ខេត្ដឧត្ដរមានជ័យ ៖ ព្រះរាជាណាចក្រ កម្ពុជាយើងជាប្រទេសអច្ឆរិយៈមួយ ដែល មានប្រាង្គប្រាសាទរាប់រយរាប់ពាន់នៅគ្រប់ ខេត្ដ-ក្រុង ហើយប្រាសាទទាំងនេះសុទ្ធសឹង តែមានអាយុកាលរាប់ពាន់ឆ្នាំមកហើយ ដូច្នេះហើយទើបមានប្រាសាទខ្លះត្រូវរងការ ទ្រុឌទ្រោមបាក់បែកខូចខាតដោយសារធម្ម ជាតិ និងដោយសារការលួចគាស់កាយពីជន ទុច្ចរិតមួយចំនួនដែលនាំគ្នាជីកគាស់កាយរក វត្ថុមានតំលៃ ។
ជាមួយគ្នានេះដែរ ប្រាសាទខ្នារជាប្រា សាទមួយកសាងអំពីឥដ្ឋដុត និងផ្ដែរ ទ្វារ សសរពេជ្រ ធ្វើអំពីថ្មភក់ ដែលមានប្រាង្គ៣ តែត្រូវបាក់បែកខូចខាតស្ទើររលំដួលទៅ ហើយនោះ ស្ថិតនៅក្បែរវត្ដប្រាសាទបុរីជ័យ ហៅវត្ដត្រញំងប្រាសាទ ក្នុងស្រុកត្រញំង ប្រាសាទ ខេត្ដឧត្ដរមានជ័យ ។ បើតាមការ ស្រាវជ្រាវរបស់លោកប្រាក់ សុវណ្ណារ៉ា អគ្គ នាយករងបេតិកភណ្ឌ នៃក្រសួងវប្បធម៌ និង វិចិត្រសិល្បៈ បានឱ្យដឹងថា ប្រាសាទខ្នារនេះ មានបណ្ដោយខឿនប្រហែលជា២០ម៉ែត្រ ទទឹង១៥ម៉ែត្រ មានប្រាង្គនៅសល់សព្វថ្ងៃ ចំនួន៣ ដែលបុព្វបុរសខ្មែរយើងសម័យមុន កសាងឡើងពីឥដ្ឋតាន់ពណ៌ក្រហម (ឥដ្ឋដុត ពីដី) ដោយមានផ្ដែរទ្វារ និងសសរពេជ្រ ធ្វើ អំពីថ្មភក់ តែត្រូវបាក់បែកទ្រុឌទ្រោមខ្លាំង ។ ប្រាសាទនេះបើមើលទៅតាមផ្ដែរទ្វារបាក់ បែក ដែលធ្លាក់នៅក្បែរប្រាសាទមានរូបរាហូ គេអាចសន្និដ្ឋានបានថា ប្រហែលជាកសាង ឡើងក្នុងរជ្ជកាលព្រះបាទរាជេន្ទ្រវរ្ម័នទី២ (តែមិនច្បាស់ទេ ព្រោះគ្មានសិលាចារឹក) ហើយឈ្មោះថា ប្រាសាទខ្នារនេះទៀតសោត គឺជាការហៅតៗគ្នាតាមគ្រាមភាសា ។
ចំពោះកាលបរិច្ឆេទមិនទាន់ច្បាស់លាស់ ទេ ដែលប្រាសាទនេះប្រហែលជាកសាង ឡើងនៅសម័យអង្គរ តែនេះគ្រាន់តែជាការ ប៉ាន់ស្មានទៅតាមក្បាច់ចំលាក់នៅលើសសរ ផ្ដែរទ្វារដែលបាក់បែកក្បែរនោះប៉ុណ្ណោះ ។ លោកប្រាក់ សុវណ្ណារ៉ា បន្ដថា ចំពោះបុរាណ ស្ថានដ៏ពិសិដ្ឋនេះ ក្រសួងវប្បធម៌ និងវិចិត្រ សិល្បៈបានគិតគូរហើយមិនថា ប្រាសាទ បុរាណនៅជិតឬឆ្ងាយទេ គឺក្រសួងមានគំរោង អភិរក្សថែរក្សាជួសជុលទាំងអស់ ប៉ុន្ដែដោយ ប្រាសាទនៅក្នុងប្រទេសកម្ពុជាយើងច្រើន ហើយមានការទ្រុឌទ្រោមច្រើន យើងក៏អភិ រក្សថែរក្សាជួសជុលទៅតាមដំណាក់កាល គំរោងនីមួយៗ ។ ជាជំហានដំបូង ក្រសួងជួស ជុលតែប្រាសាទណាមានទ្រង់ទ្រាយល្អ បន្ទាប់ មកនឹងធ្វើការអភិរក្សថែរក្សាជួសជុលជាបន្ដ រហូតគ្រប់ប្រាសាទដែលបាក់បែកទាំងអស់។
ដោយឡែកព្រះតេជគុណស៊ីម ចន្ថា ចៅ អធិការវត្ដប្រាសាទបុរីជ័យ ហៅវត្ដត្រញំង ប្រាសាទ និងប្រជាជននៅក្បែរនោះបាន អំពាវនាវដល់រដ្ឋាភិបាល ក៏ដូចក្រសួងវប្ប ធម៌ និងវិចិត្រសិល្បៈ និងក្រសួងអភិវឌ្ឍន៍ ជនបទសូមជួយស្ដារគូទឹកនៅខាងមុខប្រា សាទ និងជួសជុលប្រាសាទឡើងវិញ ដើម្បី ទុកជាកេរដំណែល និងដើម្បីធ្វើជារមណីយ ដ្ឋានបុរាណសំរាប់ប្រជាជនខ្មែរ ក៏ដូចជាជន បរទេសទៅទស្សនាកំសាន្ដ ។ ប្រាសាទនេះ ជារៀងរាល់រដូវចូលឆ្នាំថ្មីប្រពៃណីជាតិ និង បុណ្យភ្ជុំបិណ្ឌ ព្រមទាំងបុណ្យប្រពៃណី ផ្សេងៗទៀត គេតែងតែនាំគ្នាទៅកំសាន្ដនៅ ទីនោះ ព្រោះមានម្លប់ឈើត្រឈឹងត្រឈៃ គួរជាទីកំសាន្ដផងដែរ។
ចែករំលែកព័តមាននេះ