ខេត្តកណ្តាល ៖ មុខសញ្ញាជួញដូរ ដោយខុសច្បាប់ នូវសារធាតុញៀន (ទិញពីគេយកមកលក់បន្ត) យ៉ាងសកម្ម នៅស្រុកកៀនស្វាយ ត្រូវសមត្ថកិច្ចឃាត់ខ្លួនបានជាបន្តបន្ទាប់ចំនួន ០៣នាក់…
ខេត្តកណ្តាល ៖ មុខសញ្ញាជួញដូរ ដោយខុសច្បាប់ នូវសារធាតុញៀន (ទិញពីគេយកមកលក់បន្ត) យ៉ាងសកម្ម នៅស្រុកកៀនស្វាយ ត្រូវសមត្ថកិច្ចឃាត់ខ្លួនបានជាបន្តបន្ទាប់ចំនួន ០៣នាក់ ។
ការបង្ក្រាបនេះ បានធ្វើឡើងកាលពីវេលាម៉ោង១៣និង១៥នាទី ថ្ងៃទី១៥ ខែកក្កដា ឆ្នាំ២០២៥ ចំណុចភូមិអង្គរជយ័ ឃុំបន្ទាយដែក ស្រុកកៀនស្វាយ ខេត្តកណ្ដាល ។
នគរបាលស្រុកកៀនស្វាយ បានឲ្យដឹងថា ជនសង្ស័យចំនួន ៣នាក់ រួមមាន ៖
១-ឈ្មោះ តាំង ស៊ីមាន ភេទប្រុស អាយុ ៣៦ ឆ្នាំ(ខ្មែរ) មុខរបរ មិនពិត មានទីលំនៅ ភូមិអង្គរជយ័ ឃុំបន្ទាយដែក ស្រុកកៀនស្វាយ ខេត្តកណ្តាល (ឃាត់ខ្លួន)
២-ឈ្មោះ ប៉ាន់ សុភារុន(ហៅចិន) ភេទប្រុស អាយុ ៣៦ ឆ្នាំ(ខ្មែរ) មុខរបរ មិនពិត មានទីលំនៅ ភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល (ឃាត់ខ្លួន)។
៣-ឈ្មោះ ទៀង គឹមរត្ន័ធានី ភេទប្រុស អាយុ ៣៦ ឆ្នាំ(ខ្មែរ) មុខរបរ មិនពិត មានទីលំនៅ ភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល (ឃាត់ខ្លួន) ។
ក្នុងនោះ វត្ថុតាងចាប់យករួមមាន ៖ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន ៥កញ្ចប់( មធ្យម៤ តូច១) ទំងន់ ១០,៧៩ក្រាម), សម្ភារៈវេចខ្ចប់ និងប្រើប្រាស់ថ្នាំញៀនមួយចំនួន, ទូរសព្ទ ចំនួន២គ្រឿង (ម៉ាកOppo១ Vivo១) ក្រដាសវេរលុយវីងចំនួន២សន្លឹក ។
សមត្ថកិច្ច បានឲ្យដឹងថា មុននឹងឈានដល់ការបង្ក្រាបនេះ ប្រជាពលរដ្ឋបានរាយការណ៍ប្រាប់សមត្ថកិច្ចថា មានសកម្មភាពជួញដូរ និងប្រើប្រាស់ថ្នាំញៀន នៅផ្ទះ របស់ឈ្មោះ តាំង ស៊ីមាន ស្ថិតនៅភូមិអង្គរជយ័ ឃុំបន្ទាយដែក។ក្រោយទទួលពត៌មានបានភ្លាម កម្លាំងប៉ុស្ដិ៍នគរបាលរដ្ឋបាលបន្ទាយដែក សហការជាមួយផ្នែកប្រឆាំងគ្រឿងញៀនស្រុកកៀនស្វាយ បានចុះដល់ចំនុចកើតហេតុ ឃាត់ខ្លួនជនសង្ស័យចំនួន២នាក់ ឈ្មោះ តាំង ស៊ីមាន និងឈ្មោះ ទៀង គឹមរត្ន័ធានី រួចធ្វើការត្រួតពិនិត្យរកឃើញម្សៅក្រាមពណ៌សថ្លា សង្ស័យសារធាតុញៀន(ម៉ាទឹកកក) ចំនួន១កញ្ចប់ តូច និងសម្ភារៈវេចខ្ចប់ និងប្រើប្រាស់ថ្នាំញៀនមួយចំនួន ក្រោយធ្វើការត្រួតពិនិត្យរួច កម្លាំងបាននាំខ្លួនជនសង្ស័យរួមនឹងវត្ថុតាងមកប៉ុស្តិ៍ដើម្បីសួរនាំ ។
នៅចំពោះមុខសមត្ថកិច្ចជនសង្ស័យឈ្មោះ តាំង ស៊ីមាន ភេទប្រុស និងឈ្មោះ ទៀង គឹមរត្ន័ធានី បានសារភាពថា ម្សៅក្រាមពណ៌សថ្លាជាសារធាតុញៀន(ម៉ាទឹកកក)ចំនួន ១កញ្ចប់នេះ ជារបស់ពួកខ្លួនប្រាកដមែន ហើយខ្លួនបានទិញពីឈ្មោះ ប៉ាន់ សុភារុន(ចិន) ភេទប្រុស យកមកវេចខ្ចប់ទុកលក់បន្ត និងប្រើប្រាស់ខ្លួនឯងផង ។
ក្រោយបានចម្លើយយសារភាពរបស់ឈ្មោះ តាំង ស៊ីមាន និង ឈ្មោះ ទៀង គឹមរត្ន័ធានី កម្លាំងផ្នែកប្រឆាំងគ្រឿងស្រុក សហការ ជាមួយប៉ុស្តិបន្ទាយដែក បន្តនិតិវិធីចុះទៅដល់ផ្ទះរបស់ឈ្មោះ ប៉ាន់ សុភារុន(ចិន) ស្ថិតនៅភូមិខ្សុំ ឃុំបន្ទាយដែក បានធ្វើការឃាត់ខ្លួនឈ្មោះ ប៉ាន់ សុភារុន(ចិន) ដកហូតបានម្សៅក្រាមសថ្លាសង្សយ័សារធាតុញៀន ចំនួន៤កញ្ចប់មធ្យម សម្ភារះវេចខ្ចប់ថ្នាំញៀនមួយចំនួន ក្រោយត្រួតពិនិត្យរួច កម្លាំងសមត្ថកិច្ចបាននាំខ្លួន យកមកប៉ុស្តិ៍ដើម្បីសួរនាំ នៅចំពោះមុខសមត្ថកិច្ច ឈ្មោះ ប៉ាន់ សុភារុន(ចិន) បានសារភាពថា ខ្លួនពិតជាបានលក់ថ្នាំញៀនទៅអោយឈ្មោះ តាំង ស៊ីមាន និងឈ្មោះ ទៀង គឹមរត្ន័ធានី ប្រាកដមែន ហើយថ្នាំញៀននេះ ខ្លួនបានទិញពីមនុស្សប្រុសម្នាក់ (មិនស្គាល់នាមត្រកូល) នៅជិតផ្សារស្អាងព្រែកតូច ស្រុកស្អាង។
ក្រោយពីសួរនាំរួច ជនសង្ស័យរួមទាំងវត្ថុតាង បញ្ជូនទៅអធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធីច្បាប់ ៕
ចែករំលែកព័តមាននេះ