រជាពលរដ្ឋ និងគាំទ្រដល់ការដឹកនាំរបស់គណបក្សប្រជាជនជាកម្ពុជាបន្តទៀត ។ លោកបានផ្តល់បទពិសោធន៍សំខាន់ៗមួយចំនួនដល់សមាជិក-សមាជិកាបក្សទាំងអស់សម្រាប់យកទៅអនុវត្តបន្តឲ្យទទួលបានការគាំទ្រ និងមានជំនឿកាន់តែមុតមាំថែមទៀតពីមហាជនជាពិសេសធ្វើអំពើល្អដែលជាប្រពៃណីរបស់គណបក្សនិងជួយដោះស្រាយរាល់សំណូមពររបស់ប្រជាពលរដ្ឋក្នុងមូលដ្ឋានបានទាន់ពេលវេលា និងមានប្រសិទ្ធភាព ។ ក្នុងឱកាសជួបសំណេះសំណាលលើកទឹកចិត្តនេះដែរ លោករស់ វណ្ណាក៏បានឧបត្ថម្ភការចំណាយថវិកាសម្រាប់ជួលភ្លេងមករាំកម្សាន្តក្នុងការជួបជុំចំនួន៦វង់ ។
ដោយឡែក ក្នុងថ្ងៃដដែលនេះដែរ លោករស់ វណ្ណា និងក្រុមការងារ បានបន្តចុះទៅពិនិត្យមើលការងារសាងសង់អគារទីចាត់សាលា១ខ្នង និងអគារសិក្សា១ខ្នងមានកម្ពស់២ជាន់ស្មើ១២បន្ទប់ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ស្ថិតក្នុងបរិវេណវិទ្យាល័យ ហ៊ុន សែន អង្គពពាយ មកដល់ពេលនេះ អគារសិក្សាសម្រេចពង្រឹងគ្រឹះរួចរាល់ហើយ និងអគារទីចាត់ការសាលាសម្រេចការងារសាងសង់បានប្រមាណជាង៩០%ហើយ ៕
ចែករំលែកព័តមាននេះ