ខេត្ដបាត់ដំបង ៖ អ្នកដែលប្រព្រឹត្ដអំពើអាក្រក់មិនប្រាកដថាមានវាសនាល្អ រហូតនោះទេបើទោះបីជាប្រឹងរត់គេចលាក់ខ្លួនដល់ជើងមេឃក៏ដោយ ។ ជាក់ស្ដែងដូចជាបុរសម្នាក់ឈ្មោះហង្ស ហួន ហៅហ៊ាង អាយុ២៥ឆ្នាំដែលបែកសំបុកដោយសារសមត្ថកិច្ចបង្ក្រាប ខណៈក្រុមរបស់ពួកគេរៀបចំគំរោងប្លន់សំលាប់ជនរងគ្រោះនៅឯស្រុក កំពង់សិលា ខេត្ដព្រះសីហនុ កាលពីជាងមួយសប្ដាហ៍មុន បានព្យាយាមរត់មកលាក់ខ្លួននៅផ្ទះឪពុកក្មេកនៅស្រុក
ខេត្ដបាត់ដំបង ៖ អ្នកដែលប្រព្រឹត្ដអំពើអាក្រក់មិនប្រាកដថាមានវាសនាល្អ រហូតនោះទេបើទោះបីជាប្រឹងរត់គេចលាក់ខ្លួនដល់ជើងមេឃក៏ដោយ ។ ជាក់ស្ដែងដូចជាបុរសម្នាក់ឈ្មោះហង្ស ហួន ហៅហ៊ាង អាយុ២៥ឆ្នាំដែលបែកសំបុកដោយសារសមត្ថកិច្ចបង្ក្រាប ខណៈក្រុមរបស់ពួកគេរៀបចំគំរោងប្លន់សំលាប់ជនរងគ្រោះនៅឯស្រុកកំពង់សិលា ខេត្ដព្រះសីហនុ កាលពីជាងមួយសប្ដាហ៍មុន បានព្យាយាមរត់មកលាក់ខ្លួននៅផ្ទះឪពុកក្មេកនៅស្រុកថ្មគោល ខេត្ដបាត់ដំបង ហើយត្រូវកំលាំងនគរបាលព្រហ្មទណ្ឌកំរិតធ្ងន់ខេត្ដបាត់ដំបងសហការជាមួយកំលាំងនគរបាលនាយកដ្ឋានព្រហ្មទណ្ឌរបស់ក្រសួងមហាផ្ទៃ ចាប់ខ្លួនបានកាលពីល្ងាចថ្ងៃ ទី២៤ ឧសភា។ ការចាប់ខ្លួននេះគឺយោង តាមដីកាបង្គាប់ឱ្យចាប់ខ្លួនរបស់លោកម៉ុង មុន្នីចរិយា ចៅក្រមស៊ើបសួររបស់សាលាដំបូងខេត្ដព្រះសីហនុ លេខ១០២ ចុះថ្ងៃទី២៤ ឧសភា ឆ្នាំ២០១០ ។
លោកជេត វណ្ណី អនុប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ ដែលចុះប្រតិបត្ដិការនេះជាមួយកំលាំងនគរបាលខេត្ដបាត់ដំបង បានប្រាប់កោះសន្ដិភាពថា ជនសង្ស័យឈ្មោះហង្ស ហួន ហៅហ៊ាង អាយុ ២៥ឆ្នាំ រស់នៅភូមិត្រញំងអំពិល ឃុំតាភេម ស្រុកត្រាំកក់ ខេត្ដតាកែវ ។ លោកបានបញ្ជាក់ថា ជននេះអាចជាប់ពាក់ព័ន្ធជាមួយបក្សពួក៤នាក់ទៀតដែលរៀបគំរោងប្លន់និងសំលាប់ជនរងគ្រោះនៅភូមិព្រៃប្រសិទ្ធិ៍ ឃុំ អូរបាក់រទេះ ស្រុកកំពង់សិលា ខេត្ដព្រះសីហនុ កាលពីវេលាម៉ោង៤និង៤០នាទី រសៀលថ្ងៃទី១៨ ឧសភា កន្លងទៅ ។លោក ជេត វណ្ណី បានបញ្ជាក់ថា កាលនោះយើងឃាត់ខ្លួនបាន២នាក់ដំបូងក្នុងចំណោមបក្សពួក៥នាក់ ហើយដកហូតបានកាំភ្លើងអាកាមួយដើម និងគ្រាប់ចំនួន១០០គ្រាប់ផងដែរ។ក្រោយពីបែកសំបុក ជនឈ្មោះហង្ស ហួន ហៅហ៊ាងនេះបានរត់មកលាក់ខ្លួននៅស្រុកថ្ម គោល ខេត្ដបាត់ដំបង ហើយកំលាំងយើង ស្រាវជ្រាវដឹងទើបសុំដីកាចាប់ខ្លួនជននេះតែម្ដងទៅ ។ ក្រុមនេះមានស្ដ្រី២នាក់ផង ។
ក្រោយពេលត្រូវចាប់ខ្លួនជនសង្ស័យ ឈ្មោះហង្ស ហួន ហៅហ៊ាង បានឆ្លើយបដិសេធរាល់ការចោទប្រកាន់របស់សមត្ថកិច្ចប៉ុន្ដែបានសារភាពថា ខ្លួនពិតជាស្គាល់ក្រុមដែលរៀបចំគំរោងប្លន់សំលាប់នោះមែនតែខ្លួនមិនពាក់ព័ន្ធនឹងការរៀបចំគំរោងប្លន់សំលាប់នោះទេ ។ ទោះជាបែបណានេះជាជោគជ័យពិតប្រាកដមួយរបស់ក្រុមនគរបាលខេត្ដព្រះសីហនុដែលបង្ក្រាបក្រុមចោរប្លន់សំលាប់នេះបានទាន់ពេលវេលា ។ សម្ដេចអគ្គមហាសេនាបតីតេជោហ៊ុន សែន ធ្លាប់មានប្រសាសន៍ ហើយថា ការបង្ក្រាបក្រុមចោរប្លន់បានមុនពេលពួកវាធ្វើសកម្មភាពទើបចាត់ទុកថា ជាជោគជ័យពិតប្រាកដ ប៉ុន្ដែបើពួកចោរប្លន់បានសំរេចហើយ ឯយើងបង្ក្រាបបានតាមក្រោយនេះមិនមែនជាជោគជ័យទេ ព្រោះចោរបានប្លន់រួចទៅហើយ ។
ចែករំលែកព័តមាននេះ