រាជធានីភ្នំពេញ ៖ អ្នកភូមិព្រៃទា១ និងភូមិព្រៃទា២ នៃរដ្ឋបាលសង្កាត់ចោមចៅទី៣ ខណ្ឌពោធិ៍សែនជ័យ ដឹកនាំដោយលោក លោកស្រី ដែលជាមេភូមិទាំង២ បាននាំយកគ្រឿងឧបភោគ…
រាជធានីភ្នំពេញ ៖ អ្នកភូមិព្រៃទា១ និងភូមិព្រៃទា២ នៃរដ្ឋបាលសង្កាត់ចោមចៅទី៣ ខណ្ឌពោធិ៍សែនជ័យ ដឹកនាំដោយលោក លោកស្រី ដែលជាមេភូមិទាំង២ បាននាំយកគ្រឿងឧបភោគ បរិភោគ និងថវិការជូនដល់វីរកងទ័ព និងគ្រួសារកងទ័ពជួរមុខ ដែលកំពុងឈរជើងការពារទឹកដី នៅទិសប្រសាទព្រះវិហារ ទប់ទល់ពីការឈ្លានពានរបស់កងទ័ពប្រទេសថៃ ។
លោក លោកស្រី ដែលជាមេភូមិទាំង២ខាងលើ នឹងដឹកនាំប្រជាពលរដ្ឋក្នុងភូមិនាំយកសម្ភារៈទាំងនោះចេញទៅកាន់សមរភូមិទិសទី១ ដើម្បីជូនដល់កងទ័ពវរសេនាតូចលេខ៣៨១ ភូមិភាគ៤ កងពលលេខ៨ ប្រាសាទព្រះវិហារ នៅថ្ងៃទី១៦ ខែសីហា ឆ្នាំ២០២៥ ស្អែកនេះហើយដោយប្រើប្រាស់សោហ៊ុយក្នុងការធ្វើដំណើរផ្ទាល់ខ្លួនរៀងៗខ្លួនមិនប្រើប្រាស់ថវិការជំនួយនោះឡើយ ។
បើតាមលោកស្រីមូល សាមឺន មេភូមិព្រៃទា១ បានប្រាប់ឲ្យដឹងថា សម្ភារៈទាំងនោះរួមមាន, ក្រមា, ចង្ក្រានហ្គាស់, កាហ្វេកញ្ចប់, សារុង, សម្លៀកបំពាក់ឈុត, សាប៊ូកក់សក់, ប្រេងឆា, នំដំណាប់ផ្លែឈើ, ស្ករគ្រាប់, ធូបមូស ទឹកស៊ីអ៊ីវ, ទឹកត្រី, ខ្ទឹមស, ប៊ីចេង, កាពិ, ប្រហុកគ្រឿង, មីតុក្កតា, មីជាតិ, កន្ត្រៃ៥ឈុត, សាច់ជ្រូក៨០គីឡូក្រាម សម្រាប់ធ្វើប្រហុកគ្រឿង និងការពិផាវ, ទឹកសុទ្ធ៤០០យួរ និង១០កេស, ម៉ូតូ២គ្រឿង វិទ្យុទាក់ទង១គ្រឿង, វ៉ែនតា, ទឹកដោះគោខាប់, ស្ករស, បន្លែ, កំប៉ុងហ្គាស់ និងផ្លែឈើ ។
លោកស្រី បានប្រាប់បន្តទៀតថា សម្ភារៈ និងថវិការទាំងនោះ គិតជាទឹកប្រាក់សរុបចំនួន២៩លានរៀល ថវិការផ្ទាល់ខ្លួនរបស់លោកស្រីមានចំនួន៣លានរៀល នឹងថវិការរបស់អជ្ញាធរទាំងពីភូមិ និងបានមកពីការចូលរួមចំណែករបស់បងប្អូនប្រជាពលរដ្ឋក្នុងភូមិព្រៃទា១ ភូមិព្រៃទា២ នឹងបងប្អូនប្រជាពលរដ្ឋនៅភូមិក្បាលដំរី ចំនួន២៦លានរៀល ដើម្បីយកជូនកងទ័ព ជួរមុខចំនួន៣៤៦នាក់ក្នុងម្នាក់ៗទទួលបានថវិការ១ម៉ឺនរៀល នឹងជូនកងពលលេខ៨ ចំនួនថវិការ២លានរៀល នឹងជូនទៅគ្រួសារកងទ័ពជួរមុខក្នុង១គ្រួសារ២ម៉ឺនរៀល មី២កេស អង្ករ២៥គីឡូក្រាម សារុង១ ទឹកត្រី២យួរ ទឹកស៊ីអ៊ីវ ២យួរផងដែរ ហើយកន្លងមកលោកស្រី ក៏បាននាំយកក្រមាចំនួន១០០ និងថវិការចំនួន១,៤០០,០០០រៀល ជូនដល់ដៃកងទ័ព នៅប្រាសាទតាក្របីរួចហើយដែរ ។
លោកស្រីមេភូមិ បានថ្លែងអំណរគុណយ៉ាងខ្លាំងដល់បងប្អូនវីរកងទ័ព ដែលបានបូជាសាច់ស្រស់ឈាមស្រស់ ក្នុងការការពាទឹកដីដ៏អង់អាចក្លាហាន វាយបណ្ដេញទាហានឈ្លានពានថៃ និងឈរជើងយ៉ាងរឹងមាំតាមខ្សែបន្ទាត់ព្រំដែន។ ទន្ទឹមនេះ លោកស្រីក៏បានថ្លែងអំណរគុណ និងរំភើបចិត្តយ៉ាងខ្លាំងចំពោះទឹកចិត្តអជ្ញាធរទាំងពីភូមិ និងបងប្អូនប្រជាពលរដ្ឋទាំងអស់ ដែលបានចូលរួមជាថវិការ និងសម្ភារៈ តាមរយៈលោកស្រី ដើម្បីជូនដល់វីរកងទ័ពរបស់យើងនៅពេលនេះ ៕
ចែករំលែកព័តមាននេះ